មួយរយៈថ្មីៗនេះ អ្នកនាង Angelina Jolie និងកូនៗទាំង 6 នាក់ បានចូលរួមកម្មវិធីសម្ពោធភាពយន្ដរបស់អ្នកនាងគឺរឿង “ដំបូងខ្មែរក្រហមសម្លាប់ប៉ារបស់ខ្ញុំ” យ៉ាងកក្រើកនៅលើទឹកដីសហរដ្ឋអាមេរិក។
![](https://i0.wp.com/www.tvpoolonline.com/wp-content/uploads/2017/09/180617-r-1505102513457-691x1024.jpg?resize=691%2C1024&ssl=1)
តែអ្វីដែលកាន់តែចម្លែកទៅទៀតនោះគឺ នៅថ្ងៃទី11 ខែកញ្ញា សារព័ត៌មាន Daily mail បានចេញផ្សាយឱ្យដឹងថា តារាសម្ដែងវ័យ 42 ឆ្នាំរូបនេះបានទៅចូលរួមកម្មវិធីមហោស្រពភាពយន្ដអន្ដរជាតិ Toronto Film Festival យ៉ាងញញឹមញញែមខុសប្លែកពីធម្មតាក្នុងពេលបង្ហាញវត្តមានតាមរយៈភាពយន្ដគំនូរជីវចលគឺរឿង “The Breadwinner” ដែលជារឿងនិយាយអំពីជីវិតរបស់ក្មេងអាហ្វហ្គានីស្ថាន ដែលមានសាច់រឿងជីវិតស្រដៀងនឹងកូនស្រីចិញ្ចឹមរបស់អ្នកនាងដែលមានអាយុ12 ឆ្នាំ គឺនាងតូច សាហារ៉ា ដែរ។
![](https://i0.wp.com/www.tvpoolonline.com/wp-content/uploads/2017/09/180618-r-1505102587217.jpg?resize=696%2C900&ssl=1)
គួរបញ្ជាក់ផងដែរថា នៅក្នុងថ្ងៃនោះ តារាស្រីរូបនេះ ហាក់បីដូចជាមានអារម្មណ៍សប្បាយចិត្តខុសប្លែកពីធម្មតាយ៉ាងគួរឱ្យកត់សម្គាល់ ព្រោះថា ក្រៅពីឱបក្រសោបកូនៗហើយ អ្នកនាងបានចូលរួមរាក់ទាក់ជាមួយអ្នកគាំទ្រ និងបើកចិត្តទូលាយរីករាយក្នុងការថតរូបជាមួយគ្នាទៀតផងដែរ។ ក៏ប៉ុន្ដែយ៉ាងណាមិញ អ្នកនាងបានធ្វើឱ្យមហាជនគិតថា ខណៈដែលអ្នកនាងត្រូវគ្នាវិញជាមួយអតីតស្វាមីគឺលោក Brad Pitt ហើយនោះ អ្នកនាងមានអារម្មណ៍ប្រសើរជាងមុន និងមិនសូវខ្វល់ខ្វាយពីបញ្ហាគ្រួសារដូចមុនទៀតឡើយ ទំនងជាមានសេចក្ដីសុខដូចគ្រារួមរស់ជាមួយនឹងគ្នាវិញ៕
![](https://i0.wp.com/www.tvpoolonline.com/wp-content/uploads/2017/09/180619-r-1505102542346.jpg?resize=696%2C1012&ssl=1)
![](https://i0.wp.com/www.tvpoolonline.com/wp-content/uploads/2017/09/180620-r-1505102645859.jpg?resize=696%2C939&ssl=1)
![](https://i0.wp.com/www.tvpoolonline.com/wp-content/uploads/2017/09/180621-r-1505102512276.jpg?resize=696%2C995&ssl=1)
![](https://i0.wp.com/www.tvpoolonline.com/wp-content/uploads/2017/09/180622-r-1505102588473.jpg?resize=696%2C989&ssl=1)
![](https://i0.wp.com/www.tvpoolonline.com/wp-content/uploads/2017/09/180623-r-1505102693788.jpg?resize=696%2C872&ssl=1)
![](https://i0.wp.com/www.tvpoolonline.com/wp-content/uploads/2017/09/180624-r-1505102676710.jpg?resize=696%2C462&ssl=1)