កាលពីថ្ងៃទី ២៧ ខែមេសា ឆ្នាំ ២០២១ កន្លងទៅនេះ កីឡាករ អាឡិច យូ ដែលជាអ្នកចាំទីរបស់ក្លិបព្រះខ័នរាជស្វាយរៀង បានប្រកាសជាផ្លូវការថា ខ្លួនបានរៀបអាពាហ៍ពិពាហ៍នឹងកីឡាការិនីហែលទឹកជម្រើសជាតិកម្ពុជា ហែម ថុនវិទិនី រួចរាល់ហើយ។
មិនត្រឹមតែប៉ុណ្ណោះគេបានបញ្ជាក់ថា គេក៏បានស្នើសុំចុះសំបុត្រអាពាហ៍ពិពាហ៍រួចរាល់ហើយដែរ ដោយកំពុងតែដំណើរការនៅស្ថានទូតបារាំង។ ចំពោះការរៀបអាពាហ៍ពិពាហ៍កីឡាកររូបនេះ បាននិយាយថា គេធ្វើត្រឹមការសែនសិនតែប៉ុណ្ណោះ ដោយសារតែកូវីដ ១៩។ ហើយចំពោះការជប់លាងនឹងប្រព្រឹត្តឡើងនៅពេលក្រោយ។
គួរឱ្យដឹងដែរថា អាឡិច យូ និង វិទិនី បានទាក់ទងគ្នាប្រមាណជា ២ ឆ្នាំមកហើយមុននឹងឈានដល់ការភ្ជាប់ពាក្យនិងអាពាហ៍ពិពាហ៍នេះ។ ក្នុងនោះដែរ វិទិនី បានសរសើរគូស្នេហ៍ជារឿយៗថា ពូកែយកចិត្តទុកដាក់ខ្លាំងចំពោះខ្លួន និងថែមទាំងស្វីតទៀតផង៕
![](https://i0.wp.com/www.lareine.com.kh/wp-content/uploads/2021/04/a42345.jpg?resize=696%2C522&ssl=1)