យោងតាមសារព័ត៌មានរបស់កាតា Sheikh Jassim បានទទួលជោគជ័យក្នុងការប្រជែងទិញក្លឹបបាល់ទាត់អង់គ្លេស Manchester United។
ក្នុងមួយរយៈពេលកន្លង Qatari Sheikh Jassim bin Hamad al-Thani បានប្រកួតប្រជែងជាមួយនឹង Sir Jim Ratcliffe ដើម្បីទិញយកបីសាចក្រហម Man Utd។
សម្រាប់ Ineos (ក្រុមហ៊ុនវិនិយោគអង់គ្លេស) ការដែល Jim Ratcliffe ចង់ទិញភាគហ៊ុន 60% របស់ Man United គឺនៅតែអនុញ្ញាតឱ្យគ្រួសារត្រកូល Glazer បន្តដើរតួជាអ្នកគ្រប់គ្រងនៅ Old Trafford។ ប៉ុន្តែ បើតាមសារព័ត៌មាន Al-Watan ដែលជាកម្មសិទ្ធិរបស់ឪពុកលោក Sheikh Jassim ករណីទិញដូរក្លឹប Man United គឺបានជោគជ័យទៅហើយ។
ប្រភពព័ត៌មានខាងលើបានឱ្យដឹងថា សេចក្ដីប្រកាសមួយស្ដីពីការចូលកាន់កាប់របស់ Sheikh Jassim នឹងត្រូវបានធ្វើឡើងឆាប់ៗនេះ។ សំណើថ្មីបំផុតរបស់អ្នកជំនួញជនជាតិកាតា គឺការទិញភាគហ៊ុន 100% របស់ក្លឹប Man Utd ក្នុងតម្លៃប្រហែល 5 ពាន់លានផោនអង់គ្លេស។
បើសិនជាសេចក្ដីរាយការណ៍នៅកាតាត្រូវបានទទួលស្គាល់ នោះ Ratcliffe នឹងបាត់បង់ឱកាសក្នុងការទិញក្លឹបបាល់ទាត់ដែលលោកស្រឡាញ់ចូលចិត្តតាំងពីវ័យកុមារ។
![](https://i0.wp.com/lareine.com.kh/wp-content/uploads/2023/06/lareine.com.kh-2023-06-13_17-34-10_593646.jpg?resize=696%2C565&ssl=1)
មូលនិធិ Qatari របស់អ្នកវិនិយោគនៅកាតាបានសន្យាថា នឹងប្រគល់ប្រាក់ជាមុន ព្រមទាំងជួយសងបំណុលទាំងអស់ដែលបីសាចក្រហមកំពុងជំពាក់ ហើយថា នឹងស្ថាបនាឡើងវិញនូវមជ្ឈមណ្ឌលហ្វឹកហាត់ រួមនឹងហេដ្ឋារចនាសម្ព័ន្ធនានាដែលទាក់ទងផងដែរ៕