Tag: Samsung

ចំណេញភ្លាមៗពី Samsung Galaxy A ស៊េរី ជាមួយការផ្ដល់ជូនដ៏ពិសេស…!
គ្រាន់តែទិញស្មាតហ្វូន Galaxy A ស៊េរីណាមួយពីសាមសុងនឹងទទួលបានប្រាក់ត្រលប់មកវិញភ្លាមៗ…!
(ភ្នំពេញ) ថ្ងៃទី 16 ខែមិថុនា ឆ្នាំ 2023 ៖ បើអតិថិជនត្រូវទិញ…ទិញឱ្យហើយទៅ…កុំនៅឡើយបង្អង់យូរ… ប្រយ័ត្នប្រម៉ូសិនអស់ធ្វើមុខជូរ…ស្មាតហ្វូនល្អលក់ដាច់មិនយូរ…ទិញប្រើភ្លាមជាប់ចិត្តភ្លែត…! អតិថិជនទាំង អស់នឹងទទួលបានប្រាក់ត្រលប់មកវិញភ្លាមៗ ព្រមទាំងរង្វាន់ម៉ាគាប់ចិត្តតែម្ដង…ចាប់ពីថ្ងៃទី 16 រហូតដល់ ថ្ងៃទី 30 មិថុនា 2023 ដោយគ្រាន់តែទិញស្មាតហ្វូន Galaxy A ស៊េរីណាមួយដូចក្រោម៖
*Galaxy A34 | A54 5G
– បានប្រាក់ត្រលប់មកវិញចំនួន 81,000៛
– កៅអីបត់ពិចនិក
– កាបូបរក្សាសីតុណ្ហភាពដ៏ស្រស់ស្អាត
*Galaxy A24
– បានប្រាក់ត្រលប់មកវិញចំនួន 61,000៛
– ស្រោមទូរស័ព្ទថ្លា និងកញ្ចក់ការពារអេក្រង់
– ឆ្នាំងសាកល្បឿនលឿនរហូតដល់ 15W
*Galaxy A14 | A14 5G
– បានប្រាក់ត្រលប់មកវិញចំនួន 61,000៛
– ឆ្នាំងសាកល្បឿនលឿនរហូតដល់ 15W
*ចំណែក Galaxy A04s
– បានប្រាក់ត្រលប់មកវិញចំនួន 61,000៛
អ៊ែមណាស់…! ឡូយណាស់…! នៅចាំអីទៀត…ប្រញាប់រួសរាន់ឡើងណាហ្វេនៗ! ទិញទូរស័ព្ទបាន ទាំងរង្វាន់…បានទាំងប្រាក់ត្រលប់មកវិញ…រកឯណាទៀត! មានតែក្រុមហ៊ុន សាមសុង ប៉ុណ្ណោះ…!
សូមបញ្ជាក់ផងដែរថាក្នុងចំណោមស្មាតហ្វូនស៊េរី A ខាងលើដែលក្រុមហ៊ុន សាមសុង ផ្តល់ប្រូម៉ូសិនជូន អតិថិជននាពេលនេះគឺសុទ្ធសឹងជាស្មាតហ្វូនដែលអាចឆក់យកបេះដូងអ្នកប្រើប្រាស់លើទីផ្សារទាំងអស់ដែលមានតម្លៃប្រហាក់ប្រហែលគ្នា…និងទទួលបានការពេញនិយមគាំទ្រយ៉ាងខ្លាំងនឹកស្មានមិនដល់! តើមានអ្វីដែលពិសេសសម្រាប់ជោគជ័យដ៏អស្ចារ្យនេះ? ព្រោះថាស្មាតហ្វូន A34 5G, A54 5G, A24 , A14, A14 5G, ឬ A04s ត្រូវបានផលិតឡើងជាមួយនឹងគុណភាពខ្ពស់…បំពាក់បច្ចេកវិទ្យាចុងក្រោយនិងមានតម្លៃ សមរម្យបំផុតស្ទើរមិនគួរឱ្យជឿ…!
សូមរំលឹកថា ក្រុមហ៊ុន សាមសុង គឺជាសមាជិកសកម្មក្នុងវិស័យឯកជនដែលធ្វើសកម្មភាពគាំទ្រដល់ទីក្រុង ប៊ូសាន នៃប្រទេសកូរ៉េ ក្លាយជាម្ចាស់ផ្ទះនៃព្រឹត្តិការណ៍ពិព័រណ៍ពិភពលោក World Expo 2030 នាពេលខាង មុខផងដែរ។
សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់ ឬតេស្តដោយផ្ទាល់ដៃនៅតាម ហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាច ចូលទៅកាន់ Facebook: SamsungCambodia, IG: samsungcambodia, TikTok: samsungcambodia ឬ ក៏អាចធ្វើការទំនាក់ទំនងទៅកាន់ផ្នែកសេវាបម្រើ អតិថិជន 24/7 ឥតគិតថ្លៃតាម រយៈទូរស័ព្ទលេខ៖ 1800-20 32 32!
*លក្ខខណ្ឌផ្សេងៗត្រូវបានអនុវត្ត…!!

June 16, 2023
Samsung អាចបញ្ចេញស្មាតហ្វូតប្រភេទមូរ នៅចុងឆ្នាំ ២០២២ នេះ
ក្រៅពីទូរស័ព្ទឆ្លាតវៃប្រភេទបត់ Galaxy Z Fold៤ និង ZFlip៤ ក្រុមហ៊ុន Samsung ក៏ត្រូវបានគេជឿថា នឹងប្រកាសបញ្ចេញស្មាតហ្វូនប្រភេទមូរដំបូងគេបង្អស់នៅចុងឆ្នាំនេះ។
Ice Universe ដែលជាអ្នកតែងតែបញ្ចេញព័ត៌មានត្រឹមត្រូវស្ដីពីផលិតផលអនាគតរបស់ Samsung ឱ្យដឹងថា ក្រុមហ៊ុនរបស់ កូរ៉េខាងត្បូង នេះ កំពុងប្រើប្រាស់លេខកូដ B៤, Q៤ និង N៤ សម្រាប់ស្មាតហ្វូន ៣ ម៉ូដែលរបស់ខ្លួន ដែលគ្រោងនឹងចេញលក់នៅចុងឆ្នាំ ២០២២។ ក្នុងនោះ B៤ និង Q៤ គឺជារបស់ Z Flip៤ និង Z Fold៤ ចំណែក N៤ គឺជាឧបករណ៍ថ្មីទាំងស្រុង។ N៤ ដែលមានឈ្មោះកូដថា Diamind នឹងជាស្មាតហ្វូនប្រភេទមូរដំបូងគេក្នុងពិភពលោក។
ក៏ប៉ុន្តែ អ្នកវិភាគ Ross Young ឱ្យដឹងថា លោកកំពុងពិនិត្យមើលប្រភពព័ត៌មានច្បាស់ការណ៍ ដើម្បីបញ្ជាក់ថា ស្មាតហ្វូននេះអាចបង្ហាញវត្តមាននៅក្នុងឆ្នាំ ២០២២ ឬអត់។
នៅលើទីផ្សារបច្ចុប្បន្ន មិនទាន់មានស្មាតហ្វូនប្រភេទមូរណាមួយត្រូវបានដាក់លក់នៅឡើយ បើទោះមានក្រុមហ៊ុនជាច្រើនបានដាក់ពាក្យស្នើសុំបណ្ណកម្មសិទ្ធិបញ្ញា ឬលើកឡើងអំពីគំនិតស្ដីពីឧបករណ៍ប្រភេទនេះ៕
March 25, 2022
វ៉ាវ…ឡូយកប់ហួសថ្លែងតែម្តងលើកនេះ…!! Samsung Galaxy Z Fold 2 បង្ហាញខ្លួនពិតប្រាកដហើយ…ជាមួយនឹងការដាក់ឱ្យកម្ម៉ង់ទិញទុកមុន និងមានការថែមកាដូពិសេសអស្ចារ្យបំផុត…!!
ក្រុមហ៊ុន សាមសុង ផ្តល់ជូននូវភាពភ្ញាក់ផ្អើលជាលើកទី ២ សម្រាប់វត្តមានកំពូលស្មាតហ្វូនអេក្រង់បត់ Samsung Galaxy Z Fold 2!!
(ភ្នំពេញ) ថ្ងៃទី ០២ ខែកញ្ញា ឆ្នាំ ២០២០៖ ស្ទើរតែជុំវិញពិភពលោកសុទ្ធតែបានរំពឹងទុកថានឹងបានឃើញកំពូលស្មាតហ្វូនអេក្រង់បត់ Samsung Galaxy Z Fold 2 ដ៏ល្អឯកធ្វើការបង្ហាញបង្អួតខ្លួនក្នុងមហាព្រឹត្តិការណ៍ដាក់បង្ហាញរូងរាងពិតនៃអធិរាជមហាអំណាចស្មាតហ្វូនប៊ិក Samsung Galaxy Note 20 និង Galaxy Note 20 Ultra កាលពីខែសីហា ឆ្នាំ ២០២០ កន្លងទៅនេះ…!
ក្រោយពីសំងំដុសខាត់…កែប្រែឱ្យកាន់តែប្រសើរ…អភិវឌ្ឍថ្មីបន្ថែមឱ្យកាន់តែឡូយ…និងការច្នៃប្រឌិតខ្ពស់ឱ្យកាន់តែល្អ ថ្ងៃនេះក្រុមហ៊ុន សាមសុង បានធ្វើការដាក់បង្ហាញជាផ្លូវការនូវកំពូលស្មាតហ្វូនដែលមានអេក្រង់បត់បានដ៏អស្ចារ្យ និងទាក់ទាញជាទីបំផុតដល់ពិភពលោក និងជូនអតិថិជនរបស់ខ្លួនហើយ…!!
តួយ៉ាងថ្ងៃនេះក្រុមហ៊ុនសាខាថៃ សាមសុង អេឡិចត្រូនិចប្រចាំព្រះរាជាណាចក្រកម្ពុជាមិនបានបង្អង់យូរដោយបានធ្វើការអញ្ជើញអ្នកសារព័ត៌មាន និងអ្នកថតរូបអាជីពជាច្រើនរូបដើម្បីចូលរួមជាសាក្សីនៃកំពូលមហាព្រឹត្តិការណ៍លើកទី ២ នេះដើម្បីផ្តិតយកនូវរូបរាងពិតដ៏ទាក់ទាញ, លក្ខណៈពិសេសគ្មានគូប្រៀប, រចនាបថ, ពណ៌, ក៏ដូចជាតម្លៃពិតប្រាកដក្នុងទីផ្សារប្រទេសកម្ពុជាយើង ដែលប្រព្រឹត្តទៅនៅអគារ THE BRIDGE Commercial Retail Mall ។
អ្វីដែលធ្វើឱ្យ Samsung Galaxy Z Fold 2 ទាក់ទាញចំណាប់អារម្មណ៍អ្នកប្រើប្រាស់ស្មាតហ្វូនជំនាន់ថ្មីខ្លាំងបំផុតនោះគឺលើកនេះ Samsung Galaxy Z Fold 2 ត្រូវបានរចនាឡើងយ៉ាងល្អបំផុត…ផ្ចិតផ្ចង់បំផុត…និងកាន់តែអស្ចារ្យបំផុត…ដោយបំពាក់អេក្រង់ធំជាងមុន…មានរាងស្តើងជាងមុន…អេក្រង់ភ្លឺច្បាស់ជាងមុន កម្លាំងម៉ាស៊ីនខ្លាំងជាងមុន និងថាមពលថ្មធំជាងមុន…!!
លោកខ្លូត ពិសិដ្ឋ ប្រធានគ្រប់គ្រងផ្នែកផលិតផលទូរស័ព្ទដៃនៃក្រុមហ៊ុន សាខាថៃ សាមសុង អេឡិចត្រូនិច ប្រចាំព្រះរាជាណាចក្រកម្ពុជាបានបញ្ជាក់យ៉ាងច្បាស់ថា៖ “លើកនេះភាពអស្ចារ្យយ៉ាងច្រើនសម្បូរបែប និងពិសេសអស្ចារ្យបំផុតដែលនឹកស្មានមិនដល់នឹងត្រូវលាតត្រដាងយ៉ាងច្បាស់ក្នុងរបកគំហើញថ្មីជាមួយនឹងបច្ចេកវិទ្យាទំនើបចុងក្រោយលើ Samsung Galaxy Z Fold 2 ! ហើយក្រុមហ៊ុន សាមសុង ជឿជាក់យ៉ាងច្បាស់ថា អតិថិជនដែលកំពុងទន្ទឹងរង់ចាំវត្តមាននូវកំពូលស្មាតហ្វូនអេក្រង់បត់ដែលពោរពេញដោយឧត្តមភាព និងភាពទាន់សម័យបំផុតនេះពិតជាពេញចិត្ត និងមិនខកបំណងជាមួយ Samsung Galaxy Z Fold 2 ឡើយ! ”
Samsung Galaxy Z Fold 2 នឹងដាក់ឱ្យកម្ម៉ង់ទិញទុកមុន (Pre-order) ចាប់ពី ថ្ងៃទី០២ ដល់ថ្ងៃទី ១១ ខែកញ្ញា ២០២០ ជាមួយនឹងការថែមជូនដ៏ពិសេសបំផុតដូចជា៖
– ថែមជូនកាសឥតខ្សែ Galaxy Buds Live
– បញ្ចុះតម្លៃ 50% ពេលប្តូរអេក្រង់ថ្មី (រយៈពេល 1 ឆ្នាំចាប់គិតពីថ្ងៃជាវ)!
– ស៊ីមស្មាតលេខពិសេសតម្លៃ 129 ដុល្លារ ជាមួយគម្រោងស្មាតចំនួន 52 សប្តាហ៍!
រួសរាន់ឡើង…! ប្រញាប់អញ្ជើញទៅហាងដែលមានស្លាកសញ្ញា (Pre-order) ដែលនៅជិតលោកអ្នកបំផុតឥឡូវនេះភ្លាមទៅ…ថាមិនត្រូវខ្លាចក្រែងថាដាច់ស្តុកមុនកំណត់ទៀតក៏ថាបានណ៎ា…!!
សម្រាប់អតិថិជនដែលបានកម្ម៉ង់ទុកមុន(Pre-order) និងទទួលបានទូរស័ព្ទនៅថ្ងៃទី18 ដល់24 ខែកញ្ញា 2020។
* លក្ខខណ្ឌផ្សេងៗត្រូវបានអនុវត្ត
September 2, 2020
របកគំហើញថ្មី…! បទពិសោធន៍នៃការមើលឃើញថ្មីពីទូរទស្សន៍ដ៏វ័យឆ្លាតបំផុត សាមសុង Crystal UHD ថ្មី!!
(ភ្នំពេញ) ថ្ងៃទី២៥ ខែមីនា ឆ្នាំ ២០២០៖ កាលពីសម័យមុន ឬត្រឹមទសវត្សរ៍ ៧០មើលទូរទស្សន៍ គឺមើលតែទូរទស្សន៍មែន…មិនមែនមើលរូបភាពក្នុងទូរទស្សន៍ឡើយ…ព្រោះទូរទស្សន៍មានរាងធំប៉ោងទយទៅក្រោយរូបភាពតូចហើយបែកមិនច្បាស់ហើយសខ្មៅទៀត! ប៉ុន្តែសម័យនេះជាមួយបច្ចេកវិទ្យារបស់ក្រុមហ៊ុន សាមសុង ឥឡូវនេះគឺលោកអ្នកអាចមើលលើសពីរូបភាព និងសំឡេងដោយរីករាយ…មិនមែនមើលទូរទស្សន៍ទៀតឡើយ!
ហើយទូរទស្សន៍ដែលក្រុមហ៊ុននឹងធ្វើការណែនាំនៅពេលនេះគឺជាទូរទស្សន៍ សាមសុង គ្រីស្តាល់ យូអេចឌី ( Samsung Crystal UHD TV) ថ្មីដែលបំពាក់មកជាមួយបច្ចេកវិទ្យាថ្មីចុងក្រោយដែលអាចផ្តល់ជូននូវបទពិសោធន៍នៃការទស្សនាកម្សាន្ត និងការមើលឃើញថ្មីពុំធ្លាប់មានក្នុងប្រវិត្តិសាស្ត្រនៃពិភពទូរទស្សន៍!
ទូរទស្សន៍វៃឆ្លាតម៉ូឌែល សាមសុង គ្រីស្តាល់ យូអេចឌី ( Samsung Crystal UHD TV) ពិតជាធ្វើឱ្យពិភពនៃការមើលឃើញមានការផ្លាស់ប្តូរ និងមិនអាចបំភ្លេចបានយ៉ាងពិតប្រាកដជាមួយនឹងលក្ខណៈពិសេសៗរបស់ សាមសុង ដែលបានធ្វើការអភិវឌ្ឍន៍ចុងក្រោយដូចជា៖
* Crystal Processor 4K
ជាបច្ចេកវិទ្យាមួយដ៏ទំនើបចុងក្រោយក្នុងការផ្លាស់ប្តូរបទពិសោធន៍នៃការទស្សនាលើកញ្ចក់ទូរទស្សន៍កាន់តែអស្ចារ្យដោយបង្ហាញជូននូវរូបភាពកាន់តែលម្អិត និងកាន់តែច្បាស់លើសកម្រិតរូបភាព Full HD ចំនួន 4 ដង (4K Resolution) ជួយឱ្យលោកអ្នកស្វែងរក និងរីករាយជក់ចិត្តនូវពិភពកម្សាន្តដ៏សម្បូរបែបបានយ៉ាងលឿន និងមានភាពងាយស្រួលបំផុត!
* Dual LED
ជាបច្ចេកវិទ្យាដែលមានមុខងារយ៉ាងពិសេសក្នុងការដុសខាត់រូបភាព និងធ្វើឱ្យមានតុល្យភាពរវាងពណ៌ និងពន្លឺឱ្យមានលក្ខណៈដូចធម្មជាតិពិតៗ! ទោះបីជាលោកអ្នកមើលពីជ្រុងណា ឬពេលណាក៏នៅតែទទួលបានបទពិសោធន៍នៃកម្រិតភាពច្បាស់បានយ៉ាងល្អឥតខ្ចោះ!
* Boundless Design
គ្រប់ម៉ូឌែលនៃទូរទស្សន៍ សាមសុង គ្រីស្តាល់ យូអេចឌី ( Samsung Crystal UHD TV) ទាំងអស់ប្រចាំឆ្នាំ២០២០ នេះគឺសុទ្ធសឹងតែត្រូវបានរចនាឡើងយ៉ាងផ្ចិតផ្ចង់ជាទីបំផុតស្តើងស្អាតស្ទើរតែគ្មានគែម! ដូច្នេះលោកអ្នកអាចរីករាយជាមួយនឹងបទពិសោធន៍នៃការបង្ហាញរូបភាពធំច្បាស់ល្អលើអេក្រង់លាតពេញតួដែលពុំធ្លាប់មានពីមុនមក!
* Mobile View (Mirroring Screen on TV)
មុខងារ និងបច្ចេកវិទ្យាថ្មីមួយនេះគឺប្លែក និងល្អអស្ចារ្យបំផុតក្នុងការធ្វើឱ្យលោកអ្នកកាន់តែពេញចិត្តក្នុងការកម្សាន្តទាំងនៅលើទូរស័ព្ទដៃ និងលើទូរទស្សន៍ដោយធ្វើការបែងចែកលើកញ្ចក់អេក្រង់ទូរទស្សន៍ (Split Screen) ក្នុងពេលតែមួយ! ពិតជាឡូយមែន! ដូច្នេះលោកអ្នកនឹងមិនខកខានក្នុងការទស្សនាការកម្សាន្តនូវកម្មវិធីដែលលោកអ្នកពេញចិត្តឡើយ! ហើយអ្វីដែលពិសេសនោះលោកអ្នកនឹងទទួលបានអារម្មណ៍កាន់តែរំភើបជាមួយក្រាហ្វិកតន្ត្រីលោត កន្ត្រាក់ដ៏ទាក់ទាញតាមបទភ្លេង ឬចម្រៀងដែលមានក្នុងទូរស័ព្ទដៃមកលើអេក្រង់ទូរទស្សន៍ (Visual Effect Via Music Wall) ! កាន់តែអស្ចារ្យ និងទំនើបទៅហើយពេលនេះ!
* 4K Upscaling
បច្ចេកវិទ្យាចុងក្រោយដែលមានសមត្ថភាពក្នុងការដុសខាត់ និងបំលែងគុណភាពកម្រិតរូបភាពឱ្យកាន់តែច្បាស់ត្រជាក់ភ្នែកមកក្នុងកម្រិត 4K ទាំងអស់គ្រប់ពេលវេលា និងគ្រប់ប្រភពទោះបីជាកម្រិតរូបភាពដើមមិនមែន 4K យ៉ាងណាក៏ដោយក៏លោកអ្នកអាចទស្សនា ទទួលបានបទពិសោធន៍កម្រិតរូបភាព 4K ពិតៗតែម្តង!
ប៉ុនហ្នឹងហើយ…ថាអត់ឡូយមួយមាត់ទៅ! រួសរាន់ឡើងអតិថិជន សាមសុង ទាំងអស់! ជាមួយនឹងទូរទស្សន៍ សាមសុង គ្រីស្តាល់ យូអេចឌី ( Samsung Crystal UHD TV) ប្រចាំឆ្នាំ ២០២០ នេះសឹងថាលោកអ្នកមិនបាច់ចំណាយពេលទៅមើលកុននៅខាងក្រៅហើយអាចបង្កើនការជួបជុំគ្រួសារដោយរីករាយ និងមានសុភមង្គលបានថែមទៀតផង!
សម្រាប់ព័ត៌មានលម្អិតបន្ថែមសូមអញ្ជើញមកទស្សនាផលិតផលដោយផ្ទាល់តាមហាងទំនើបចែកចាយផលិតផល សាមសុង ទាំងអស់ដែលនៅជិតលោកអ្នកបំផុតទូទាំងប្រទេស ឬក៏អាចធ្វើការទំនាក់ទំនងទៅកាន់ផ្នែកសេវាបម្រើអតិថិជនតាមរយៈទូរស័ព្ទលេខ៖ 1800-20 32 32 !

March 25, 2020
ទស្សនាដំណាក់កាលត្រួតពិនិត្យបច្ចេកទេស និងវេចខ្ចប់ Galaxy Z Flip នៅក្នុងរោងចក្ររបស់ Samsung (វីដេអូ)
ក្រុមហ៊ុន Samsung ថ្មីៗនេះ បានបង្ហោះឃ្លីបវីដេអូមួយ បង្ហាញអំពីភាពហ្មត់ចត់ ប្រយ័ត្នប្រយែងក្នុងដំណាក់កាលនៃការត្រួតពិនិត្យលើភាពមាំមួនរបស់ Galaxy Z Flip នៅមុនពេលស្មាតហ្វូននេះត្រូវបានវេចខ្ចប់ និងទៅដល់ដៃអតិថិជន។
យោងតាមការបង្ហាញរបស់ឃ្លីបវីដេអូនេះ ស្មាតហ្វូន Galaxy Z Flip បានឆ្លងកាត់ការត្រួតពិនិត្យយ៉ាងល្អិតល្អន់ទៅលើទូរស័ព្ទនេះ មិនថាផ្នែកទន់(software) ឬផ្នែករឹង(hardware) ពិសេសគឺសមត្ថភាពនៃការបត់ ឬលា និងសមត្ថភាពនៃប្រតិបត្តិការរបស់ស្មាតហ្វូននេះ។
ក្រៅពីនេះ គេឃើញថា ដំណាក់កាលនៃការវេចខ្ចប់របស់ស្មាតហ្វូននេះក៏ត្រូវបានគេធ្វើឡើងដោយប្រើដៃ ជំនួសម៉ាស៊ីនស្វ័យប្រវត្ត។ បុគ្គលិកវេចខ្ចប់ ត្រូវបានគេចាត់ទុកថាជាជំហានចុងក្រោយបង្អស់នៃដំណើរការផលិត។
Galaxy Z Flip គឺជាស្មាតហ្វូនដែលមានរូបរាងអាចបត់ជា2បានរបស់ក្រុមហ៊ុន Samsung បន្ទាប់ពីទូរស័ព្ទឆ្លាតវៃ Galaxy Fold ដែលត្រូវបានផលិតកាលពីឆ្នាំទៅ៕
ប្រភព៖ សារព័ត៌មានបរទេស
February 20, 2020
ក្រុមហ៊ុន Samsung បានបរិច្ចាកថវិកាចំនួន 5,100,000រៀលពីកម្មវិធី “Slow-mo Challenge’’ របស់ Samsung Galaxy S9/S9+ ជូនទៅមន្ទីពេទ្យគន្ធបុប្ផា
នៅថ្ងៃទី05 ខែកក្កដា ឆ្នាំ2018 ក្រុមហ៊ុនសាមសុង បានធ្វើការប្រគល់ថវិកាជូនដល់មន្ទីពេទ្យគន្ធបុប្ផា ពីកម្មវិធី “Slow-mo Challenge’’ របស់ Galaxy S9/S9+ ដើម្បីចូលរួចចំណែកជួយដល់កុមារកម្ពុជាដែលទទួលការព្យាបាលពីមន្ទីពេទ្យនេះ។
ការបង្កើតកម្មវិធីនេះឡើងគឺដើម្បីផ្តល់ឱកាសដល់អតិថិជនសាមសុងទាំងអស់ក្នុងការចូលរួចចំណែកផ្តល់វិភាគទានជូនដល់សង្គមនិងបង្ហាញពីសម្ថតភាពដ៏អស្ចារ្យរបស់កំពូលទូរស័ព្ទស្មាតហ្វូនគឺ Samsung Galaxy S9/S9+ ។
លើសពីនេះទៅទៀតអតិថិជនដែលស្រឡាញ់ពេញចិត្តនឹងផលិតផលសាមសុង មិនត្រឹមតែបានរីករាយជាមួយនឹងមុខងាររបស់ទូរស័ព្ទប៉ុណ្ណោះទេ ប៉ុន្តែពួកគាត់ក៏បង្កើតបាននូវអនុស្សាវរីយ៍ល្អៗជាមួយមិត្តភក្តិ ហើយជាមួយគ្នានោះដែរ ពួកគាត់ក៏បានចូលរួមជួយដល់កុមារៗនៅមន្ទីរពេទ្យគន្ធបុប្ផាផងដែរ។
កម្មវិធីនេះត្រូវបានប្រកាសឲ្យចាប់ផ្ដើមកាលពីថ្ងៃទី15 ខែឧសភា ដល់ថ្ងៃទី5 ខែកក្កដា ឆ្នាំ2018កន្លងទៅនេះហើយទទូលបានការចូលរួមចំនួន 110 វីដេអូ ហើយវីដេអូនីមួយៗក្រុមហ៊ុនបរិច្ចាកទឹកប្រាក់ចំនួន១០,០០០រៀលទៅមន្ទីរពេទ្យគន្ធបុប្ផា។
មិនត្រឹមតែប៉ុណ្ណោះ ក្រុមហ៊ុនក៏បានបរិច្ចាក ទឹកប្រាក់ចំនួន 4,000,000រៀលបន្ថែមទៀតពីលើការបង្កើតវីដេអូនេះផងដែរ។នេះបើតាមប្រសាសន៏របស់លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា។
ដោយឡែកអ្នកដែលបានចូលរួមក្នុងការបង្កើតវីដេអូនេះក៏មានឱកាសឈ្នះរង្វាន់ Samsung Galaxy S9+ ( 256GB) 1គ្រឿងផងដែរ។
លោក មាស កក្កដា ដែលជាអ្នកឈ្នះរង្វាន់ Samsung Galaxy S9+ ( 256GB) 1គ្រឿង ពីការបង្តើតវីដេអូSlow-moបាននិយាយថា៖«នេះគឺជាលើកទីមួយហើយដែលខ្ងុំបានចូលរួមក្នុងការបង្កើតវីដេអូក្នុងកម្មវិធី “Slow-mo Challenge’’ របស់ក្រុមហ៊ុនសាមសុងដើម្បីចូលរួមជួយដល់កុមារកម្ពុជាក៏ដូចជារួមចំណែកជួយដល់សង្គមជាតិផងដែរហើយខ្ងុំជឿជាក់ថាក្រុមហ៊ុនសាមសុងនឹងមានកម្មវិធីល្អៗជាច្រើនទៀតដើម្បីបើកឱកាសឲ្យកាន់តែទូលំទូលាយក៏ដូចជាការបំផុសទឹកចិត្តស្រលាញ់និងចូលរួមចំណែកជួលដល់សង្គមជាតិហើយក៏សូមជូនពរក្រុមហ៊ុនសាមសុងទទួលបានភាពជោគជ័យ និងបន្តបង្កើតបច្ចេកវិទ្យាដ៏ទំនើបៗបន្តទៀតដើម្បីបំពេញតម្រូវការសព្វថ្ងៃរបស់អតិថិជន»៕

July 6, 2018
នេះជាលើកទី1ហើយ ដែល Samsung ទទួលបានប្រាក់ចំណេញប្រតិបត្តិការច្រើនយ៉ាងនេះ
សេអ៊ូល៖ ក្រុមហ៊ុនបច្ចេកវិទ្យាយក្សរបស់កូរ៉េខាងត្បូង Samsung Electronics បានប្រកាសឱ្យដឹងថា នៅក្នុងឆ្នាំ 2017 កន្លងទៅនេះ ទទួលបានប្រាក់ចំណេញប្រតិបត្តិការប្រចាំរហូតដល់ 46,9ពាន់លានដុល្លារអាមេរិក តិចជាងការព្យាករណ៍។
យោងតាមការចេញផ្សាយរបស់សារព័ត៌មាន Korea Herald ចេញផ្សាយនៅថ្ងៃទី 10 ខែមករា ឆ្នាំ 2018 បានឱ្យដឹងថា នេះជាលើកដំបូងហើយដែលក្រុមហ៊ុន Samsung ទទួលបានប្រាក់ចំណេញប្រតិបត្តិការប្រចាំឆ្នាំរហូតដល់ 46,9ពាន់លានដុល្លារអាមេរិក ដែលតួលេខនេះមិនធ្លាប់កើតមានឡើងចាប់តាំងពីក្រុមហ៊ុនត្រូវបានបង្កើតនៅក្នុង 1969។
ក្រុមហ៊ុន Samsung នៅមិនទាន់បង្ហាញរបាយការណ៍ហិរញ្ញវត្ថុប្រចាំឆ្នាំ 2017 ទាំងមូលនោះទេ ប៉ុន្តែបានធ្វើការព្យាករណ៍ថា ប្រាក់ចំណេញប្រចាំត្រីមាសទី3 ចន្លោះខែតុលា-ធ្នូ ឆ្នាំ 2017 នឹងទទួលបាន 14,1ពាន់លានដុល្លារអាមេរិក ខណៈដែលក្រុមអ្នកតាមដានបានព្យាករណ៍ថា មានត្រឹមតែ 12,8ពាន់លានដុល្លារអាមេរិកប៉ុណ្ណោះ៕
January 10, 2018
កំពូលស្មាតហ្វូន 2 ម៉ូដែល ត្រៀមបង្ហាញខ្លួននៅចុងខែនេះ
វាជារឿងមួយដ៏គួរឱ្យភ្ញាក់ផ្អើលណាស់ដែលនៅចុងខែសីហានេះ កំពូលស្មាតហ្វូនមកពីក្រុមហ៊ុនបច្ចេកវិទ្យារបស់ប្រទេសកូរ៉េចំនួន 2 បានត្រៀមបង្ហាញខ្លួន ដើម្បីបើកសករាជថ្មីនៃពិភពស្មាតហ្វូនសកលជាមួយនឹងសមត្ថភាពខ្លាំង អេក្រង់ប្លែក និងមានកាមេរ៉ាដែលអាចថតរូបបានច្បាស់ទោះពុំមានពន្លឺមិនគ្រប់គ្រាន់ក្ដី។
តាមព័ត៌មានដែលបានចុះផ្សាយបានឱ្យដឹងថា ក្រុមហ៊ុនបច្ចេកវិទ្យាដ៏ធំបំផុតរបស់កូរ៉េខាងត្បូង Samsung បានធ្វើការចែកលិខិតអញ្ជើញជូនភ្ញៀវកិត្តិយស និងអ្នកសារព័ត៌មានដើម្បីចូលរួមក្នុងព្រឹត្តិការណ៍ Unpacked នៅទីក្រុង New York ថ្ងៃទី23 ខែសីហា ឆ្នាំ2017ខាងមុខនេះ ព្រមជាមួយនឹងការផ្សាយបន្តផ្ទាល់នៅលើគេហទំព័ររបស់ Samsung ទៀតផង។ ទោះជាក្នុងរូបលើលិខិតអញ្ជើញមិនបានបញ្ជាក់ថា ជាទូរស័ព្ទអ្វីក៏ដោយ ប៉ុន្ដែតាមរយៈរូបប៊ិកធ្វើឱ្យយើងអាចសម្គាល់បានយ៉ាងច្បាស់ថា វាគឺជាទូរស័ព្ទ Galaxy Note ជំនាន់ថ្មី គឺ Note 8 ហ្នឹងឯង។ ចំពោះស្មាតហ្វូនថ្មីនេះ ជាទម្លាប់ Samsung តែងបំពាក់អេក្រង់ខ្នាតធំជាងត្រកូល S ផ្សេងទៀតជានិច្ច ព្រមជាមួយនឹងប៊ិក S-Pen មួយដែលមានមុខងារថ្មីៗជានិច្ចពីមួយជំនាន់ទៅមួយជំនាន់។
ចំណែកឯក្រុមហ៊ុន LG វិញក៏បានត្រៀមខ្លួនបង្ហាញទូរស័ព្ទ V30 នៅថ្ងៃទី31 ចុងខែសីហា ឆ្នាំ2017 ខាងមុខនេះដែរ។ LG បានធ្វើការចែកលិខិតអញ្ជើញរួចរាល់ហើយសម្រាប់ព្រឹត្តិការណ៍ដ៏អស្ចារ្យលើកនេះ និងនៅលើលិខិតអញ្ជើញបានបង្ហាញយ៉ាងច្បាស់អំពីកាលបរិច្ឆេទ និងពេលវេលានៃព្រឹត្តិការណ៍នេះ ព្រមទាំងឈ្មោះរបស់ទូរស័ព្ទទៀតផង៕
August 11, 2017
ម្ដងនេះច្បាស់ហើយ! Galaxy Note 8 ត្រៀមបង្ហាញខ្លួននៅខែក្រោយ
ម្ដងនេះច្បាស់ហើយ និងគ្មានអ្វីត្រូវសង្ស័យទៀតទេ ក្រោយពីក្រុមហ៊ុនបច្ចេកវិទ្យាយក្សកូរ៉េខាងត្បូង Samsung បានធ្វើការចែកជូនលិខិតអញ្ជើញភ្ញៀវកិត្តិយស និងអ្នកសារព័ត៌មានចូលរួមក្នុងព្រឹត្តិការណ៍ Unpacked នៅទីក្រុង New York ថ្ងៃទី23 ខែសីហា ឆ្នាំ2017 ព្រមជាមួយនឹងការផ្សាយបន្តផ្ទាល់នៅលើគេហទំព័ររបស់ Samsung ទៀតផង។
តាមរយៈគេហទំព័រ រួមជាមួយ Page Facebook របស់ក្រុមហ៊ុន Samsung កម្ពុជា យើងបានឃើញមានការផ្លាស់ប្ដូរ Cover ទៅជារូបទូរស័ព្ទអមដោយប៊ិកពណ៌មួយដើម ដោយមានសរសេរដាក់ថា «រង់ចាំមើលមើល៍ថា តើនៅថ្ងៃទី23 ខែសីហា ឆ្នាំ2017 នឹងមានព្រឹត្តិការណ៍ធំអ្វីកើតឡើង?»។
ទោះនៅក្នុងរូបមិនបានបញ្ជាក់ថាជាទូរស័ព្ទអ្វីមែន ប៉ុន្ដែតាមរយៈរូបប៊ិកមួយនោះ យើងអាចសម្គាល់បានយ៉ាងច្បាស់ថា វាជាទូរស័ព្ទ Galaxy Note ជំនាន់ថ្មី គឺ Note 8 តែម្ដង។ ចំពោះស្មាតហ្វូនថ្មីនេះ ជាទម្លាប់ គឺSamsungនឹងបំពាក់អេក្រង់ខ្នាតធំជាងត្រកូល S ដទៃទៀតជានិច្ច ព្រមជាមួយនឹងប៊ិក S-Pen មួយដែលមានមុខងារថ្មីៗពីមួយជំនាន់ទៅមួយជំនាន់។
យ៉ាងណាមិញ ក្រុមហ៊ុនមិនបានបញ្ជាក់ពីសមត្ថភាព ក៏ដូចជាលក្ខណសម្បត្តិអ្វីទាំងអស់លើស្មាតហ្វូនមួយនេះ ប៉ុន្តែតាមដំណឹងបែកធ្លាយគឺ Galaxy Note 8 អាចនឹងមានអេក្រង់ទំហំ 6.3 អ៊ីញ អេក្រង់ Super AMOLED ជំនាន់ថ្មី 18.5:9 aspect ratio ដូចនឹងត្រកូល S ដទៃទៀតដែរ។ មិនតែប៉ុណ្ណោះ វាអាចនឹងមានប្រើនូវ បន្ទះឈីបជំនាន់ចុងក្រោយរបស់ Exynos និង Snapdragon ហើយមាន Ram ទំហំ 6GB។ ក្នុងនោះ វាក៏អាចជាស្មាតហ្វូនដំបូងគេផងដែរដែលបំពាក់ប្រព័ន្ធកាមេរ៉ាភ្លោះរបស់ Samsung និងមានថាមពលថ្ម 3300mAh៕
July 22, 2017
ចាំយូរទេ? ពេលនេះទូរស័ព្ទ Galaxy S8 ពណ៌ទឹកសមុទ្រចេញលក់នៅកម្ពុជាហើយ
ក្រោយចេញលក់ទូរស័ព្ទ Galaxy S8 និង S8Plus ជាផ្លូវការកាលពីដើមខែឧសភា ជាមួយនឹងពណ៌ខ្មៅ ពណ៌ប្រផេះបែកស្វាយ និងទឹកមាសរួចមក ថ្មីៗនេះ Samsung ប្រចាំកម្ពុជាបានប្រកាសដាក់ចេញនូវពណ៌ទឹកសមុទ្រមួយទៀតសម្រាប់អ្នកចង់បានទូរស័ព្ទពណ៌ប្លែកៗបែបធម្មជាតិ។
លោក Seungho Choi នាយកគ្រប់គ្រងនៃ Samsung សាខាកម្ពុជាបានឱ្យដឹងថា សម្ទុះនៃការលក់ទូរស័ព្ទ Galaxy S8 និង S8 Plus មានកម្រិតខ្លាំងនៅតាមខេត្តធំៗក្នុងព្រះរាជាណាចក្រកម្ពុជា លើសពីអ្វីដែលក្រុមហ៊ុនបានរំពឹងទុក ហើយពណ៌ថ្មីនេះជាពណ៌ទី 4 ដែលស្រស់ស្អាតប្លែកភ្នែក ទាក់ចិត្តអ្នកគាំទ្រឱ្យអន្ទះសាចង់បានគ្រប់ៗគ្នា។ ក្នុងរយៈពេល 3 ខែចុងក្រោយនេះ ទូរស័ព្ទទាំង 2 ស៊េរីបានបង្កើតនូវភាពជឿទុកចិត្តដល់អ្នកប្រើប្រាស់ចំនួន 9.8 លាននាក់ជុំវិញពិភពលោក។
ចំពោះទូរស័ព្ទ Galaxy S8/S8+ ពណ៌ទឹកសមុទ្រនេះ គឺមិនមានលក្ខណៈសម្បត្តិអ្វីខុសគ្នាពីទូរស័ព្ទពណ៌មុនៗនោះទេ ដោយវាទាំង 2 នៅតែបំពាក់ជាមួយនឹងកញ្ចក់ Super AMOLED ប្រើ CPU មកពីក្រុមហ៊ុន Qualcomm ប្រភេទ Snapdragon 835 ជំនាន់ថ្មី មានសមត្ថភាពខ្លាំងក្នុងទីផ្សារបច្ចុប្បន្ន ប្រភេទ Quad-core រត់នៅក្នុងល្បឿន 2.45GHz ខ្លាំងជាង S7 និង S7 edge ចំនួន 10% និងមាន GPU Adreno 540 ថ្មី ដែលធ្វើឱ្យការលេងហ្គេមធំៗដំណើរការទៅយ៉ាងរលូនល្អ ហើយនិងការប្រើប្រាស់ទៅលើកិច្ចការប្រចាំថ្ងៃជាច្រើនរាប់មិនអស់ទៀតនៅតែគ្មានបញ្ហា ខណៈដែលវាមាន Ram ទំហំ 4GB ក៏ដោយ។
ដោយឡែកផ្នែកកាមេរ៉ា Samsungនៅតែរក្សាទំហំ 12 MP ដដែល តែបានពង្រីកផ្នែកខាងមុខឡើងដល់ 8 MP ព្រមជាមួយនឹងការបន្ថែមបច្ចេកវិទ្យា Dual Pixel ដែលអាចឱ្យវាធ្វើការ Focus បានរហ័ស និងពិសេសអាចថតរូបបានលឿនជាងមុន។ កាមេរ៉ាខាងក្រោយ Galaxy S8/S8+ មានកម្រិត Aperture ធំបំផុត f/1.7 ជាមួយទំហំ Pixel 1.4um ធ្វើឱ្យវាអាចស្រូបពន្លឺបានច្រើន ពិសេសផលិតរូបភាពបានក្នុងកម្រិតដិតច្បាស់ និងដាច់ល្អ ភ្ជាប់ជាមួយនឹងមុខងារ Manual អាចឱ្យអ្នកប្រើធ្វើការកំណត់ការប្រើប្រាស់ដូចការប្រើកាមេរ៉ាអាជីពដែរ និងប្រើប្រាស់ប្រព័ន្ធប្រតិបត្តិការ Android Nougat ជំនាន់ 7.0 ចេញពីប្រអប់ស្រោបខ្លួនដោយ UI Touchwiz ជំនាន់ថ្មី ងាយស្រួលប្រើ និងទំនើបជាងមុន៕
July 21, 2017