ភ្នំពេញៈ រូបថតជុំគ្នាច្រើនសន្លឹកដែលអ្នកនាង សុខ សោម៉ាវត្តី បានបង្ហោះនាថ្ងៃធ្វើពីធីខួបកំណើតកូនស្រីខ្លួនកាលពីថ្ងៃទី ៤ ខែឧសភា ឆ្នាំ២០១៧ ដោយឃើញមានវត្តមានក្រុមមិត្តភក្តិ អ្នកសិល្បៈចូលរួមយ៉ាងច្រើន ខណៈពេលនោះក៏ឃើញវត្តមានលោក ទូច ដាណារ៉ា អតីតស្វាមី ត្រូវជាឪពុកកូនស្រីខ្លួនទៀតផង។ ខណៈគេក៏ឃើញរូបមួយសន្លឹកមានរូបអ្នកនាង សុខ សោម៉ាវត្តីឈរក្បែរអតីតស្វាមី និងលោក យ៉ែម សំអូន ពកូនស្រីនាងឈ្មោះ ចាស្មីន។
![](https://i0.wp.com/www.lareine.com.kh/wp-content/uploads/2017/05/Sok-Somavotey1.jpg?resize=696%2C928&ssl=1)
![](https://i0.wp.com/www.lareine.com.kh/wp-content/uploads/2017/05/Sok-Somavotey7.jpg?resize=504%2C640&ssl=1)
បង្ហាញពីក្តីស្រឡាញ់កូនស្រីខ្លាំង ជាចំណងស្នេហ៍អតីតស្វាមីលោក ទូច ដាណារ៉ា នោះអ្នកនាង សុខ សោម៉ាវត្តី បានសរសេរជូនពរកូនស្រី ចាស្មីន ថា៖« Dear Roth Rasomary ( Jasmine ) កូនស្រីជាទីស្រឡាញ់ម្តាយអើយ!ថ្ងៃនេះធំមួយឆ្នាំទៀតហើយ។ សូមឲ្យកូននកាន់តែល្អស្អាតទាំងរូបកាយ និងចិត្តគំនិត រឹងមាំតែមិនរឹងរុះ ទន់ភ្លន់មិនទន់ជ្រាយ ប្រាជ្ញាឆ្លាតវាងវៃ ដូចអ្វីដែលម៉ាក់តែងតែរំពឹងថា កូនស្រីម៉ាក់ នឹងពូកែក្លាយជាទីស្រឡាញ់របស់មនុស្សគ្រប់រូប។ សុខភាពល្អណាកូនណា! សូមឲ្យអ្វីៗដែលល្អប្រសើរចូលមកនៅក្នុងជីវិតកូន ហើយជោគជ័យគ្រប់យ៉ាង»។
![](https://i0.wp.com/www.lareine.com.kh/wp-content/uploads/2017/05/Sok-Somavotey8.jpg?resize=696%2C522&ssl=1)
![](https://i0.wp.com/www.lareine.com.kh/wp-content/uploads/2017/05/Sok-Somavatey-5.jpg?resize=640%2C960&ssl=1)
គួរបញ្ជាក់ថា អ្នកនាង សុខ សោម៉ាវត្តី និងអតីតស្វាមីជាកូនប្រុសអតីតស្នងការរាជធានីភ្នំពេញ បានចូលរោងការកាលពីថ្ងៃទី ២៤ ខែវិច្ឆិកា ឆ្នាំ ២០១២ និងបានរួមរស់ជាមួយគ្នាបានកូនស្រីម្នាក់ជាចំណងដៃមុននឹងអ្នកនាងបានប្រកាសភាពនៅលីវកាលពីពាក់កណ្ដាលឆ្នាំ ២០១៦៕