បន្ទាប់ពីអ្នកនាង ចន ច័ន្ទលក្ខិណា បានទម្លាយថា ព័ត៌មានដែល Websites ផ្សេងៗគេសរសេរពីគាត់( អ្នកនាង អ្នកនាង ម៉េង កែវពេជ្ជតា ) មុនសារព័ត៌មាន Dara new បានសរសេរ បែរជាអ្នកនាង ពេជ្ជតាមិនអើពើរករឿងគេទេ ហើយបែរមកសរសេរវាយប្រហារប្រធានសមាគមទៅវិញ និងបានទម្លាយថា រាជិនីសំឡេងមាសរូបនេះ ហេតុតែមានងារជាជំទាវចង់ធ្វើអ្វីដាក់អ្នកណា ជេរអ្នកណា គឺគ្មានក្រែងអ្វីនោះទេ។ ស្រាប់តែភ្លាមៗនេះ អ្នកនាង ម៉េង កែវពេជ្ជតា ស្រែកហៅក្ដែងៗនៅលើបណ្ដាញសង្គមហ្វេសប៊ុករបស់ខ្លួនឱ្យអ្នកនាង ចន ច័ន្ទលក្ខិណា ចេញមុខដោយផ្ទាល់។
អ្នកនាង ម៉េង កែវពេជ្ជតា បានសរសេរសារនៅក្នុងហ្វេសប៊ុកថា «ចង់ឱ្យនាងចេញមុខមកនិយាយចំជាមួយ មិនចង់ឱ្យនាងថ្ងូរពីចម្ងាយអ៊ីចឹងទេ មិនក្លាហានសោះ។ ហើយនាំមនុស្សដែលពាក់ព័ន្ធទាំងអស់នោះមកផង តើពួកគេហ៊ានទេ? ខាងខ្ញុំ នៅទាំងអស់ សូម្បីឯកឧត្តមអតីតរបស់ខ្ញុំក៍គាត់នៅដែរ គាត់អាចជាសាក្សីបាន។ នាងចាន់ បើអូនល្អ អូនត្រូវចេញមុខផ្ទាល់ កុំបាច់ប្រើអ្នកដទៃដែលគេមិនដឹងរឿងមកជេរបង។ ទោះអូនប្រើពួកគេឱ្យចូលមកជេរបញ្ចោរក្នុងកន្លែងបង ក៏បងមិនតបតដែរ ព្រោះបងអាណិតពួកគេដែលមិនដឹងខ្យល់អីទេ គេមកតាមការបញ្ជាពីអូនប៉ុណ្ណោះ ប៉ុន្តែនាងចាន់ត្រូវទទួលខុសត្រូវនូវរាល់ការចោទប្រកាន់ទាំងប៉ុន្មានពីខាងនាង!!»៕
![](https://i0.wp.com/www.lareine.com.kh/wp-content/uploads/2017/12/meng-1.jpg?resize=472%2C698&ssl=1)
![](https://i0.wp.com/www.lareine.com.kh/wp-content/uploads/2017/12/chon2.jpg?resize=486%2C743&ssl=1)
![](https://scontent.fpnh3-1.fna.fbcdn.net/v/t1.0-9/25398946_1791621267802922_1713817767524208791_n.jpg?oh=1281be1a0e21f431ef06392627b45f0e&oe=5ACCB89F)
![](https://scontent.fpnh3-1.fna.fbcdn.net/v/t1.0-9/23318955_1777775999187449_7808087821052728502_n.jpg?oh=29a16885dead49eae5d7eaf320102181&oe=5AB24122)
![](https://scontent.fpnh3-1.fna.fbcdn.net/v/t1.0-9/23130883_1775329532765429_6670404187802813139_n.jpg?oh=5021a389bae677265b46adb6a78cb8de&oe=5AF560AF)