នៅថ្ងៃទី5 ខែធ្នូ ឆ្នាំ2017 បើតាមសារព័ត៌មានរបស់ចក្រភពអង់គ្លេស Daily Mail ដែលបានចេញផ្សាយនៅពេលមុននេះបន្ដិចបានឱ្យដឹងថា ម្ចាស់បទចម្រៀង Roar ដ៏ល្បីល្បាញកាលពីឆ្នាំ2013 គឺនាង Katy Perry នៅពេលថ្មីៗនេះបានបង្ហោះពាក្យមួយឃ្លាថា «I’m got the eyes of the tiger» និងបានព្យាយាមធ្វើត្រាប់ឱ្យដូចសត្វខ្លា ព្រមទាំងបង្ហាញនូវការច្នៃម៉ូដក្រចករបស់ខ្លួនឲ្យចេញជារូបគ្រាប់ភ្នែករបស់សត្វខ្លាទៀតផង ខណៈដែលកំពូលតារាចម្រៀងជួរមុខអាមេរិករូបនេះ បានចេញមុខបកស្រាយពីរបៀបនៃការច្នៃនេះឡើងដោយជាងដែលមានជំនាញបំផុត។
តាមពិត ការច្នៃម៉ូដនេះ គឺមានការយកលំនាំតាមកែវភ្នែករបស់សត្វខ្លា និងក្រចករបស់ Katy ដែលត្រូវបានដាំដោយត្បូងប្រភេទ ភ្នែកខ្លា ដែលជាការបង្កើតឡើងតាមរយៈការដុសខាត់ដោយប្រើថាមពលមេកានិក។ នៅលើបណ្ដាញទំនាក់ទំនងសង្គមអ៊ីនស្តាក្រាមរបស់នាង Katyបានបង្ហោះអំពីភាពស្រស់ស្អាតបែបប្លែកភ្នែកនៃរូបក្រចក និងរបៀបនៃការថែទាំក្រចកដ៏ប្លែកថ្មី ដោយវាត្រូវតែធ្វើការសម្អាតយ៉ាងប្រយ័ត្នប្រយែងបំផុតផងដែរ។
គួរបញ្ជាក់ថា តារាចម្រៀងស្រីរូបស្អាតម្ចាស់បទ Roar និង Dark Horse ខាងលើនេះ បានធ្វើការប្រគំតន្ត្រីទេសចរណ៍ កាលពីចុងសប្តាហ៍មុននៅក្នុងរដ្ឋ Chicago ជាទីដែលនាងបានបង្ហាញពីសម្រស់ «ក្រចកភ្នែកខ្លា» ជាលើកដំបូងទៅដល់ បណ្ដា Fans ទាំងអស់ ដែលគាំទ្រការប្រគំតន្ត្រីរបស់នាងឡើងរង្គើឆាកតែម្តង៕
![](https://i0.wp.com/i.dailymail.co.uk/i/pix/2017/12/04/16/46FAAD1700000578-5144443-image-m-4_1512405323444.jpg?resize=634%2C783&ssl=1)
![](https://i0.wp.com/i.dailymail.co.uk/i/pix/2017/12/04/16/46FAAD9B00000578-5144443-image-a-28_1512405823604.jpg?resize=634%2C723&ssl=1)
![](https://i0.wp.com/i.dailymail.co.uk/i/pix/2017/12/04/16/46FAAD7B00000578-5144443-image-a-29_1512405831649.jpg?resize=306%2C360&ssl=1)
![](https://i0.wp.com/i.dailymail.co.uk/i/pix/2017/12/04/16/46FAAD8700000578-5144443-image-a-30_1512405834319.jpg?resize=306%2C360&ssl=1)
![](https://i0.wp.com/i.dailymail.co.uk/i/pix/2017/12/04/17/46FAAD8F00000578-5144443-Attractive_-m-41_1512409434230.jpg?resize=633%2C556&ssl=1)
![](https://i0.wp.com/i.dailymail.co.uk/i/pix/2017/12/04/17/46FAADA800000578-5144443-image-m-40_1512409384019.jpg?resize=306%2C333&ssl=1)
![](https://i0.wp.com/i.dailymail.co.uk/i/pix/2017/12/04/17/46FAADA300000578-5144443-image-m-39_1512409370745.jpg?resize=306%2C333&ssl=1)