Tag: LG

ទូរស័ព្ទ LG G6 ចេញលក់ព្រឹកមិញក្នុងទីផ្សារកម្ពុជា ទូរស័ព្ទ LG G6 ចេញលក់ព្រឹកមិញក្នុងទីផ្សារកម្ពុជា
បន្ទាប់ពីរង់ចាំអស់រយៈពេលជាច្រើនខែ ក្រោយពីបានបង្ហាញខ្លួនកាលពីព្រឹត្តិការណ៍ Mobile World Congress 2017 នៅទីក្រុង Barcelona ប្រទេសអេស្ប៉ាញតាំងពីខែកុម្ភៈមក ពេលនេះទូរស័ព្ទ LG G6 ចាប់ផ្ដើមមានលក់ហើយកាលពីព្រឹកមិញនេះក្នុងទីផ្សារកម្ពុជា ជាមួយនឹងតម្លៃប្រមាណ 666ដុល្លារ។
លោក ប៉ិច មករា ប្រធានផ្នែកផលិតទូរស័ព្ទនៃក្រុមហ៊ុន Ggear ដែលជាក្រុមហ៊ុនទទួលបានសិទ្ធិនាំចូល និងចែកចាយផលិតផល LG ក្នុងទីផ្សារកម្ពុជាបានឱ្យដឹងថា ទូរស័ព្ទ LG G6 ចាប់ផ្ដើមមានវត្តមានក្នុងទីផ្សារកម្ពុជាយើងហើយកាលពីព្រឹកថ្ងៃទី24 ខែកក្កដា ឆ្នាំ2017 នេះ នៅគ្រប់ហាង LG Brand Shop និងតាមហាងលក់រាយធំៗមួយចំនួន ហើយមាន 2ពណ៌គឺ ខ្មៅ និងប្រផេះបែកខៀវតិចៗ។
លោកបន្តថា ទូរស័ព្ទ LG G6 បានបំពាក់នូវបច្ចេកវិទ្យាទំនើបៗ រាប់ចាប់ពីអេក្រង់ កាមេរ៉ា និងសមត្ថភាពដំណើរការ។ LG G6 មានអេក្រង់ទំហំ 5.7 អ៊ីញប្រភេទIPS LCD FullVision អាចបង្ហាញរូបភាពកម្រិត 18:9 Aspect Ratio និងកម្រិតភាពច្បាស់2880×1440 ភិចសេលជាមួយនឹងកម្រិតដង់ស៊ីតេ 565ppi ។
សម្រាប់ផ្នែកខាងក្រោយ G6 ប្រើនូវកាមេរ៉ាភ្លោះ Wide Angle ទំហំ13 MP និង Normal ដែលមានទំហំ 13 MP ដែលខុសពីកាមេរ៉ាភ្លោះរបស់ LG G5 ប្រើប្រាស់ប្រព័ន្ធកាមេរ៉ាភ្លោះ 16MP + 8MP ។ ដោយផ្នែក Normal ប្រើប្រាស់នូវមុខងារ OIS និង Autofocus ហើយកាមេរ៉ាមុខមានទំហំ 5 MP។
ស្មាតហ្វូនមួយនេះបំពាក់នូវបន្ទះឈីប Snapdragon 821 និងមាន Ram 4GB ម៉េម៉ូរីក្នុងម៉ាស៊ីនទំហំ 32GB / 64GB ហើយវាក៏មានរន្ធដោតបន្ថែមនូវ microSD កាតថែមទៀតដែរ។ វាដំណើរការជាមួយនឹងប្រព័ន្ធប្រតិបត្តិការ Android 7.0 Nougat និងប្រើប្រាស់នូវប្រព័ន្ធ Google Assistant ហើយមានថាមពលថ្មខ្លាំងកម្លាំង 3300mAh និងបច្ចេកវិទ្យា QuickCharge 3.0 ដែលអាចបញ្ជូលថ្មពេញបានក្នុងរយៈពេល 96នាទី និងអាចបញ្ចូលថ្មបាន50% ដោយចំណាយពេលត្រឹមតែ 32 នាទីប៉ុណ្ណោះ។ ក្នុងនោះ វាជាស្មាតហ្វូនដំបូងរបស់ក្រុមហ៊ុនដែលបំពាក់មុខងារការពារជម្រាបទឹក និងការពារធូលី (IP68)៕
July 24, 2017
អេក្រង់កុំព្យូទ័ររាងឡូយអ៊ីចឹង និងសមត្ថភាពប៉ុណ្ណឹង ត្រូវចិត្តអត់?!
សម្រាប់ការងារជាអ្នករចនា ដែលយើងនិយមហៅថាអ្នកឌីហ្សាញនោះ ក្រៅពីមានកុំព្យូទ័រដែលមានសមត្ថភាពដំណើរការរលូនហើយ នៅមានចំណុចមួយទៀតដែលអ្នកត្រូវគិតដល់ នោះគឺសមត្ថភាពបង្ហាញរូបភាពរបស់ម៉ូនីទ័រកុំព្យូទ័រ។ ដោយសារចំណុចនេះ វាធ្វើឱ្យអ្នកអាចបែងចែក និងកំណត់ពណ៌ឱ្យត្រូវនឹងអ្វីដែលអ្នកចង់បាន ព្រោះថាម៉ូនីទ័រកុំព្យូទ័រខ្លះ មិនអាចបង្ហាញពណ៌ត្រូវ 100% តាមការចង់បានរបស់យើងឡើយ។
ក្រុមហ៊ុន LG បានបញ្ចេញនូវប្រភេទអេក្រង់កុំព្យូទ័រ LG 34UC97 ដែលមានសមត្ថភាពយ៉ាងពិសេស ខុសប្លែកគេ ជាមួយនឹងរូបរាងកោង អាចបង្ហាញរូបភាពលើកម្រិត 21:9 Ultrawide បង្កើតឡើងជាពិសេសសម្រាប់អ្នករចនា អ្នកថតរូប អ្នកផលិតកម្មវិធីទូរទស្សន៍ ជាមួយនឹងគុណភាពរូបភាពច្បាស់ និងមុខងារសម្បូរបែប។ ម៉ូនីទ័រនេះ ត្រូវបានបង្កើតឡើងឱ្យមានសមត្ថភាពលើសពីម៉ូនីទ័រធម្មតាដែលអ្នកធ្លាប់ប្រើ ជាមួយនឹងអេក្រង់កោងបង្ហាញរូបភាពច្បាស់កម្រិត QHD ពេញភ្នែក សម្លឹងយូរមិនធ្វើឱ្យក្ដៅភ្នែក រួមនឹងមុខងារ Multitasking អាចបែកចែកអេក្រង់តាមតម្រូវការ។
អេក្រង់នេះត្រូវបានរចនាឡើងសម្រាប់ភាពទាន់សម័យ ចាប់ផ្ដើមពីជើងទម្ររហូតដល់ផ្នែកទាំងមូលរបស់វា។ ជាមួយនឹងទំហំខ្លួន 830.5 x 106.4 x 370.3 មីល្លីម៉ែត្រ និងមានទម្ងន់ 8.2 គីឡូ ផ្ដល់នូវជំហររឹងមាំបែបស្រស់ស្អាត។ ដោយឡែកអេក្រង់របស់វាវិញ LG បានបំពាក់នូវប្រភេទកញ្ចក់កោង IPS អាចបង្ហាញរូបភាពកម្រិត QHD 3440 x1440 ភិកសែល ខ្នាត 21:9 Ultrawide អាចឱ្យអ្នកមើលឃើញរូបភាពកាន់តែធំ និងសម្រួលបានយ៉ាងច្រើនក្នុងកិច្ចការងារ។
លើសពីភាពកោង និងទំហំអេក្រង់វែងជាងមុន LG 34UC97 បានផ្ដល់នូវលក្ខណៈពិសេសមួយ ដោយអ្នកអាចធ្វើការបែងចែកអេក្រង់បាន 4 សណ្ឋានខុសៗគ្នា ខណៈវាអាចធ្វើការតភ្ជាប់ទៅនឹងកុំព្យូទ័រ 2 ផ្សេងគ្នា មិនថាប្រភេទ Windows ឬ Mac OS។ មិនតែប៉ុណ្ណោះ វាក៏បានប្រើប្រាស់នូវបច្ចេកវិទ្យាពណ៌ sRGB ដូច 99% នៃពណ៌ដែលរំពឹងចង់បានសម្រាប់អ្នកធ្វើ Artwork ឬរូបថត ដោយមានភាពលម្អៀងតិចបំផុត។ បន្ថែមពីលើភាពច្បាស់ សម្រាប់ការទស្សនាវីដេអូ និងលេងហ្គេម វាបានដាក់ចេញនូវបច្ចេកវិទ្យាសំឡេង MaxxAudio និង Speaker កម្លាំង 7W ធ្វើឱ្យវាកាន់តែកាន់រំជើបរំជួលដូចស្ថិតក្នុងរោងកុនដូច្នោះដែរ។ ក្នុងនោះសម្រាប់រន្ធតភ្ជាប់នៅផ្នែកខាងក្រោយដូចជា រន្ធ HDMI, USB 3.0 និងរន្ធសម្រាប់ កុំព្យូទ័រ Mac តាមរន្ធ Thunderbolt 2 ហើយតម្លៃវិញ គឺប្រមាណជា 999 ដុល្លារ សម្រាប់ទីផ្សារកម្ពុជា៕
លក្ខណៈសម្បត្តិ
អេក្រង់៖ 34 អ៊ីញ ប្រភេទ IPS
កម្រិតពណ៌៖ SRGB 99% ដូចធម្មជាតិ
Aspect Ratio ៖ 21:9
Resolution៖ 3440 x 1440 ភិកសែល
Brightness ៖ 300 cd/m2
រន្ធតភ្ជាប់៖ 2 HDMI, 2 ThunderBolt
ទំហំ៖ 830.5 x 106.4 x 370.3 មីល្លីម៉ែត្រ
ទម្ងន់៖ 8.2 គីឡូក្រាម
July 8, 2017
ចំណុចពិសេសរបស់ទូរស័ព្ទ LG G6 ដែលអ្នកប្រើប្រាស់គួរដឹង!
បើនិយាយពីទូរស័ព្ទ LG G6 ប្រិយមិត្តប្រហែលជាបានដឹងពីលក្ខណសម្បត្តិរបស់ស្មាតហ្វូនមួយនេះច្រើនហើយ ខណៈវាត្រូវបានបង្ហាញខ្លួនតាំងពីខែកុម្ភះ ក្នុងព្រឹត្តិការណ៍ MWCឆ្នាំ 2017 នៅទីក្រុង Barcelona ប្រទេសអេស្ប៉ាញមកម្ល៉េះ។ ប៉ុន្តែ សម្រាប់ទីផ្សារកម្ពុជាយើង G6 នៅមិនទាន់បានបង្ហាញខ្លួនជាផ្លូវការនៅឡើយទេ ដោយតំណាងក្រុមហ៊ុននាំចូលបានបង្ហើបឱ្យដឹងថា វានឹងមកដល់ឆាប់ៗនេះ តែទោះមិនទាន់មកដល់ក៏ដោយ ថ្ងៃនេះក្រុមការងារ ឡារ៉ែន សូមលើកយកចំណុចពិសេសមួយចំនួនរបស់ទូរស័ព្ទ LG G6 មកជម្រាបជូនជ្រាបទុកជាព័ត៌មាន និងចំណេះដឹងខ្លះៗដល់ប្រិយមិត្តអ្នកអាន។
កាមេរ៉ា 3 គ្រាប់៖ ចំណុចដំបូងនៃលក្ខណៈពិសេសរបស់ទូរស័ព្ទមួយនេះ គឺវាមានបំពាក់ដោយកាមេរ៉ាចំនួន 3 គ្រាប់ ដែលខាងក្រោយភ្លោះ មានទំហំ 13 MP ដោយមួយមានមុខ Wide angle អាចថតរូបកម្រិត 125ដឺក្រេ អាចថតរូបភាពបានធំ និងមួយទៀត 71ដឺក្រេ។
កាមេរ៉ាភ្លោះនេះគឺល្អក្នុងការថតរូបទេសភាព(Landscapes និង Scenic Shots) និងមានមុខងារដែលថតរូបម្ហូបអាហារបានស្អាត។ LG បានបញ្ជាក់ថា កាមេរ៉ាG6 មិនផ្ដោតសំខាន់ទៅលើមេហ្គាភិកសែលទេ ប៉ុន្តែផ្ដោតសំខាន់ទៅលើគុណភាពរូបភាពវិញ ដូច្នេះរូបភាពថតរបស់ G6 គឺមានគុណភាពខ្ពស់ ហើយយើងអាចធ្វើការ Zoom ចេញចូលបានរហ័សទៀតផង។ ចំពោះកាមេរ៉ាមុខមានទំហំ 5 MP មានកម្រិត Aperture f/2.2 ថតរូបក្នុងមុម 100 ឌឺក្រេ អាចថតរូបបានច្បាស់ល្អ។
សម្រាប់អ្នកដែលដឹងច្បាស់ពីការថតរូប G6ក៏មានមុខងារ Manual Mode ដូចនឹងប្រភេទកាមេរ៉ា DSLR ដែលអ្នកអាចកំណត់ការត្រួតពិនិត្យលើរបៀបផ្សេងៗនៃមុខងារសំខាន់ៗដូចជាShutter Speed, ISO និង White balanceជាដើមបានដែរ។
អេក្រង់ធំទូលាយល្អ៖ G6 ត្រូវបាន LG បំពាក់នូវអេក្រង់ទំហំ 5.7 អ៊ីញប្រភេទFullVision ថ្មី លាតទ្រវែងស្ទើរពេញផ្ទៃខាងមុខរបស់វា មិនចាញ់គ្នានឹងទូរស័ព្ទ Galaxy S8 ប៉ុន្មានទេ គ្រាន់តែមិនមានគែមកោងប៉ុណ្ណោះ។ អេក្រង់ថ្មីនេះមានកម្រិតRatio 18:9 មានសមត្ថភាពបង្ហាញរូបភាពដល់កម្រិត Quad-HD ឬស្មើនឹង 2K លើដង់ស៊ីតេអេក្រង់564ppi។
LG G6 ក៏មានភ្ជាប់មកនូវមុខងារ HDR 10 ផ្ដល់នូវភាពល្អប្រសើរសម្រាប់អ្នកដែលចូលចិត្តទស្សនាវីដេអូ និងលេងហ្គេមបានកាន់តែជក់ចិត្ត ហើយសម្រាប់ការប្រើប្រាស់ក្រោមពន្លឺព្រះអាទិត្យ អេក្រង់ទូរស័ព្ទនេះនឹងបញ្ចេញពន្លឺបានកម្រិត 500 nit ដល់600 nit ដែលធ្វើឱ្យយើងនៅតែអាចមើលឃើញ និងប្រើប្រាស់វាបានដូចធម្មតា។ មួយវិញទៀត វាក៏មានមុខងារ Always On Display បន្ថែមទៀត ដែលអ្នកប្រើប្រាស់អាចមើលម៉ោង និងសារក្រើនរំឭកផ្សេងៗ ដោយមិនចាំបាច់ចុងអេក្រង់ឱ្យភ្លឺឡើយ។
សមត្ថភាពម៉ាស៊ីន៖ សម្រាប់ម៉ូដែលនេះ LG បំពាក់ត្រឹមបន្ទះឈីប Snapdragon 821 ប៉ុណ្ណោះ ដែលវាហាក់ដុចជាទាបជាងបន្តិចរវាងគូប្រកួតប្រជែងរបស់វាដែលប្រើដល់ទៅ Snapdragon 835 ប៉ុន្តែវាក៏មិនចោទជាបញ្ហាអ្វីធំដុំដែរ។ តាមការបញ្ជាក់ពីក្រុមហ៊ុន LG ទូរស័ព្ទ G6 អាចដំណើរការកម្មវិធី និងហ្គេមធំៗបានរលូនល្អជាមួយនឹង Ram ទំហំ 4GB និងGPU Adreno 530 និងមានអង្គផ្ទុកទិន្នន័យក្នុងម៉ាស៊ីន 32GB និង 64GB។
G6 ដំណើរការដោយប្រព័ន្ធប្រតិបត្តិការ Android Nougat ជំនាន់ 7.0 ចេញពីប្រអប់ផ្ទាល់តែម្ដង ស្រោបឡើងដោយ UI ថ្មីរបស់ LG ខុសប្លែកពី UI ផ្សេងៗទៀត ហើយមានថាមពលថ្មកាន់តែប្រសើរជាងមុន ខណៈក្រុមហ៊ុនបានបង្កើនសមត្ថភាពថ្មដល់ទំហំ 3300mAh រួមនឹងការសាកថ្មកម្រិតលឿនលើបច្ចេកវិទ្យា QuickCharge 3.0 ដែលអាចបញ្ជូលថ្មពេញបានរយៈពេល 96 នាទី ហើយវាអាចបញ្ចូលថ្មបាន 50% ដោយចំណាយពេលត្រឹមតែ 32 នាទីប៉ុណ្ណោះ។
ក្នុងនោះ LG G6 នៅមានចំណុចថ្មីមួយទៀត គឺមុខងារការពារការជ្រាបទឹក ខុសប្លែកពីរៀមច្បងមុនៗ ដែល LG មួយនេះអាចការពារធូលីដី និងទឹកបានក្នុងជម្រៅ1.5ម៉ែត្រក្នុងរយៈ30នាទីដោយគ្មានបញ្ហា ដែលនេះមានន័យថា អ្នកនឹងគ្មានក្ដីបារម្ភសោះឡើយ ទោះពេលមេឃភ្លៀង និងពេលចូលថតរូបក្នុងហាងហែលទឹកជាដើម។
ទាំងអស់នេះ គ្រាន់តែជាលក្ខណសម្បត្តិល្អៗមួយចំនួនរបស់ស្មាតហ្វូននេះប៉ុណ្ណោះ នៅមានចំណុចពិសេសជាច្រើនទៀតដែល G6 មាន ដែលក្រុមការងារយើងនឹងជម្រាបជូននៅពេលក្រោយៗទៀត៕
July 4, 2017
LG ចេញទូរស័ព្ទ G6 Plus មានទំហំផ្ទុកធំ និងប្រព័ន្ធសំឡេងថ្មី
ព័ត៌មានស្ដីពីការបង្ហាញទូរស័ព្ទត្រកូល G ថ្មី របស់ក្រុមហ៊ុន LG បានក្លាយជាការពិតហើយ បន្ទាប់ពីបណ្តាញសារព័ត៌មានកូរ៉េមួយ បានចុះផ្សាយថា LG នឹងដាក់បង្ហាញម៉ូដែលស្មាតហ្វូនចំនួន 2 ប្រភេទ LG G6 Plus និង LG G6 Pro ដែលមានលក្ខណៈសម្បត្តិខ្លាំងជាងមុន និងទំនើបជាងមុននោះកាលពីដើមខែមិថុនា។
ក្នុងចំណោមផលិតផលទាំង 2 ទូរស័ព្ទ LG G6 Plus បានបង្ហាញខ្លួនរួចហើយ នៅសល់តែ G6 Pro ប៉ុណ្ណោះដែលក្រុមហ៊ុននឹងបញ្ចេញនៅពេលខ្លីខាងមុខ។ សម្រាប់ G6 Plus ត្រូវបានក្រុមហ៊ុនបង្កើតឡើងដោយនៅរក្សារូបរាងដដែល ប៉ុន្តែបន្ថែមលក្ខណៈសម្បត្តិខ្ពស់ជាងមុន ដោយពង្រីកនូវទំហំផ្ទុកដល់ 128GB និងមានបំពាក់នូវប្រព័ន្ធសំឡេងថ្មីដែលអាចបញ្ចេញសំឡេងយ៉ាងពីរោះរណំ្តមកពីក្រុមហ៊ុនបច្ចេកវិទ្យា B&O PLAY ហើយក៏មានបច្ចេកវិទ្យាសាកបញ្ចូលថ្មឥតខ្សែ Wireless Charging (តាមតំបន់មួយចំនួន) ហើយវាក៏មានមុខងារ Face Print, Low Power Consumption និង Covered Lens warning ជាដើមទៀតផង។
សម្រាប់មុខងារ Face Print ទូរស័ព្ទ G6 Plus បានប្រើប្រាស់នូវប្រព័ន្ធស្គែនផ្ទៃមុខ (Facial Recognition) ដើម្បីអនុញ្ញាតឱ្យអ្នកប្រើប្រាស់អាចធ្វើការដោះសោទូរស័ព្ទដោយប្រើពេលមិនដល់1 វិនាទីផង។ ចំពោះកម្លាំងម៉ាស៊ីនរបស់វា គឺមិនខុសគ្នាពី LG G6 ធម្មតានោះទេ។
ស្មាតហ្វូននេះមានជម្រើសពណ៌ចំនួន 3 ដូចជា ពណ៌ខ្មៅ (Optical Astro Black) ពណ៌ទឹកសមុទ្រ (Optical Marine Blue) និងពណ៌ទឹកមាស (Optical Terra Gold) ។
សរុបមកសម្រាប់ LG G6 Plus នេះ លើសតែត្រង់មានពណ៌ថ្មី, អង្គផ្ទុកទិន្នន័យ 128GB និងប្រព័ន្ធសំឡេងថ្មីប៉ុណ្ណោះ ហើយចំពោះតម្លៃក្រុមហ៊ុននៅមិនទាន់បានបញ្ជាក់នៅឡើយទេ ហើយវានឹងចាប់ផ្តើមមានដាក់លក់នៅដើមខែកក្កដាខាងមុខនេះ៕
June 21, 2017
LG នឹងបង្ហាញស្មាតហ្វូនថ្មីស្ទើរគ្មានគែម និងថ្មមានថាមពលខ្លាំង
ក្រោយដាក់ចេញនូវទូរស័ព្ទ LG G6 ជាមួយការប្រើប្រាស់នូវបន្ទះឈីប Snapdragon 821 និងជាស្មាតហ្វូនដែលស្ទើរតែគ្មានគែមជាលើកដំបូងហើយនោះ ថ្មីៗនេះមានលេចឮដំណឹងមកថា ក្រុមហ៊ុននឹងត្រៀមបង្ហាញខ្លួនស្មាតហ្វូនថ្មីមួយទៀតដែលមានរាងកាន់តែស្រស់ស្អាត ហើយមានការរចនាផ្ទៃខាងមុខស្ទើរតែគ្មានសល់គែម និងមានថាមពលថ្មធំខ្លាំងរហូតដល់ទៅ 5500 mAh។
តាមប្រភពដែលបានចុះផ្សាយ បានឱ្យដឹងថា ក្រុមហ៊ុន LG នឹងធ្វើឱ្យអ្នកគាំទ្រមានការភ្ញាក់ផ្អើលជាមួយនឹងស្មាតហ្វូនស៊េរីថ្មី ដែលវានឹងក្លាយជាស្មាតហ្វូនដ៏អស្ចារ្យបំផុតសម្រាប់ឆ្នាំ 2017នេះ និងក៏ជាស្មាតហ្វូនដំបូងរបស់ខ្លួនដែលប្រើបន្ទះឈីប Snapdragon 835។ ទូរស័ព្ទថ្មីនោះ ត្រូវបានគេបង្ហើបឱ្យដឹងថាជា LG V30 ត្រូវបានរចនាឡើងដោយក្រុម DBS Designing ដែលមានរាងលំនាំដូច LG G6 ប៉ុន្តែវាមានទំហំអេក្រង់លាតសន្ធឹងពេញផ្ទៃខាងមុខនៅសល់គែមកាន់តែស្តើងបំផុត ដូចនឹង Galaxy S8 ដែរ។
ទូរស័ព្ទ V30 នឹងត្រូវបំពាក់ជាមួយនឹងអេក្រង់ទំហំ 5.8 អ៊ីញ ប្រភេទ OLED Display មាន Aspect ratio 18:9 កម្រិតបង្ហាញ QHD ហើយនៅតែរក្សាកូនអេក្រង់តូចមួយនៅផ្នែកខាងលើដដែល។ ក្នុងនោះ វានឹងបំពាក់នូវកាមេរ៉ាភ្លោះ ដោយខាងក្រោយអាចមានទំហំ 13MP ហើយខាងមុខមានទំហំ 8.0MP ហើយមាន Ram ទំហំ 6GB ជាមួយអង្គផ្ទុកទិន្នន័យក្នុងម៉ាស៊ីនស្រាប់ 128GB។ LG V30 នឹងភ្ជាប់មកជាមួយនូវប្រព័ន្ធប្រតិបត្តិការ Android O ជាមួយមុខងារ Daydream និងបច្ចេកវិទ្យាការពារជ្រាបទឹកផងដែរ។ យ៉ាងណាមិញ ព័ត៌មាននេះ នៅមិនទាន់ដឹងថ្ងៃច្បាស់លាស់នៅឡើយទេ ប៉ុន្តែក៏នៅមិនយូរទៀតដែរ៕
May 31, 2017
ស្គាល់ពីសមត្ថភាពកាមេរ៉ាទូរស័ព្ទ K10 របស់ LG
កាលពីដើមខែឧសភា ឆ្នាំ 2017 ស្មាតហ្វូន LG K10 បានបង្ហាញខ្លួនហើយក្នុងទីផ្សារកម្ពុជា ក្រោមការនាំចូល និងចែកចាយដោយក្រុមហ៊ុន G Gear។ ជាមួយនឹងវត្តមានស្មាតហ្វូនថ្នាក់កណ្ដាលមួយនេះ តើប្រិយមិត្តបានដឹងអ្វីខ្លះ ពីសមត្ថភាពដំណើរការ និងមុខងារថតរូបរបស់វា?
ទូរស័ព្ទ K10 ជាស៊េរីថ្មីមានរាងស្រស់ស្អាតរចនាឡើងប្រកបដោយភាពទាន់សម័យ និងស៊ីវិល័យ កាន់តែពិសេសទៀតនោះគឺវាមានកាមេរ៉ាមុខដែលអាចថតរូបបាន 120 ដឺក្រេ ខុសពីកាមេរ៉ាទូរស័ព្ទផ្សេងៗទៀត។ សមត្ថភាពមួយនេះ អនុញ្ញាតឱ្យអ្នកប្រើប្រាស់អាចថតរូបបានជាក្រុមដោយគ្មានបញ្ហា ជាមួយនឹងការចាប់រូបផ្ទៃខាងក្រោយបានធំស្រឡះ និងស្រស់ស្អាត មុខងារនេះវានឹងបង្ហាញឱ្យយើងឃើញស្រាប់នៅលើកញ្ចក់អេក្រង់ដោយយើងគ្រាន់តែចុចលើកាមេរ៉ាមុខវានឹងបង្ហាញឱ្យយើងជ្រើសរើសជាការស្រេច។
LG K10 បំពាក់មកជាមួយអង្គគណនា 8 ប្រភេទ Octa-Core Processor ល្បឿន 1.5GHz ហើយមាន RAM 2 GB រួមនឹងទំហំផ្ទុក 16 GB ហើយអាចដាក់បន្ថែម MicroSD ដល់ 256 GB។ LG K10 មានអេក្រង់ប្រភេទIPS ទំហំ 5.3 អ៊ិង ផ្ទៃអេក្រង់មានលក្ខណៈកោង 2.5D អាចបង្ហាញចេញនូវកម្រិតរូបភាពបានកម្រិត HD និងមានកាមេរ៉ាមានទំហំ 13 MP មានបច្ចេកវិទ្យា Autofocus ហើយមានកាមេរ៉ាSelfie ទំហំ5 MP ដែលអាចថតរូបភាពបានរហូតដល់ 120 ដឺក្រេ ជាមួយបច្ចេកវិទ្យា Wide Angle Selfie Camera។ ក្នុងនោះវាមានទំហំថ្ម 2800 mAh និងអាចប្រើជាមួយស៊ីម 4G ដែលមានល្បឿនលឿនគួរជាទីពេញចិត្ត៕
វីដេអូពីកាមេរ៉មុខ៖ https://youtu.be/eS1RYdgudYc
វីដេអូទូទៅ៖ https://youtu.be/C-h3JicfMlY
May 24, 2017
បច្ចេកវិទ្យាពិសេសទាំង 4 របស់ម៉ាស៊ីនបោកខោអាវ LG ដែលអ្នកគួរស្វែងយល់
ការសម្រេចចិត្តទិញឧបករណ៍អេឡិចត្រូនិកម៉ូដែលណាមួយយកមកប្រើប្រាស់ យើងតែងសម្លឹងមើលពីលក្ខណៈសម្បត្តិ និងសមត្ថភាពដែលវាអាចធ្វើបាន។ ជាអាទិ៍ការជ្រើសរើសម៉ាស៊ីនបោកខោអាវសម្រាប់ប្រើក្នុងគ្រួសារក៏ដូចគ្នាដែរ ក្រៅពីរូបរាង ទំហំ តម្លៃ សមត្ថភាព រួមទាំងបច្ចេកវិទ្យារបស់ម៉ាស៊ីនបោកគក់ហើយ លោកអ្នកក៏គួរតែយកចិត្តទុកដាក់លើលក្ខណៈពិសេសរបស់វាផងដែរមុននឹងសម្រេចចិត្តទិញ។
យ៉ាងណាមិញថ្ងៃនេះគេហទំព័រ ឡារ៉ែន សូមលើកយកនូវលក្ខណៈពិសេសចំនួន 6 យ៉ាងដែលបំពាក់លើម៉ាស៊ីនបោកគក់របស់ក្រុមហ៊ុន LG មកជម្រាបជូន ខណៈដែលផលិតផលមកពីក្រុមហ៊ុនមួយនេះបានទទួលចំណាត់ថ្នាក់លេខ 1 ក្នុងរយៈពេល 12 ឆ្នាំជាប់ៗគ្នា និងបានទទួលរង្វាន់ពីផ្នែកបោកគក់ដែលមានការគ្រាំទ្រច្រើនបំផុត 4 ឆ្នាំជាប់គ្នាលើការធ្វើការបានលឿនរហ័ស ចំណាយពេលវេលាខ្លី ព្រមទាំងការលាងជម្រះសម្លៀកបំពាក់បានស្អាតល្អ និងមិនធ្វើឱ្យខូចសាច់ក្រណាត់ទៀតផង។
ខាងក្រោមនេះ គឺជាបច្ចេកវិទ្យាទំនើបៗទាំង 4 ដែលម៉ាស៊ីនបោកខោអាវ LG បានបំពាក់មកជាមួយ៖
1 . LG Turbo Shot ជាបច្ចេកវិទ្យាថ្មីមានប្រសិទ្ធភាពខ្ពស់ក្នុងការបោកគក់សម្លៀកបំពាក់បានស្អាតល្អជាងគេ ហើយមិនធ្វើឱ្យខូចសាច់ក្រណាត់ និងមានម៉ូទ័របងើ្កនល្បឿនបង្វិលធុងបានកាន់តែលឿន ថាមពលរលកទឹកកាន់តែខ្លាំងក្នុងការបោកជម្រះក្អែល និងសម្អាតជាតិសាប៊ូ មិនធ្វើឱ្យធុងកាន់ក្អែល និងថែមទាំងជួយបន្ថែមទឹកលាងជម្រះខោអាវទោះបីជាលោកអ្នកប្រើសាប៊ូច្រើនក៏ដោយ។
2 . 6 Motion Direct Drive វាជាប្រព័ន្ធបោកគក់ 6 ចលនា បោកស្អាតដូចបោកដោយដៃ សម្អាតក្អែលដែលជាប់សិ្អតនៅក្នុងក្រណាត់បានស្អាតល្អ ម៉ាស៊ីនបោកគក់វិលឆ្លាស់គ្នាបានយ៉ាងឆាប់រហ័ស និងធ្វើការបោកគក់ក្រណាត់ថ្មមៗ ហើយបន្ថែមកម្លាំងបោកគក់ធ្វើឱ្យក្រណាត់ធ្លាក់ចុះទៅខាងក្រាមធុងបោកគក់ដើម្បីបន្ថែមការប៉ះគ្នារវាងក្រណាត់នឹងធុងបោកគក់បានកាន់តែស្អាតល្អ មិនធ្វើឱ្យខូចសាច់ក្រណាត់ ហើយលាងជម្រះសាប៊ូបានស្អាតល្អ និងមិនមានភាពជំពាក់គ្នារវាងសាច់ក្រណាត់។
3 . Tub Clean ជាមុខងារថែទាំអនាម័យក្នុងការសម្អាតកែ្អល និងក្លិនដែលជាប់នូវក្នុងធុងបោកគក់ ប្រព័ន្ធទឹកវិលកួចនៅក្នុងធុងធ្វើឱ្យភាពកខ្វក់រត់ទៅតាមរន្ធដែលនៅកៀនៗធុង ហើយធ្លាក់ចូលទៅក្នុងរន្ធតូចៗនៅខាងក្រោមធុង ធ្វើឱ្យភាពកខ្វក់ត្រូវបានសម្អាត និងកម្ចាត់ចេញនៅពេលដែលយើងបង្ហូរទឹកចេញ វាមានភាពងាយស្រួលដល់លោកអ្នកដែលមិនចាំបាច់លាងសម្អាតធុងដោយខ្លួនឯង គ្រាន់តែចុចលើកម្មវិធី Tub Clean វានឹងដំណើរការដោយខ្លួនឯងជាការស្រេច។
4 . Inverter Direct Drive ជាមុខងារសន្សំសំចៃអគ្គីសនីបានច្រើន មានម៉ូទ័រដែលផ្ដល់សំឡេងស្ងាត់ល្អ មានភាពរំញ័រតិចបំផុត ធន់រឹងមាំ ជាមួយការធានាទៅលើដុំម៉ូទ័ររយះពេល 10 ឆ្នាំទៀតផង៕
May 24, 2017
ហេតុអ្វីបានជាអ្នកចាំបាច់ជ្រើលរើសប្រើប្រាស់ ម៉ាស៊ីនត្រជាក់ LG??
មុននឹងអ្នកសម្រេចចិត្តទិញសម្ភារៈប្រើប្រាស់ក្នុងគេហដ្ឋាន អ្នកពិតជាត្រូវគិតថា របស់ទាំងអស់នោះពិតមានជាគុណភាពល្អ និងអាយុកាលនៃការប្រើប្រាស់បានយូរប៉ុនណា? ហើយប្រសិនបើអ្នកជ្រើសរើសខុស អ្នកពិតជាមានផលវិបាកជាច្រើន។
ម៉ាស៊ីនត្រជាក់ LG ត្រូវបានផលិតឡើងដើម្បីផ្គត់ផ្គង់ និងបំពេញតម្រូវការដល់អ្នកប្រើប្រាស់ ជាពិសេសគិតពីផាសុកភាព និងមានមុខងាជាច្រើនដែលផ្ដល់អត្ថប្រយោជន៍ ក្នុងការប្រើប្រាស់។ ម៉ាស៊ីនត្រជាក់ LG បានភ្ជាប់មកជាមួយបច្ចេកវិទ្យា LG Smart Inverter ស៊ីភ្លើងតិច ព្រមទាំងជួយសន្សំសំចៃអគ្គិសនីរហូតដល់ 65% ប្រៀបបីដូចជាជួយសន្សំប្រាក់បានដ៏ច្រើន ដោយអ្នកមិនដឹងខ្លួន។ រួមជាមួយសំឡេងដ៏ស្ងាត់ ដែលមិនធ្វើឲ្យមានការប៉ះពាល់ដល់ដំណេករបស់លោកអ្នក រឹតតែពិសេសនោះគឺជួយឲ្យឆាប់ត្រជាក់ជាងពេលដែលយើងបើកម៉ាស៊ីនត្រជាក់ធម្មតារហូតដ៏ 30% ។
មុខងារ Plasmaster lonizer plus ដែលជួយសម្លាប់មេរោគ និងបាក់តេរីព្រមទាំងជួយបំបាត់ក្លិនមិនល្អរហូតដល់ 99.9 %។ ជាទូទៅគេហដ្ឋានរបស់អ្នកតែងតែមានបាក់តេរី និង មេរោគតូចៗ រាប់លានដែលអាចបង្កគ្រោះថ្នាក់នឹងប៉ះពាស់ដល់សុខភាពយ៉ាងធ្ងន់ធ្ងរដល់អ្នក និងគ្រួសារ។ បច្ចេកវិទ្យា Plasmaster lonizer plus ប្រើប្រាស់ជាង 3 លានអ៊ីយ៉ុង ដែលជួយកាត់បន្ថយនូវបាក់តេរីភាគលិ្អតដែលអាចបង្កគ្រោះថ្នាក់ដោយការបញ្ចេញជាង 3លានអ៊ីយ៉ូដទៅក្នុងបរិយាកាល ។
តើអ្វីទៅជាប្រព័ន្ធ Plasmaster Skin Care? បរិយាកាលដែលស្ងួតអាចបំផ្លាញស្បែកប្រព័ន្ធ Plasmaster Skin Care បានបព្ចោញជាតិអ៊ីយ៉ូដទៅក្នុងបរិយាកាល ដែលវាបានជួយបំប្លែងទៅជាជាតិទឹកដែលស្បែកត្រូវការស្រូបយក និងធ្វើឲ្យស្បែកស្រស់ថ្លា ព្រមទាំងធ្វើឲ្យមានអារម្មណ៍ថាស្បែកមានសំណើម ។ អ៊ីយ៉ូដដែលអាចថែរក្សាស្បែកគឺជាតិអ៊ីយ៉ូដ ដែលបព្ចោញដោយ Plasmaster បានចូលផ្សំជាមួយនឹងម៉ូលេគុលទឹកនៅក្នុងខ្យល់ដើម្បីបង្ដើតបានជាគ្រាប់ដំណក់ទឹកដ៏តូចៗបំផុតដែលអាចជ្រាបចូលទៅក្នុងស្បែកដើម្បីរក្សាស្បែកនឹងធ្វើឲ្យស្បែកមាន សំណើម ។
មុខងារ Plasmaster TM Auto Cleaning ជាមុខងារសម្លាប់មេរោគ និង បាក់តេរីដោយស្វ័យប្រវតិ្ត ។ បញ្ហមេរោគ និង បាក់តេរី តែងតែកើតឡើងជាបញ្ហចម្បង ព្រោះរាល់ពេលដែលលោកអ្នកប្រើប្រាស់ម៉ាស៊ីនត្រជាក់កាន់តែយូរ ម៉ាស៊ីនត្រជាក់ពិតជា មានបាក់តេរី និង ផ្សិត រីកលូតលាល់នៅពេលមានការផ្ទាស់ប្ដូរកម្ដៅរបស់ម៉ាស៊ីនត្រជាក់។ ដូច្នេះហើយទើបមុខងារ Plasmaster TM Auto Cleaning ជួយសំអាតតាមរយៈការបញ្ចេញអ៊ីយ៉ូដលាងសំអាតដោយស័្វយប្រវតិ្តអាចរារាំងការកកើតនៃធូលី បាក់តេរី និង ផ្សិតនៅពេលមានកម្ដៅ វាក៏បានផ្ដល់នូវខ្យល់បរិសុទ្ធ និង ប្រកបដោយផាសុកភាព និងបំបាត់នូវភាគលិ្អតដែលអាចបង្កគ្រោះថ្នាក់ដល់សុខភាព។
ទំាងអស់នេះគឺជាចំណុចពិសេសៗ និងបច្ចេកវិទ្យារបស់ម៉ាស៊ីនត្រជាក់ LG ដែលអ្នកគួរតែជ្រើសរើសសម្រាប់ការប្រើប្រាស់នៅក្នុងផ្ទះ និងក្រុមគ្រួសាររបស់លោកអ្នក។
LG BrandShop មានការដាក់តាំងបង្ហាញផលិតផលម៉ាស៊ីនត្រជាក់គ្រប់ម៉ូដែលដែលលោកអ្នកចង់បាន ហើយលោកអ្នកក៏អាចទទួលបានការពិក្សាអំពីការប្រើប្រាស់ម៉ាស៊ីនត្រជាក់ទៅតាមទីតាំង ទំហំបន្ទប់ ឬ គេហដ្ឋានរបស់លោកអ្នក៕
ទំនាក់ទំនងបន្ថែម 023 888 199/ 023 222699
May 12, 2017
LG សម្ពោធលក់ស្មាតហ្វូនស៊េរី K ឆ្នាំ 2017 ពីរម៉ូឌែលនៅកម្ពុជា
ក្រោយទទួលបានការគាំទ្រច្រើនសន្ធឹកលើស្មាតហ្វូនត្រកូល K កាលពីឆ្នាំទៅ ក្រុមហ៊ុន G Gear ដែលជាក្រុមហ៊ុនចែកចាយផ្តាច់មុខទូរសព្ទម៉ាក LG បានធ្វើការសម្ពោធលក់ជាផ្លូវការនូវស្មាតហ្វូន LG K10 និង LG K8 ស៊េរីឆ្នាំ 2017 ជាមួយនឹងរូបរាងប្លែក សមត្ថភាពដំណើរការរលូនល្អ តម្លៃសមរម្យ។
កម្មវិធីសម្ពោធនោះត្រូវបានធ្វើឡើងដោយមានការសហការជាមួយនឹងក្រុមហ៊ុន Cellcard ក្នុងការដាក់ចេញស្មាតហ្វូនតម្លៃធូរថ្លៃ សមត្ថភាពអាចដំណើរការកម្មវិធីបានល្អ ព្រមជាមួយនឹងការថែមជូនស្រោមទូរសព្ទ ផ្លាសិ្ទកការពារអេក្រង់ ស៊ីមលេខពិសេស អ៊ីនធើណិត 48 GB ដោយឥតគិតថ្លៃសម្រាប់រយៈពេល 6 ខែ។
អ្នកតំណាងក្រុមហ៊ុន G Gear លោក Meach Sambath បានឱ្យដឹងថា ការនាំយកស្មាតហ្វូនត្រកូល K ឆ្នាំ 2017 នេះ ដើម្បីឆ្លើយតបនឹងតម្រូវការរបស់អតិថិជន ដែលមានកើនឡើងជារៀងរាល់ថ្ងៃ ខណៈវាទាំង 2 ជាទូរសព្ទស្មាតហ្វូនជំនាន់ថ្មី 2017 ដែលត្រូវបានក្រុមហ៊ុន LG រចនាឡើងជាពិសសេ និងមានតម្លៃសមរម្យ។
លោកបន្តថា LG K10 2017 គឺជាស្មាតហ្វូនដែលមានរាងស្ដើង និងមានភាពទាក់ទាញត្រូវបានបំពាក់មកជាមួយអង្គគណនា 8 ប្រភេទ Octa-Core Processor ល្បឿន 1.5GHz ហើយមាន RAM 2 GB រួមនឹងទំហំផ្ទុក 16 GB ហើយអាចដាក់បន្ថែម MicroSD ដល់ 256 GB។ LG K10 មានអេក្រង់ប្រភេទ IPS ទំហំ 5.3 អ៊ីញ ផ្ទៃអេក្រង់មានលក្ខណៈកោង 2.5D អាចបង្ហាញចេញនូវកម្រិតរូបភាពបានកម្រិត HD និងមានកាមេរ៉ាទំហំ 13 MP មានបច្ចេកវិទ្យា Autofocus ហើយមានកាមេរ៉ា Selfie ទំហំ 5 MP ដែលអាចថតរូបភាពបានរហូតដល់120 ឌឺក្រេ ជាមួយបច្ចេកវិជ្ជា Wide Angle Selfie Camera ។ ក្នុងនោះវាមានទំហំថ្ម 2,800mAh និងអាចប្រើជាមួយស៊ីម 4G ដែលមានល្បឿនលឿនគួរជាទីពេញចិត្ត។
ដោយឡែកសម្រាប់ស្មាតហ្វូន LG K8 មានរូបរាងមិនចាញ់ K10 ប៉ុន្មានទេ ជាមួយនឹងទំហំ 5.0 អ៊ីញ ភ្ជាប់មកជាមួយអង្គគណនា 4 គ្រាប់ប្រភេទ Quad-Core Processor ល្បឿន 1.25 GHz, RAM 1.5 GB និងមានទំហំផ្ទុកទំហំ 16 GB ហើយអាចដាក់បន្ថែម MicroSD ដល់ 256 GB ដូចគ្នា។
ចំណុចពិសេសមួយទៀតនោះគឺ LG K8 មានកាមេរ៉ាទំហំ 13 MP ប្រើបច្ចេកវិទ្យា Autofocus, កាមេរ៉ាខាងមុខទំហំ 5 MP ដែលអាចថតរូបភាពបានយ៉ាងច្បាស់ ហើយមានថាមពលថ្ម 2500mAh។ ចំពោះតម្លៃទូរ័ព្ទ LG K10 មានតម្លៃប្រមាណ 249 ដុល្លារ ខណៈទូរសព្ទ LG K8 មានតម្លៃ 189 ដុល្លារ៕

May 8, 2017
ទូរទស្សន៍ LG’S HDR UHD TV ជំរុញទៅដោយបច្ចេកវិជ្ជា NETFLIX សម្រាប់បង្កើនបទពិសោធន៍ទិដ្ឋភាពល្អគ្មានគូរប្រៀប
ទូរទស្សន៍សេរ៊ីថ្មីបំផុតរបស់ LG ត្រូវបានរចនានិងឆ្នៃប្រឌិតឡើងជាមួយបច្ចេកវិជ្ជា Netflix។ ការវាយតម្លៃបានទទួលស្គាល់ទូរទស្សន៍របស់ LG ដែលជំរុញទៅដោយបច្ចេកវិជ្ជា Netflix បានផ្តល់នូវការប្រើប្រាស់ដ៏ល្អឥតខ្ចោះនិងបទពិសោធន៏នៃការទស្សនាល្អវិសេសអស្ចារ្យ។
ទូរទស្សន៍របស់ LG បានទទួលជោគជ័យលើដំណើរការវាយតម្លៃយ៉ាងតឹងរឹងលើកត្តាដែលសំខាន់បំផុតសម្រាប់អ្នកប្រើប្រាស់ ដូចជាភាពងាយស្រួលនៃការដំណើរការ និងល្បឿននៃការប្រើប្រាស់ អ្វីដែលពិសេសគឺប្រតិបត្តិការ webOS 3.5 ដែលបំពាក់នៅលើទូរទស្សន៍។ សម្រាប់ពេលដំបូង LG’s 2017 UHDLG UHD បានបំពាក់ ប៊ូតុង Netflix នៅលើតេឡេរបស់វា ដែលអាចធ្វើឱ្យអ្នកប្រើប្រាស់អាចបញ្ជាបើកនៅលើទូរទស្សន៍ និងបើកដំណើរការ Netflix ផងដែរ ជាមួយនឹងការចុចប៊ូតុងតែមួយ។
ទូរទស្សន៍របស់ LG ស៊េរីឆ្នាំ 2017 ត្រូវបានបំពាក់ទៅដោយបច្ចេកវិទ្យា 4K HDR (High Definition Range) អនុញ្ញាតឱ្យ Netflix នៅក្នុង 4K HDR ទៅបង្កើតគុណភាពរូបភាពឱ្យកាន់តែច្បាស់ល្អ និងបន្ថែមនូវពណ៌រូបភាពឱ្យកាន់តែខ្លាំង។ LG បានប្រាកដថាសម្រាប់ឆ្នាំ 2017 ។ ទូរទស្សន៏របស់ LG និងជំរុញយ៉ាងពេញទំហឹងជាមួយនឹង HDR ដើម្បីទៅបង្កើតទស្សនីយភាពអោយកាន់តែមានពន្លឺល្អ និងស្រមោលដ៏អស្ចារ្យានៅពេលដំណើរការ HDR រួមទាំង Dolby Vision, HDR10 និង HLG។
លោក Brian Kwon ប្រធានក្រុមហ៊ុន LG Electronics Home Entertainment បានមានប្រសាសន៍ថា: វាមិនមែនជារឿងចម្លែកទេដែលទូរទស្សន៍ស៊េរីឆ្នាំ 2017 របស់យើងត្រូវបានទទួលស្គាល់ថាជាទូរទស្សន៍ Netflix Recommended TVs។ ដោយសារតែការទទួលស្គាល់បែបនេះហើយ ទើបយើងនៅតែបន្តស្វែងរកមធ្យោបាយដើម្បីធ្វើឱ្យទូរទស្សន៍ Smart TV កាន់តែដំណើរការបានលឿនជាងមុន, ងាយស្រួលដំណើរការ 4K HDR និងធ្វើឱ្យអ្នកប្រើប្រាស់កាន់តែទទួលបាននៅបទពិសោធន៍យ៉ាងសប្បាយរីករាយជាមួយការទស្សនា។
បើយោងតាមប្រសាសន៍របស់លោក លោក Scott Mirer អនុប្រធានក្រុមហ៊ុន Device Partner Ecosystem at Netflix បានឱ្យដឹងថា៖ LG បានក្លាយជាក្រុមហ៊ុននាំមុខគេក្នុងការផ្តល់ឱ្យនូវការដំណើរការ Netflix ដ៏ល្អឥតខ្ចោះ។ ទូរទស្សន៍ Netflix Recommended LG’s 2017 និងនៅតែបន្តភាពជាអ្នកដឹកនាំ និងផ្តល់ជូនអតិថិជនជាមួយនឹងបទពិសោធន៍ Netflix កាន់តែល្អប្រសើរជាងមុន។
ផលិតផលថ្មីៗទាំងអស់នេះនឹងមានវត្តមាននៅក្នុង LG BrandShop គ្រប់សាខាទាំងអស់នៅពេលឆាប់ៗនេះ។
LG BrandShop ទំនិញមានគុណភាព តំលៃសមរម្យ សេវាកម្មល្អ
ពត៌មានបន្ថែម 023 222 699/ 023 888 299
April 28, 2017