តាមរយៈសារព័ត៌មាន Teenee ដែលបានចេញផ្សាយនៅថ្ងៃទី27 ខែធ្នូ ឆ្នាំ2017 នេះ បានឱ្យដឹងថា ព័ត៌មានមួយនេះ បានធ្វើឱ្យមានការភ្ញាក់ផ្អើលចំពោះអ្នកគាំទ្ររបស់តារាចម្រៀងស្រី Katy Perry និង Taylor Swift យ៉ាងខ្លាំង ដោយសារអ្នកទាំងពីរបានបង្ហាញរូបភាពឱបថើបគ្នា ប្រលែងគ្នាលេងល្អូកល្អិន បង្កើតស្នាមញញឹមរីករាយជាមួយគ្នាឡើងវិញហើយ។
![](https://i0.wp.com/entertain.teenee.com/star/img3/1259415.jpg?resize=620%2C411&ssl=1)
បើតាមការចេញផ្សាយរបស់សារព័ត៌មាន E!Newsបានអះអាងថា មិនត្រឹមតែសាងមេត្រីភាពនឹងគ្នាទេ ប៉ុន្ដែនាង Katy Perry បានបញ្ចេញបទចម្រៀងថ្មីរបស់នាងមានចំណងជើងថា End Game ដែលបានបង្ហាញឱ្យឃើញថា អ្នកទាំងពីរមិនមែនសត្រូវនឹងគ្នាដូចមុនទៀតទេ។
![](https://i0.wp.com/entertain.teenee.com/star/img3/1259418.jpg?resize=620%2C348&ssl=1)
កាលពីសបា្តហ៍មុន Katy Perry មិនបានបញ្ជាក់ឱ្យច្បាស់ពីវីដេអូបទចម្រៀង End Game ទៅកាន់ Taylor Swift ឡើយ ក៏ប៉ុន្ដែអ្នកគាំទ្រនាង បានអះអាងថា អ្នកទាំងពីរពិតជាបានត្រូវគ្នាវិញហើយ មិនមានសង្គ្រាមពាក្យសម្ដី និងបទចម្រៀងឌឺដងដាក់គ្នាដូចមុនទៀតទេ។ គួររំឭកផងដែរថា មុនពេលផ្សះផ្សាគ្នាវិញ តារាស្រី Katy Perry បានពោលពាក្យសុំទោសទៅ Taylor Swift ថា “ខ្ញុំត្រៀមខ្លួនរួចជាស្រេចក្នុងការអត់ឱន និងសូមទោសនូវអ្វីដែលខ្ញុំបានធ្វើ ហើយខ្ញុំរំពឹងទុកថា នាង (Taylor ) ក៏នឹងធ្វើដូចដែលខ្ញុំបានធ្វើនេះដែរ នេះជាក្ដីសង្ឃឹមដែលខ្ញុំចង់បានពីនាងវិញ ។ ខ្ញុំគិតថា នាងជាតារាចម្រៀងស្រីដ៏ល្អបំផុត ប្រសិនបើពួកយើងទាំងពីរអាចសម្របសម្រួលគ្នាក្នុងនាមជានារីដូចគ្នានោះ រាល់ជម្លោះរំខានទាំងឡាយ អាចនឹងប្រសើរឡើងវិញ ព្រោះអ្នករាល់គ្នាគិតថា យ៉ាងណាក៏ដោយ ក៏ពួកយើងអាចដោះស្រាយវាបានដែរ” ៕
![](https://i0.wp.com/entertain.teenee.com/star/img3/1259419.jpg?resize=620%2C412&ssl=1)
![](https://i0.wp.com/media.komchadluek.net/img/size1/2017/05/29/8efeca8bj7gd75c7ie9jb.jpg?resize=696%2C523&ssl=1)
![](https://i0.wp.com/cbsnews1.cbsistatic.com/hub/i/r/2014/09/09/ea59b291-d7d1-4d58-a417-78425d40b859/thumbnail/620x350g2/d386243f4b3e083d56f36f98100d64e7/96288022.jpg?resize=620%2C350&ssl=1)
![](https://i0.wp.com/media.komchadluek.net/img/size1/2017/05/29/gjbaab9dkcajdea5e55jb.jpg?resize=696%2C521&ssl=1)