Tag: Rain

  • ចង់ដឹងទេថា Rain ចំណាយអស់ប៉ុន្មាននៅថ្ងៃរៀបចំពិធីអាពាហ៍ពិពាហ៍?

    ចង់ដឹងទេថា Rain ចំណាយអស់ប៉ុន្មាននៅថ្ងៃរៀបចំពិធីអាពាហ៍ពិពាហ៍?

    ដោយយោងតាមសារព័ត៌មាន Teenee បានចេញផ្សាយនៅថ្ងៃទី8 ខែធ្នូ ឆ្នាំ2017 មុននេះបន្ដិចបានឱ្យដឹងថា លោក Rain  នៅពេលថ្មីៗនេះបានបង្ហើបឱ្យដឹងអំពីការចំណាយថវិកានៅថ្ងៃរៀបអាពាហ៍ពិពាហ៍ ជាមួយ Kim Tae Hee កាលពីអំឡុងខែមករាកន្លងមក នៅក្នុងកម្មវិធីសម្ភាស  Carefree Travelers ។

    តារាចម្រៀង Rain បានពោលថា «ការចំណាយក្នុងការរៀបចំពិធីអាពាហ៍ពិពាហ៍របស់ខ្ញុំអស់ប្រមាណជាង 2 លានវ៉ុនតែប៉ុណ្ណោះ ដោយសារតែនេះ​ គឺជាតម្រូវការរបស់ភរិយារបស់ខ្ញុំ ដែលនាងមិនចង់ឱ្យមានការរៀបចំកម្មវិធីបែបអធិកអធមហើយមានភាពភ្ញាក់ផ្អើលអីនោះទេ»។ លោកបានបន្ដទៀតថា ភរិយាខ្ញុំនាងចង់រៀបចំពិធីមង្គលការបែបសាមញ្ញៗ ងាយៗ តាមបែបគ្រិស្តសាសនា ហើយគ្មានជាងថតរូបសន្លឹកនោះទេ មានតែជាងថតវីដេអូប៉ុណ្ណោះ  សូម្បីតែឈុតកូនកំលោះ ក៏មិនបានទិញថ្មីដែរ។

    លោកបានបញ្ជាក់បន្ថែមថា ចំពោះភ្ញៀវកិត្តិយសដែលបានចូលរួម ពួកគាត់អាចថតរូបបានដោយខ្លួនឯង មិនចាំបាច់ជួលជាងថតរូបទេ ព្រោះថា មានតែក្រុមគ្រួសារ មិត្តរួមអាជីព និងសាច់ញាតិបងប្អូនប៉ុណ្ណោះដែលបានចូលរួមនៅក្នុងពិធីមង្គលការនេះ៕

  • ភរិយា Rain ជិតដល់ថ្ងៃប្រសូតបុត្រហើយ

    ភរិយា Rain ជិតដល់ថ្ងៃប្រសូតបុត្រហើយ

    នៅថ្ងៃទី25 ខែតុលា ឆ្នាំ2017 នេះ តាមរយៈសារព័ត៌មានកូរ៉េ Koreaboo បានឱ្យដឹងថា ចុងក្រោយថ្មីៗនេះ Kim Tae Heeជាភរិយារបស់តារាចម្រៀង និងសម្ដែង Rain បានប្រាប់ឱ្យដឹងថា អ្នកនាងជិតដល់ថ្ងៃផ្ដល់កំណើតកូនសម្លាញ់ហើយ បន្ទាប់ពីពពោះបានគ្រប់ខែ។ សារព័ត៌មានដដែលនេះក៏បានអះអាងដែរថា លោក Rain បានបង្ហោះរូបភាពមួយចំនួននៅក្នុងបណ្ដាញសង្គម Instagram របស់លោកផ្ទាល់ដោយបានបញ្ជាក់ថា លោកត្រៀមទទួលយកនូវសមាជិកថ្មីមួយទៀតដែលជិតបានឃើញពន្លឺព្រះអាទិត្យនាពេលឆាប់ៗខាងមុខនេះ។

    គួរបញ្ជាក់ផងដែរថា លោក Rain បានសរសេរខ្លីៗជំនួសកូនស្រីនៅក្នុងគភ៌របស់ភរិយានៅលើរូបភាពក្នុងអ៊ីនស្ដាក្រាមថា “អរគុណ!! …ខ្ញុំប្រៀបបីដូចជាម្ចាស់ក្សត្រិយ៍ដ៏ស្រស់ស្អាត។ ពួកយើងនឹងឱ្យនាងបានសម្រាកយ៉ាងស្រួលបំផុត ហើយនោះនាងនឹងក្លាយជាមនុស្សម្នាក់ដែលប្រសើរ ហើយរីករាយបំផុតនៅក្នុងជីវិត”៕

  • Rain បដិសេធមិនថតរឿង X-Men វគ្គថ្មី

    Rain បដិសេធមិនថតរឿង X-Men វគ្គថ្មី

    តារាសម្ដែង និងជាផលិតករភាពយន្តកូរ៉េ Lee Bum Soo បាននិយាយថា តារាឯកប្រុស Rain បានបដិសេធឱកាសសម្ដែងជាតួអង្គក្នុងរឿង X-Men ដោយលោកអាចយកពេលវេលានោះ មកបន្ដសម្ដែងក្នុងខ្សែភាពយន្ដកូរ៉េ ដែលមានចំណងជើងថា «Uhm Bok Dong» វិញ។

    នៅក្នុងបទសម្ភាសកាលពីពេលថ្មីៗនេះ លោក Lee Bum Soo បានបន្ថែមទៀតថា លោកឃើញ Rain ពិតជាបានបង្ហាញនូវទេពកោសល្យសម្តែងខុសប្លែកពីមុនមែន ខណៈដែលគេទាំងពីរកំពុងតែហាត់សមដើម្បីថតរឿងថ្មីនោះជាមួយគ្នា ។ លោកបានបន្ដថា លោកធ្លាប់គិតថា Rain ក៏ដូចជាតារាសម្ដែងធម្មតាទូទៅដែរ ប៉ុន្ដែនៅពេលដែលបានចូលរួមសហការការងារជាមួយគ្នានៅក្នុងរឿងនោះ ទើបលោកកត់សម្គាល់ឃើញថា តារាឯកប្រុសរូបនេះ បានអភិវឌ្ឍខ្លួនទៅជាកំពូលតារាប្រុសដែលមានទេពកោសល្យដ៏ឆ្នើមមួយរូបដែលមានស្នាមញញឹម និងអប្បកិរិយារួសរាយជានិច្ច។

    គួរបញ្ជាក់ផងដែរថា តារាឯកប្រុស Rain ត្រូវបានស្នើសុំឱ្យសម្ដែងភាពយន្ដហូលីវូដរឿង X-Men ក្នុងវគ្គថ្មី ដែលវណ្ណកម្មរបស់ផលិតកម្ម Marvel Studio ដែលនឹងគ្រោងថតនៅក្នុងខែកក្កដា ឆ្នាំ២០១៧នេះ តែត្រូវបាន តារាប្រុសរូបសង្ហាដ៏មានប្រជាប្រិយរូបនេះច្រានចោលសំណើនេះជាមុន ដោយសម្រេចចិត្តផ្ដោតទៅលើការថតរឿង “Uhm Bok Dong” វិញដែលនឹងចាប់ផ្តើមថតនៅខែសីហា ឆ្នាំនេះវិញ៕