តាមរយៈសារព័ត៌មាន Teenee ដែលបានចេញផ្សាយនៅថ្ងៃទី3 ខែមករា ឆ្នាំ2018 បានឱ្យដឹងថា អ្នកប្រមាញ់រូបភាពតារាល្បីៗបានបញ្ចេញរូបភាពរបស់តារាចម្រៀងប្រុសល្បីឈ្មោះ G-Dragon ដែលជាសមាជិកក្រុមចម្រៀង BigBangបានធ្វើដំណើរជាមួយមិត្តស្រីរបស់លោក គឺកញ្ញា Lee Joo-yeon ដែលជាសមាជិកក្នុងក្រុមចម្រៀងស្រី After School តាមរយៈរថយន្ដវីអាយភីជាមួយគ្នា យ៉ាងលួចលាក់ តែផ្អែមល្ហែម ទៅកាន់កោះឆេជូ ទាំងយប់។
![](https://i0.wp.com/3.bp.blogspot.com/--fopMWZgvGQ/WfilF1TqmfI/AAAAAAAApvk/Njew45lutCgeYEp9jcMOsO5-iGoOeLVvQCLcBGAs/s1600/leejoo.jpg?resize=540%2C666&ssl=1)
សារព័ត៌មានកូរ៉េ Dispatch បានអះអាងថា រូបភាពដែលគេថតបាននោះ បានបង្ហាញឱ្យឃើញថា អ្នកទាំងពីរកំពុងតែធ្វើដំណើរតាមផ្លូវដោយជិះរថយន្ដប្រណីតទៅកាន់កោះ ឆេជូ រយៈពេល 3 ថ្ងៃ ហើយបានត្រឡប់មកវិញស្របពេលជាមួយគ្នាផងដែរ នៅវេលាម៉ោង 2 រំលងអធ្រាត្រ។ ជាមួយគ្នានោះដែរ អ្នកលេងបណ្ដាញសង្គមអ៊ីនស្តាក្រាមបានអះអាងថា រូបភាពដែលតារាស្រី EuJu Hyun បានបង្ហោះ និងរូបភាពរបស់ G-Dragon គឺស្ថិតនៅត្រង់កន្លែងតែមួយ ពោលគឹនៅខាងក្រោយអគារព្រលានយន្ដហោះ ខណៈដែលពួកគេប្រុងប្រៀបធ្វើដំណើរត្រឡប់មកទីក្រុងសេអ៊ូល វិញ។
គួរបញ្ជាក់ផងដែរថា បើទោះបីជាតារាចម្រៀងប្រុសរូបនេះ បានដឹកដៃមិត្តស្រីទៅឆ្លងឆ្នាំថ្មីយ៉ាងផ្អែមល្ហែមនៅលើកោះ និងមានការចាប់ដានអ្នកទាំងពីរជាប់យ៉ាងណាក្ដី ប៉ុន្ដែខាងផលិតកម្ម YG Entertainment នៅមិនទាន់មានការចេញសេចក្ដីប្រកាសបកស្រាយពីទំនាក់ទំនងស្នេហារបស់តារាទាំងពីរដួងនេះនៅឡើយទេ៕
![](https://i0.wp.com/entertain.teenee.com/kpop/img2/1261379.jpg?resize=620%2C571&ssl=1)
![](https://i0.wp.com/entertain.teenee.com/kpop/img2/1261380.jpg?resize=620%2C676&ssl=1)
![](https://i0.wp.com/entertain.teenee.com/kpop/img2/1261381.jpg?resize=620%2C741&ssl=1)
![](https://i0.wp.com/entertain.teenee.com/kpop/img2/1261382.jpg?resize=620%2C503&ssl=1)
![](https://i0.wp.com/entertain.teenee.com/kpop/img2/1261383.jpg?resize=620%2C406&ssl=1)