តាមរយៈបណ្ដាញទំនាក់ទំនងសង្គមហ្វេសប៊ុកនៅថ្ងៃទី28 ខែកុម្ភៈ ឆ្នាំ2018 នេះបានឱ្យដឹងថា តារាសម្ដែងស្រីល្បីឈ្មោះ ឌុច លីដា បានបង្ហោះរូបភាពជាច្រើនសន្លឹកដែលបង្ហាញពីឈុតឆាកសកម្មភាពក្រៅរឿងនៃការថតរឿងភាគ «សមុទ្រទឹកភ្នែក» ដែលជាស្នាដៃផលិតរបស់ស្ថានីយទូរទស្សន៍ PNN។ ដោយឡែក អ្វីដែលប្រិយមិត្តបានមើលឃើញ និងភ្ញាក់ផ្អើលរហូតដល់ថ្នាក់ចំហមាត់ធ្លុងនោះគឺ តារាស្រីរូបនេះតម្រូវឱ្យផាត់មុខ និងតុបតែងកាយទៅជាយាយចាស់ម្នាក់ ដែលធ្វើឱ្យអ្នកគាំទ្រចំណាំនាងស្ទើរតែមិនបាន។
![](https://scontent.fpnh3-1.fna.fbcdn.net/v/t1.0-9/28279085_1597101567051139_1392547204505412354_n.jpg?oh=5663ab202e0de3ea5713a34078819ac6&oe=5B0239BD)
តារាស្រីសម្បុរខ្មៅស្រអែមរូបនេះ បានបង្ហោះសារអមដោយរូបភាពថា «ក្នុងនាមជាតួសម្ដែង ខ្ញុំមិនដែលនិយាយពាក្យថា ខ្ញុំមិនអាចធ្វើបានទេនោះឡើយ ខ្ញុំមានតែពាក្យថា “ខ្ញុំនឹងព្យាយាមធ្វើឱ្យបានល្អ” មិនខ្លាចគេថា ឌុច លីដា LidaDuchធ្វើចាស់ទៅ អាក្រក់ណាស់នោះទេ តែសម្រាប់ខ្ញុំ ពិតជាសប្បាយចិត្តណាស់ ព្រោះខ្ញុំបានបទពិសោធថ្មីបន្ថែមទៀតពីការងារដែលខ្ញុំស្រឡាញ់» ។ ការពោលដូច្នោះ ហាក់បីដូចជានាងបានប្រាប់ទៅកាន់ប្អូនៗជំនាន់ក្រោយ និងមហាជនថា ជាតារាសម្ដែងស្រីម្នាក់ដែលអាចសាងកេរ្តិ៍ឈ្មោះបាន មានមនុស្សស្គាល់ពីទេពកោសល្យពិតរបស់ខ្លួន គឺមិនមែនជារឿងងាយទេ តែនាងបានព្យាយាមសម្ដែងគ្រប់បែបបទ ទៅតាមការកំណត់របស់អ្នកដឹកនាំរឿង និងសាច់រឿងទាំងមូល ដោយមិនពោលពាក្យប្រកាន់ខ្លួនអ្វីទាំងអស់ ពោលគឺ នាងអាចបត់បែនបានគ្រប់កាលៈទេសៈនៃការសម្ដែង៕
![](https://scontent.fpnh3-1.fna.fbcdn.net/v/t1.0-9/28276544_1597101570384472_8483648168161101055_n.jpg?oh=65be7addc77364476e11cd15e0c7787f&oe=5B4C23DC)
![](https://scontent.fpnh3-1.fna.fbcdn.net/v/t1.0-9/28279508_1597101613717801_8814918579828221836_n.jpg?oh=5c2604ffafe97aa38da2176161b659c9&oe=5B4D2B0F)
![](https://scontent.fpnh3-1.fna.fbcdn.net/v/t1.0-9/28279323_1597101627051133_4076272218806970930_n.jpg?oh=9dd9f04e3948087b855cb5b6e1764f4b&oe=5B16DE89)
![](https://scontent.fpnh3-1.fna.fbcdn.net/v/t1.0-9/28280019_1597101667051129_102332911803416557_n.jpg?oh=7e8bd60260b4a2ca6503f33395eabf20&oe=5B46CD53)
![](https://scontent.fpnh3-1.fna.fbcdn.net/v/t1.0-9/28472223_1597101690384460_7634844940256458833_n.jpg?oh=62835f1a783ff3be8967d608d2b2787b&oe=5B4DAA41)
![](https://scontent.fpnh3-1.fna.fbcdn.net/v/t1.0-9/28377456_1597101717051124_701069656326931285_n.jpg?oh=bf56f3a1fd767d72be46fd941592c25e&oe=5B471808)
![](https://scontent.fpnh3-1.fna.fbcdn.net/v/t1.0-9/28378875_1597125880382041_5766822575662845179_n.jpg?oh=e01c95dcf50d70fa27a0d8bc39e02698&oe=5B4D06F4)