ទីភ្នាក់ងារមុខរបរ និងការងារ (NEA) ជាស្ថាប័នយ៉ាងសំខាន់មួយដែលជួយប្រជាជនកម្ពុជាឱ្យទទួលបានការងារធ្វើ និងបណ្តុះបណ្តាលជំនាញនានាបន្ថែមទៀតដល់សិស្ស និស្សិត ឱ្យមានសមត្ថភាពក្នុងការបំពេញកិច្ចការងារឱ្យកាន់តែប្រសើរ ព្រមទាំងជាស្ថាប័នផ្សព្វផ្សាយពីទីផ្សារការងារយ៉ាងសំខាន់សម្រាប់កម្ពុជា។
![](https://i0.wp.com/www.lareine.com.kh/wp-content/uploads/2017/09/21414826_1341734235943486_459653769457655643_o-1024x724.jpg?resize=696%2C492&ssl=1)
នៅក្នុងសកម្មភាពសំខាន់ៗ របស់ទីភ្នាក់ងារមុខរបរ និងការងារទាំងអស់ ការងារបណ្តុះបណ្តាលត្រូវបានគេមើលឃើញថា ជាសកម្មភាពថ្មីមួយប្រកបដោយភាពផុលផុស និងមានសក្តានុពលដើម្បីជួយដល់ប្រជាជនកម្ពុជាឱ្យកាន់តែមានសមត្ថភាព ទាំងលទ្ធភាពធ្វើការងារ សមត្ថភាពក្នុងការគិត និងសមត្ថភាពក្នុងការអភិវឌ្ឍជីវិតជាដើម។
![](https://i0.wp.com/www.lareine.com.kh/wp-content/uploads/2017/09/21273443_1340416036075306_124168971469363387_o-1024x683.jpg?resize=696%2C464&ssl=1)
ជាទូទៅ ស្ថាប័នជាតិមួយនេះបានបើកវគ្គបណ្តុះបណ្តាលជំនាញទន់ជាបន្តបន្ទាប់ដល់យុវជនកម្ពុជាដោយឥតគិតថ្លៃ ដែលវគ្គនេះនឹងបណ្តុះបណ្តាលជំនាញសំខាន់ៗដូចជា ជំនាញប្រាស្រ័យទាក់ទង ជំនាញដោះស្រាយបញ្ហា និងជំនាញធ្វើការងារជាក្រុម។
![](https://i0.wp.com/www.lareine.com.kh/wp-content/uploads/2017/09/21273460_1340416262741950_8716920676262707083_o-1024x683.jpg?resize=696%2C464&ssl=1)
យោងតាមការបង្ហាញរបស់អ្នកជំនាញការងារបានឱ្យដឹងថា ជំនាញដែលយុវជនកម្ពុជាត្រូវចេះដើម្បីទទួលបានការងារល្អធ្វើ បន្ថែមលើជំនាញក្នុងសាលាគឺ ជំនាញភាសាបរទេស ជំនាញគ្រប់គ្រងអតិថិជន ជំនាញបច្ចេកវិទ្យាព័ត៌មានវិទ្យា និងកុំព្យូទ័រមូលដ្ឋាន ជំនាញទំនាក់ទំនងផ្ទាល់មាត់ ជំនាញធ្វើការងារជាក្រុមជំនាញរៀបចំគម្រោង ជំនាញទំនាក់ទំនងតាមរយៈការសរសេរ ជំនាញរដ្ឋបាល ជំនាញគិតលេខ និងជំនាញរៀបចំយុទ្ធសាស្ត្រគ្រប់គ្រង៕
![](https://i0.wp.com/www.lareine.com.kh/wp-content/uploads/2017/09/21316113_1340416042741972_725164708222323740_o-1024x683.jpg?resize=696%2C464&ssl=1)
![](https://i0.wp.com/www.lareine.com.kh/wp-content/uploads/2017/09/21427378_1340416256075284_3299703749048556200_o-1024x683.jpg?resize=696%2C464&ssl=1)
![](https://i0.wp.com/www.lareine.com.kh/wp-content/uploads/2017/09/21427515_1340416059408637_3704849347563684705_o-1024x683.jpg?resize=696%2C464&ssl=1)