សេចក្តីស្នេហាត្រូវប្រើពេលវេលាជាគ្រឿងពិសោធន៍ថា តើមនុស្សម្នាក់នោះ គេត្រៀមខ្លួននឹងមើលថែទាំ និងយកចិត្តទុកដាក់លើយើងច្រើន ឬតិចប៉ុនណាទៅ? ព្រោះពេលវេលាចំពោះមនុស្សម្នាក់ៗដែលត្រូវសិក្សាមើលចិត្តមើលថ្លើមគ្នានោះ មិនដូចគ្នា ហើយក៏មិនស្មើគ្នាដែរ ដូច្នេះហើយ តើយើងត្រូវធ្វើយ៉ាងណាទៅ ដើម្បីឱ្យសេចក្តីស្នេហារបស់យើងទាំងពីរនាក់ នៅតែស្រឡាញ់គ្នាដូចពីដើម ដោយគ្មានពេលវេលា ឬភាពចន្លោះប្រហោង ចូលមកធ្វើឱ្យអ្នកទាំងពីរកើតមានជម្លោះឡើងនោះ?
– ធ្វើដូចជាទើបនឹងចាប់ផ្តើមស្គាល់គ្នាថ្មីៗ មិនថាតែអ្នកទើបតែរៀបការជាមួយគ្នាមក 6ខែ ឬ 6ឆ្នាំហើយក៏ដោយ ចូរសាក
ល្បងរកពេលវេលារឹតចំណងអាពាហ៍ពិពាហ៍ ដោយការបន្លំធ្វើហាក់ដូចជាទើបនឹងស្គាល់គ្នាថ្មីៗម្តងទៅមើល៍ ដើម្បីជាការបញ្ជាក់បន្ថែមពីចំណងស្នេហ៍បានយ៉ាងល្អ។
– ខ្សែភាពយន្តស្នេហារ៉ូមែនទិកអាចបំផ្លាញជីវិតស្នេហ៍របស់អ្នកបាន នៅពេលណាដែលអ្នកអារម្មណ៍ថា ជីវិតស្នេហ៍របស់
អ្នកប្រព្រឹត្តទៅមិនដូចនៅក្នុងខ្សែភាពយន្តស្នេហាដែលអ្នកពេញចិត្តនោះ ពេលនោះយើងសូមប្រាប់ថា ជីវិតស្នេហ៍របស់អ្នកចាប់ផ្តើមមានបញ្ហាហើយ។
– ទ្រឹស្តីភាពទាក់ទាញខាងរូបកាយ ឬរូបសម្ផស្សមិនអាចប្រើការបានរហូតនោះទេ ដឹងទេថា ពេលខ្លះការរស់នៅជាមួយមនុស្សដែលមានរូបសម្ផស្សធម្មតាៗ គ្មានអ្វីលេចធ្លោជាពិសេសនោះគឺជា កូនសោរឆ្ពោះទៅរកសម្ព័នភាពដ៏យូរអង្វែង។
– ស្នេហាមួយនេះមិនរាប់អានស្រាទេ ទោះជារស់នៅចូលគ្នាចុះប៉ុនណាក៏ដោយ ព្រោះគូស្នេហ៍ខ្លះចប់កណ្តាលទីដោយសាតែស្រាក៏មាន។
– ចូរប្រើធម៌ត្រជាក់ បើសិននៅសុខៗ ស្រាប់តែស្វាមី ឬភរិយារបស់អ្នកក្តីមួម៉ៅក្រេវក្រោធយ៉ាងខ្លាំង ពេលត្រឡប់មកដល់ផ្ទះនិយាយឡូឡារករឿងឥតឈប់ ជំនួសឱ្យការលេងខ្លាំងៗតបទៅវិញនោះ សូមអ្នកសាកល្បងគិតថា គាត់ច្បាស់ជាមានបញ្ហាពីកន្លែងណាមួយមកហើយបានជាមួម៉ៅក្តៅក្រហាយខ្លាំងបែបនេះ។
– លេងធ្វីតធើរ៍មានកំណត់ ព្រោះតាមរយៈលទ្ធផលរបស់ការពិនិត្យនៅលើមនុស្សជាច្រើនម៉ឺននាក់ បានសង្កេតឃើញថាបណ្តាពួកអ្នកចូលចិត្តលេងធ្វីតធើរ៍ទាំងឡាយ ច្រើនតែមានជីវិតអាពាហ៍ពិពាហ៍មិនស្ថិតស្ថេរយូរអង្វែង។
– ភាពស្មើភាគក្នុងជីវិតគូ ព្រោះពេលនេះនារីៗនិយមមានផ្នត់គំនិតដែលគិតថា បុរស និងស្រ្តីស្មើភាពគ្នា មានសិទ្ធិ និងតួនាទីក្នុងកម្រិតដូចគ្នានោះ កំពុងតែប្រែក្លាយទៅជាភាពរ៉ូមែនទិកថ្មីមួយទៀតដែលនារីយុគសម័យនេះត្រូវការ។
– បញ្ឈប់ទង្វើធ្វើត្រាប់តាមគេ មិនថាដឹងខ្លួន ឬមិនដឹងខ្លួនក៏ដោយ ពេលមនុស្សយើងខ្លះឃើញមិត្តភ័ក្តិជិតស្និទ្ធលែងលះគ្នាជាមួយគូស្នេហ៍នោះ 75% របស់មនុស្សស្រីហ៊ាននឹងពោលពាក្យសុំលែងពីគូស្នេហ៍របស់ខ្លួនដែរ។
– កាន់តែញឹកញាប់ កាន់តែល្អ ជនជាតិអាមេរិកទូទៅច្រើនមានសិច 2 – 3ដងក្នុង 1ខែ តែប្រទេសយើងកុំយកធ្វើជាគំរូអី
ព្រោះរឹតតែមានសិចញឹកញាប់ ជីវិតអាពាហ៍ពិពាហ៍របស់អ្នកនឹងរឹតតែស្អិតល្មួតឡើងយ៉ាងពិតប្រាកដ ជឿចុះ!៕
ចាប់ផ្ដើមចូលសង្គមច្រើនឡើង
Sសាំង មានកូន អាយុ ៦ខួប នាងរៀបរាប់ថា ពីមុននាងមានអាជីពជាអ្នកនិពន្ធឯករាជ្យ មុនពេលមានកូន នាងមាននិស្ស័យខ្ជិលច្រអូសខ្លាំងណាស់ ទើបធ្វើការបែបតាមដំណើរ ត្រេតត្រត ពី ១ថ្ងៃទៅ ១ថ្ងៃ និងតែងតែចុះចាញ់អ្វីៗ ដែលធ្វើញាប់ញ័រអារម្មណ៍ ដែលនៅជុំវិញខ្លួនជានិច្ច។ ឧទាហរណ៍ដូចជា បន្ទាប់ពីអង្គុយធ្វើការ បានមិនយូរប៉ុន្មាន ពេលនាងដឹងខ្លួនឡើង ទើបដឹងថា ខ្លួនឯងមកអង្គុយលេងអ៊ីនធើណិត ឬអង្គុយមើលទូរទស្សន៍បាត់ទៅហើយ ហើយការងារផ្ទះ ក៏ត្រូវត្រាំៗទុកចោលសិន ទុកស្អែកចាំធ្វើ ជារឿយៗទៅ។
Oសាំង មានកូន អាយុ 3ខួប និង 9ខួប នាងរៀបរាប់ថា កាលសម័យនៅជាសិស្ស នាងមាននិស្ស័យភ្លេចនេះ ភ្លេចនោះជាប់ជានិច្ច ដូចជា “អេ៎? យើងដូចជាភ្លេចផ្ញើកិច្ចការផ្ទះឱ្យលោកគ្រូទេដឹង?” ដល់ពេលចាប់ផ្ដើមចូលធ្វើការ ក៏ច្រើនតែភ្លេចជាញឹកញាប់ រឿងកំណត់ពេលផ្ញើកិច្ចការងារដែលមេប្រគល់ឱ្យ ទើបត្រូវហាមាត់សុំពន្យារពេលជាញឹកញាប់ដូចគ្នា។
Hសាំង មានកូន អាយុ 3ខួប នាងរៀបរាប់ថា ការពិតទៅ កាលពីពេលមិនទាន់មានកូន នាងមានអារម្មណ៍ថា មិនចូលចិត្តក្មេងៗសោះតែម្ដង ព្រោះនាងគិតថា ពួកក្មេងៗ ចូលចិត្តតែបើកក្រពះស្រែកយំឮៗ អាត្មានិយមយ៉ាងចេះស្ដាប់អ្នកណា ស្មានពីអារម្មណ៍មិនត្រូវ សូម្បីតែកូនរបស់បងស្រីខ្លួនឯង ដែលជាក្មួយបង្កើត ក៏នាងមានអារម្មណ៍មិនចូលចិត្តដែរ។
