តាមរយៈបណ្ដាញសង្គមហ្វេសប៊ុក នៅថ្ងៃទី5 ខែធ្នូ ឆ្នាំ2017 នេះបានឱ្យដឹងថា ក្រោយពីសាងស្នេហ៍ផ្អែមល្ហែមជាមួយគ្នាអស់មួយរយៈមក ថ្មីនេះៗអតីតគូដណ្ដឹង នី មុន្នីនាថ ដែលគេដឹងថា បានឈ្លោះបាក់បែកគ្នានោះបានចាប់ផ្តើមចេញសារវាយប្រហារជាបន្តបន្ទាប់មកលើរូបនាង ថែមទាំងឌឺដងពាក្យសម្តីដាក់គ្នាដូចអាយ៉ៃឆ្លើយឆ្លងមិនចេះចប់មិនចេះហើយដូច្នោះដែរ។
![](https://scontent.fpnh3-1.fna.fbcdn.net/v/t1.0-9/11130183_742027942579065_2289447193715285506_n.jpg?oh=7c903f87a14b9b708428cd0319b8815a&oe=5ACA35B5)
លោក អ៊ឹង សូឡាំង ជាអតីតគូដណ្ដឹងរបស់តារាស្រីរូបនេះបានផ្លែផ្កាដាក់នាងនៅលើបណ្ដាញសង្គមហ្វេសប៊ុកកាលពីថ្ងៃទី3 ខែធ្នូនេះថា «បងនឹងទៅ…កុំភ័យ! អូនត្រៀមតែលុយដែលអូនបានបោកបងទៅនោះឱ្យគ្រប់ចំនួន ហើយរួមនឹងលុយជំងឺចិត្តដែលពៅមាស( ផ្កាមាស) ត្រូវបង់ឱ្យបងបន្ទាប់ពីចេញសាលដីកាពីតុលាការបញ្ជាក់ថា អូនពិតជាបានបោក និងបំពានលើសេចក្ដីទុកចិត្តនោះទៅ ពេលនោះហើយដែលបងនឹងចុះទៅស្រុកខ្មែរដើម្បីប្រមូលលុយនោះយកទៅធ្វើបុណ្យខ្លះ ច្រូចទឹកឱ្យអូនខ្លះ សូមកុំឱ្យអូនអត់ឃ្លាន ស៊ីមិនរើសមុខតទៅទៀតណា…ហាសហា»។ សំដីឡកឡាយនេះបានបញ្ចើចបញ្ឈឺតារាសម្ដែងស្រីរូបនេះជាខ្លាំង ហើយអ្វីដែលគួរឱ្យកត់សម្គាល់ពីភ្លើងកំហឹងដែលមិនអាចទប់បាននេះ នី មុន្នីនាថ បានតបតជាសារអន្ទងហៅបុរសអាណិកជននេះវិញដែលមានអត្ថន័យថា «សូមបញ្ជាក់ថា នាងខ្ញុំគ្មានគេចទៅណាទេ នាងខ្ញុំនៅក្នុងប្រទេសកម្ពុជាដដែល មានតែអតីតគូដណ្ដឹងរបស់នាងខ្ញុំទេដែលគាត់មិននៅក្នុងប្រទេសកម្ពុជា អ៊ីចឹងសូមមេត្តាពិចារណាផង (បើបងពិតជាស្មោះត្រង់ បងមកកម្ពុជាមក អូនចាំបង)»។
គួររំឭកផងដែរថា មេធាវីតំណាងឱ្យតារាសម្ដែងស្រី នី មុន្នីនាថ ទើបបានចូលខ្លួនជំនួសកូនក្តីរបស់លោកតាមដីកាបង្គាប់របស់តុលាការកាលពីថ្ងៃទី29 វិច្ឆិកាកន្លងទៅនេះ រីឯបណ្ដឹងទាមទារប្រាក់សំណងដែលអតីតគូដណ្ដឹងបានដាក់ពាក្យប្ដឹងមកលើតារាស្រីរូបនេះក៏នៅមិនទាន់មានដំណោះស្រាយនៅឡើយដែរ។
ដើម្បីឱ្យកាន់តែជាក់ច្បាស់ សូមទស្សនារូបភាពខាងក្រោមនេះ៕
![](https://i0.wp.com/www.lareine.com.kh/wp-content/uploads/2017/12/65.jpg?resize=489%2C743&ssl=1)
![](https://i0.wp.com/www.lareine.com.kh/wp-content/uploads/2017/12/26.jpg?resize=696%2C440&ssl=1)
![](https://scontent.fpnh3-1.fna.fbcdn.net/v/t1.0-9/23559516_1687708801291933_3948808832801055039_n.jpg?oh=b2a0d35722e5be4f52f11e2f4c479a61&oe=5A924CD9)
![](https://scontent.fpnh3-1.fna.fbcdn.net/v/t1.0-9/15873470_1370137749715708_7893100449780524884_n.jpg?oh=a336897ac5fdbde845634ad4d2b5c7d0&oe=5AD57D7D)
![](https://scontent.fpnh3-1.fna.fbcdn.net/v/t1.0-9/15826062_1369919103070906_8006878831300904048_n.jpg?oh=ae8553033c5bc694f0eefc3b311100ef&oe=5AC97056)
![](https://scontent.fpnh3-1.fna.fbcdn.net/v/t1.0-9/10527326_592834237498437_8787774523138356890_n.jpg?oh=6a4ae810c8f0e83b649cb7eb4191ab1e&oe=5A9463D7)