ភ្នំពេញៈ មួយរយៈចុងក្រោយនេះ គេស្រាប់តែបានឃើញតារាចម្រៀងស្រីចាស់វស្សានៅលើទ្រនំផលិតកម្មហង្សមាសអ្នកនាង ពេជ្រ សោភា បង្ហាញសិ្នទ្ធិស្នាលនឹងតារាសម្តែងប្រុសលោក ឆឺម សក្កដា និងមានសារផ្អែមល្ហែមទៀតផង ដែលសរបញ្ជាក់ថា ចំណងស្នេហ៍ពួកគេពិតជាមានពន្លឺត្រចះត្រចង់ទៅមុខ។ តែក៏មានការលើកឡើងពីមហាជនខ្លះដែរថា ពួកគេគ្រាន់តែសម្តែងប៉ុណ្ណោះ មិនមានអ្វីកើតឡើងជាពិតនោះទេ។
![](https://i0.wp.com/www.lareine.com.kh/wp-content/uploads/2017/05/pich-sophea121.jpg?resize=360%2C640&ssl=1)
![](https://i0.wp.com/www.lareine.com.kh/wp-content/uploads/2017/05/Pich-Sophea1.jpg?resize=696%2C928&ssl=1)
ហាក់ដូចជាចង់មានការបញ្ជាក់ឲ្យមហាជនដឹង នាពេលថ្មីៗនេះ គេឃើញមានការពាក់ចិញ្ចៀនគូស្នេហ៍រវាងតារាចម្រៀងជាគ្រូបង្វឹកនៅក្នុងកម្មវិធី The Voice Cambodia អ្នកនាង ពេជ្រ សោភា និងលោក ឆឹម សក្កដា បង្ហោះតាមបណ្តាញសង្គមអ៊ីនស្តាក្រាម និងសារមួយនៅតាមហ្វេសប៊ុកសរសេរថា៖ «សំខាន់យើងទាំងពីរសប្បយចិត្ត ទោះជារឿងអ្វីក៏ដោយ ឲ្យតែជួបគ្នាAlways សប្បាយចិត្ត និងនិយាយរឿងល្អឲ្យស្តាប់ទៀត»។
![](https://i0.wp.com/www.lareine.com.kh/wp-content/uploads/2017/05/Pich-Sophea8.jpg?resize=696%2C463&ssl=1)
![](https://i0.wp.com/www.lareine.com.kh/wp-content/uploads/2017/05/Pich-Sophea5.jpg?resize=405%2C720&ssl=1)
ចំពោះរឿងចិញ្ចៀនគូស្នេហ៍ដែលធ្វើឲ្យមហាជនភ្ញាក់ផ្អើល និងសង្ស័យនោះ ត្រូវបានម្ចាស់បទចម្រៀង «ឆ្កែរាំបុកប៉ោត» និង«រាំឡូយកប់លូ» និងបទ «ហុយៗ» ដែលមានស្រុកកំណើតពីខេត្តព្រៃវែង អ្នកនាង ពេជ្រ សោភា បង្ហើបថា៖ «អត់ទាន់បើកចំហដល់ម្លឹងនោះទេ! តែអរគុណដែរសម្រាប់ការយកចិត្តទុកដាក់ពីសំណាក់បងប្អូនមហាជនតាមដានពីជីវិតគូរបស់ពួកយើង។ សូមបងប្អូនចំណាយពេលតាមដានរឿងយើងបន្តិចទៀតសិនចុះ នឹងជ្រាបហើយ!»៕
![](https://i0.wp.com/www.lareine.com.kh/wp-content/uploads/2017/05/Pich-Sophea2.jpg?resize=513%2C740&ssl=1)
![](https://i0.wp.com/www.lareine.com.kh/wp-content/uploads/2017/05/Pich-Sophea7.jpg?resize=696%2C464&ssl=1)