Zlatan Ibrahimovic បានប្រកាសនៅក្នុងគណនីហ្វេសប៊ុកផ្លូវការរបស់ខ្លួនថា រូបគេ បានបន្តកុងត្រាថ្មីជាមួយនឹងក្លិប AC Milan របស់គេ រយៈពេល 1រដូវកាលបន្តទៀត ខណៈដែលកុងត្រាចាស់របស់គេគ្រោងនឹងផុតនៅចុងខែមិថុនា រដូវកាលនេះឯង។
ក្នុងការបន្តកុងត្រាថ្មីនេះ គឺរូបគេនឹងពេញវ័យ 40ឆ្នាំគត់ នៅខែមិថុនាខាងមុខនេះដែរ ដែលមានន័យថាគេបានបន្តកុងត្រាថ្មី ជាមួយក្លិបមួយនេះ ក្នុងវ័យ 40ឆ្នាំ ដែលជាវ័យមិនសូវមានកីឡាករណា អាចបន្តអាជីពនេះបានឡើយ នៅក្នុងក្លិបដ៏ល្បីលំដាប់ពិភពលោកបែបនេះ។
ទោះជាវ័យរាងជ្រេបន្តិចមែន តែ Ibrahimovic បានបង្ហាញទម្រង់លេង នៅតែល្អ ដោយរកបាន 17គ្រាប់ ក្នុងការបង្ហាញខ្លួន 25ប្រកួត គិតគ្រប់កម្មវិធីនៅរដូវកាលនេះ។ គេទើបតែសាងកំណត់ត្រាខ្លួនឯង ដោយរកបាន 500គ្រាប់ក្នុងអាជីព កាលពីខែ កុម្ភៈកន្លងទៅ៕
Advertisement
