![CamDigiKey](https://lareine.com.kh/wp-content/uploads/2022/07/lareine.com.kh-2022-07-05_10-51-29_970665-696x392.jpg)
ក្រសួងសេដ្ឋកិច្ច និងហិរញ្ញវត្ថុ និង ធនាគារជាតិកម្ពុជា (NBC) បានដាក់ឱ្យដំណើរការ KHQR ដើម្បីធ្វើឱ្យមានស្ដង់ដា ចំពោះ QR codes ធនាគារក្នុងប្រទេស និងកម្មវិធីទូរស័ព្ទ CamDigiKey ជំនាន់ទីពីរ កាលពីថ្ងៃទី ៤ កក្កដា។
តាមរយៈទំព័រ Facebook ក្រសួងសេដ្ឋកិច្ច និងហិរញ្ញវត្ថុ បានឱ្យដឹងថា កម្មវិធីទូរស័ព្ទដៃ CamDigiKey ជំនាន់ទីពីរ (២.០) នេះ មានមុខងារពិសេសចំនួន ៤ រួមមានដូចខាងក្រោម៖
១-មុខងារស្គែនមុខយ៉ាងរស់រវើក, ២-ការស្គែតកូដដែលអាចអានបានដោយម៉ាស៊ីន (MRZ) លើអត្តសញ្ញាណប័ណ្ណខ្មែរ និងលិខិតឆ្លងដែនបរទេស, ៣-សន្ធានកម្មកម្មវិធីទូរស័ព្ទដៃ និងកម្មវិធីទូរស័ព្ទដៃ (App-to-app Integration), ៤-សន្ធានកម្មគេហទំព័រ និងគេហទំព័រ (Web-to-web integration)។
CamDigiKey គឺជាកម្មវិធីទូរស័ព្ទដៃដែលមានសុវត្ថិភាព និងងាយស្រួល ដែលត្រូវបានប្រើប្រាស់សម្រាប់ផ្ទៀងផ្ទាត់ អត្តសញ្ញាណរបស់លោកអ្នកតាមមធ្យោបាយឌីជីថល។ តាមរយៈការចុះឈ្មោះលើ CamDigiKey អ្នកនឹងទទួលបានអត្តសញ្ញាណឌីជីថលមួយដែលមានសុពលភាព ហើយអាចប្រើប្រាស់សម្រាប់ login ចូលទៅកាន់ portal រដ្ឋាភិបាលកម្ពុជាណាមួយក៏បាន។ ដើម្បីធ្វើការ login លោកអ្នកគ្រាន់តែធ្វើការស្កេនកូដ QR ដែលមាននៅលើ portal នោះជាមួយកម្មវិធីទូរស័ព្ទ CamDigiKey ជាការស្រេច។
ព័ត៌មានបន្ថែម សូមចូលទៅកាន់គេហទំព័រ www.registrationservices.gov.kh ។