Tag: សុខភាព

ឯកអគ្គរាជទូតរងនៃប្រទេសអង់គ្លេស បានបាត់បង់ជីវិតហើយ ដោយសារតែឆ្លង COVID-19
ឯកអគ្គរាជទូតរងនៃប្រទេសអង់គ្លេសប្រចាំនៅប្រទេសហុងគ្រី លោក Steven Dick អាយុ37ឆ្នាំ បានបាត់បង់ជីវិតបន្ទាប់ពីបានឆ្លងវីរុសCOVID-19។
យោងតាមសេចក្ដីប្រកាសរបស់ក្រសួងការបរទេសអង់គ្លេស ឯកអគ្គរាជទូតអង់គ្លេស លោក Steven Dick បានស្លាប់នៅក្នុងប្រទេសហុងគ្រី កាលពីថ្ងៃទី24មីនាកន្លងទៅ។ “ខ្ញុំពិតជាសោកស្ដាយខ្លាំងណាស់ ចំពោះការស្លាប់របស់លោក Steven” នេះជាប្រសាសន៍របស់លោក Dominic Raab រដ្ឋលេខាធិការក្រសួងការបរទេសអង់គ្លេស។
Dominic Raab ថ្លែងថា “Steven គឺជាអ្នកការទូតដែលចេះស៊ូទ្រាំនឹងការងារ និងតំណាងឱ្យប្រទេសទាំងមូល ដោយមានសមត្ថភាព និងស្រឡាញ់ការងារយ៉ាងអស្ចារ្យមួយរូប”។ លោក Dick បានទទួលតំណែងជាឯកអគ្គរាជទូតរងចាប់ពីខែធ្នូ ឆ្នាំ2019។
ការបាត់បង់ជីវិតរបស់ឯកអគ្គរាជទូតរងអង់គ្លេសនៅរដ្ឋធានី Budapest បានធ្វើឱ្យចំនួនអ្នកស្លាប់ដោយសារ COVID-19 នៅហុងគ្រី សរុបឡើងដល់10នាក់។ នេះបើតាមទិន្នន័យផ្លូវការរបស់ប្រទេសហុងគ្រីកាលពីថ្ងៃដែលលោក Dick បានស្លាប់។ ក៏ប៉ុន្តែ ភាគីខាងប្រទេសហុងគ្រីបានឱ្យដឹងថា មានពលរដ្ឋអង់គ្លេសតែម្នាក់គត់ ដែលបានស្លាប់ដោយសារវីរុសកូរ៉ូណានេះ។ បច្ចុប្បន្ន មិនទាន់ដឹងថាលោក Dick មានជំងឺប្រចាំកាយផ្សេងក្រៅពី COVID-19 ដែរឬអត់នៅឡើយ។
COVID-19 បានបង្ហាញខ្លួននៅក្នុងប្រទេស និងដែនដីចំនួន198 នៅទូទាំងពិភពលោក ក្រោយពីបានឆ្លងរាលដាលខ្លាំងនៅប្រទេសចិនកាលពីខែធ្នូ ឆ្នាំ2019 បណ្ដាលឱ្យមនុស្សប្រមាណជា 471,468នាក់បានឆ្លងមេរោគ ក្នុងនោះមាន21,295នាក់បានស្លាប់ និងជាង14,790នាក់កំពុងប្រឈមនឹងការស្លាប់។ អ្នកជំងឺដែលបានជាសះស្បើយមានចំនួន114,640នាក់៕
ប្រភព៖ សារព័ត៌មានបរទេស
March 26, 2020
“វីរុស ឆ្លងគ្មានព្រំដែនទេ ដូច្នេះត្រូវរួមដៃគ្នា ទើបឆ្លងផុតឧបសគ្គនេះបាន” លោក ស៊ី ជីនភីង ទូរស័ព្ទពិភាក្សាជាមួយមេដឹកនាំទូទាំងពិភពលោក
មេរោគវីរុស បានបង្ហាញឱ្យពិភពលោកដឹងថា គ្មានព្រំដែន ឬបែងចែកជាតិសាសន៍ណាមួយឡើយ ហើយមានតែការធ្វើការរួមគ្នាប៉ុណ្ណោះ ទើបមនុស្សជាតិ អាចយកឈ្នះក្នុងការប្រយុទ្ធនឹងមេរោគវីរុសដែលកំពុងតែរាតត្បាតយ៉ាងខ្លាំងនេះបាន។
ចិនរួមដៃជាមួយអង់គ្លេស
លោក ស៊ី ជីនភីង ប្រធានាធិបតីនៃប្រទេសចិន បានថ្លែងនៅក្នុងកិច្ចសន្ទនាតាមទូរស័ព្ទជាមួយលោកនាយករដ្ឋមន្ត្រីអង់គ្លេស បូរីស ចនសុន កាលពីថ្ងៃចន្ទ កន្លងទៅថា ចិនត្រៀមជាស្រេចក្នុងការគាំទ្រ និងជួយសហរាជអាណាចក្រ។ លោកប្រធានាធិបតី ស៊ី បានបន្ថែមថា លោកជឿជាក់ថា អង់គ្លេសនឹងទទួលបានជោគជ័យលើការឆ្លងរាតត្បាតរបស់មេរោគ ក្រោមការដឹកនាំរបស់លោក ចនសុន។
ចំណែកលោកនាយករដ្ឋមន្ត្រី ចនសុន បានស្វាគមន៍ និងអបអរសាទរចំពោះរដ្ឋាភិបាលចិន និងប្រជាជនចិន ចំពោះភាពជោគជ័យក្នុងការការពារ និងគ្រប់គ្រងជំងឺរាតត្បាត ដែលបានប្រើការព្យាយាមយ៉ាងខ្លាំងក្លា និងការលះបង់យ៉ាងមហាសាល។
នាពេលបច្ចុប្បន្ន ស្ថានការណ៍COVID-19 នៅក្នុងសហរាជអាណាចក្រ បានក្លាយជារឿងដែលគួរឱ្យវិតក្កកង្វល់យ៉ាងខ្លាំង។ លោកបន្ថែមថា៖ “សហរាជអាណាចក្រ កំពុងសិក្សា និងរៀនយល់ដឹងពីបទពិសោធដ៏មានប្រយោជន៍របស់ចិន និងប្រើវិធានការការពារ និងគ្រប់គ្រងខាងវិទ្យាសាស្ត្រ និងមានប្រសិទ្ធភាព”។
លោក ចនសុន បានបន្តថា៖ “យល់ស្របយ៉ាងខ្លាំងបំផុតជាមួយលោកប្រធានាធិបតី ស៊ី ជីនភីង ថា គ្មានប្រទេសមួយណាតែម្នាក់ឯង អាចការពារខ្លួនឯងពីរោគរាតត្បាតនេះបាន ដោយមិនពង្រឹងការសហការគ្នាជាមួយប្រទេសផ្សេងទៀតនោះទេ” លោក ចនសុនបានបន្ថែមថា “អង់គ្លេសគាំទ្រWHO ក្នុងការមានតួនាទីសំខាន់ និងសង្ឃឹមថា គ្រប់គ្នានឹងពង្រឹងការសហការដែលពាក់ព័ន្ធនៅក្នុងប្រទេស G20 និងក្នុងកម្រិតពហុភាគីឱ្យកាន់តែស៊ីជម្រៅខ្លាំងឡើង”។
ចិនសហការជាមួយបារាំង
លោក ស៊ី ជីនភីង នៅបានទូរស័ព្ទទៅពិភាក្សាជាមួយលោក អេម៉ានូអែល ម៉ាខ្រុង ប្រធានាធិបតីនៃប្រទេសបារាំងផងដែរថា ប្រទេសចិនត្រៀមខ្លួនជានិច្ចក្នុងការធ្វើការរួមជាមួយប្រទេសបារាំង ដើម្បីការសហការដ៏ជិតស្និទ្ធខ្លាំងឡើងក្រោមកម្រិតពហុភាគី និងការគ្រប់គ្រងថែទាំផ្នែកសុខភាពដែលកាន់តែល្អឡើងទូទាំងពិភពលោក។
កាលពីពេលមុននេះ មេដឹកនាំបារាំង បានទូរស័ព្ទពិភាក្សាជាមួយលោក ស៊ី ជីនភីង តាំងពីខែមករា ដោយបានសម្ដែងឱ្យឃើញអំពីភាពជឿជាក់រវាងគ្នា និងគ្នា រវាងប្រធានាធិបតីទាំង2(បារាំង-ចិន)ក្នុងកម្រិតខ្ពស់មួយ។
លោក ម៉ាខ្រុង បានថ្លែងកោតសរសើរយ៉ាងខ្លាំងចំពោះភាពក្លាហានរបស់រដ្ឋាភិបាលចិន និងប្រជាជនចិន ក្នុងការប្រើវិធានការដាច់ខាត និងមានប្រសិទ្ធភាពក្នុងរយៈពេលដ៏ខ្លី។
ចិនសហការជាមួយអេហ្ស៊ីប
លោក ស៊ី ជីនភីង បានទូរស័ព្ទជជែកជាមួយលោក អាប់ឌែល ហ្វាថា អាល់ស៊ីស៊ី មេដឹកនាំនៃប្រទេសអេហ្ស៊ីបថា ចិនគាំទ្រការព្យាយាមក្នុងការការពារ និងគ្រប់គ្រងជំងឺរាតត្បាតរបស់អេហ្ស៊ីប និងអះអាងពីគោលជំហររបស់ចិនក្នុងការធ្វើការរួមជាមួយប្រទេសផ្សេងៗ ដើម្បីលើកកម្ពស់ការសហការរវាងប្រទេសក្នុងការការពារ និងគ្រប់គ្រងការឆ្លងរាលដាលរបស់មេរោគ រួមគ្នាចាត់ការទៅលើមហន្តភ័យឈ្លានពាននេះ។
វេជ្ជភណ្ឌ ដែលចិនបញ្ជូនទៅឱ្យប្រទេសបារាំង បានទៅដល់ព្រលានយន្តហោះ Roissy-Charles de Gaulle ក្នុងទីក្រុងប៉ារីស កាលពីថ្ងៃទី18 មីនា ឆ្នាំ2020
មេដឹកនាំនៃប្រទេសអេហ្ស៊ីប បានថ្លែងដោយសម្ដែងពីអារម្មណ៍អរគុណដែលបានទទួលការគាំទ្រ និងការជួយ សង្គ្រោះអំពីចិន និងជឿជាក់ក្នុងចិត្តថា ជាមួយនឹងការតស៊ូប្រយុទ្ធនឹងគ្រោះភ័យនេះ មិត្តភាពរវាងប្រទេសទាំង2 នឹងបានទទួលការតភ្ជាប់ជាបន្ត៕
ប្រភព៖ សារព័ត៌មានបរទេស
March 26, 2020
ចំនួនអ្នកស្លាប់ដោយសារ COVID-19 នៅអ៊ីតាលីកើនដល់ 7,503នាក់ ចំណែកនៅទូទាំងពិភពលោកកើនលើស 21,000នាក់
ប្រទេសអ៊ីតាលី បានរកឃើញអ្នកស្លាប់ដោយសារ COVID-19 ចំនួន 860នាក់បន្ថែមទៀតនៅក្នុងអំឡុង24ម៉ោងកន្លង នាំឱ្យចំនួនអ្នកស្លាប់ដោយសារមេរោគនេះ កើនដល់7,503នាក់។
នាយកដ្ឋានការពារពលរដ្ឋអ៊ីតាលី (Protezione Civile) កាលពីថ្ងៃទី25មីនាបានឱ្យដឹងថា អ្នកជំងឺចំនួន680នាក់បន្ថែមទៀត បានបាត់បង់ជីវិត។ ចំនួនអ្នកឆ្លងមេរោគ COVID-19 សរុបនៅប្រទេសនេះ មាន 74,386នាក់ ក្នុងនោះមាន7,503នាក់បានបាត់បង់ជីវិត។
ប្រធាននាយកដ្ឋានការពារពលរដ្ឋអ៊ីតាលី លោក Angelo Borrelli មិនមានវត្តមាននៅក្នុងសន្និសីទសារព័ត៌មានកាលពីថ្ងៃទី 25មីនាដូចសព្វមួយដងនោះទេ ព្រោះលោកមានអាការគ្រុនក្ដៅ និងបានធ្វើតេស្តរកមេរោគ COVIVD-19 រួចហើយដែរ។ លោក Angelo Borrelli ធ្លាប់បានថ្លែងកាលពីថ្ងៃទី24មីនាថា តួលេខពិតប្រាកដនៃអ្នកឆ្លងមេរោគ COVID-19 អាចខ្ពស់ជាង10ដង បើធៀបនឹងតួលេខដែលបានប្រកាស ដោយសារតែការធ្វើតេស្តរកមេរោគកូរ៉ូណា នៅប្រទេសនេះ គឺធ្វើឡើងចំពោះតែអ្នកដែលមានរោគសញ្ញាធ្ងន់ធ្ងរតែប៉ុណ្ណោះ។
តំបន់ Lombardy ភាគខាងជើងប្រទេសអ៊ីតាលី គឺជាតំបន់ដែលរងផលប៉ះពាល់ខ្លាំងជាងគេពីរោគរាតត្បាតកូរ៉ូណា។
ប្រទេសអ៊ីតាលីគឺជាសម្បុកមេរោគ COVID-19 ធំជាងគេក្នុងពិភពលោក។ បើធៀបនឹងប្រទេសចិនដែលមានអ្នកស្លាប់ដោយសារវីរុស COVID-19 ចំនួន 3,287នាក់ ប្រទេសអ៊ីតាលីមានច្រើនជាងនេះទ្វេដង។ អត្រាស្លាប់ដោយសារ COVID-19 នៅអ៊ីតាលី គឺប្រមាណជា 9.5% ពោលគឺខ្ពស់ជាងទ្វេដងបើធៀបនឹងមធ្យមភាគទូទាំងពិភពលោក។
បទបញ្ជាហាមធ្វើដំណើរនៅប្រទេសអ៊ីតាលី បានអូសបន្លាយ2សប្ដាហ៍មកហើយ ដោយបទបញ្ជានេះ មិនអនុញ្ញាតឱ្យពលរដ្ឋចេញក្រៅផ្ទះនោះទេ លើកលែងតែត្រូវទៅទិញរបស់របរចាំបាច់ប៉ុណ្ណោះ។ នាយករដ្ឋមន្ត្រី Giuseppe Conte ក៏បានបង្កើនកម្រិតនៃការពិន័យទៅលើអ្នកដែលបានចេញទៅក្រៅផ្ទះ ពី206 EUR (ជាង 220 USD) ឡើងដល់ 3,000 EUR (ជាង 3,200 USD)។
នៅទូទាំងពិភពលោក អ្នកឆ្លងវីរុស COVID-19 សរុប បានកើនដល់ 468,644នាក់ ក្នុងនោះមាន21,191នាក់បាត់បង់ជីវិត និង14,733នាក់កំពុងស្ថិតក្នុងស្ថានភាពគ្រោះថ្នាក់ដល់ជីវិត។ ចំណែកករណីជាសះស្បើយ បានកើនដល់ជាង 114,210នាក់៕
ប្រភព៖ សារព័ត៌មានបរទេស
March 26, 2020
តើ “ម៉ាស់ក្រណាត់” និង “ម៉ាស់មានតម្រង” ការពារមេរោគវីរុសបានល្អទេ? ពេទ្យតៃវ៉ាន់ ឱ្យប្រយ័ត្ន 3ចំណុច…
ម៉ាស់ក្រណាត់ អាចការពារលម្អងទឹកតូចៗបានល្អ សម្រាប់ប្រជាជនដែលមានសុខភាពរឹងមាំ ការស្នាក់នៅក្នុងសភាពបរិស្ថានដែលមានខ្យល់អាកាសបក់ចេញ-ចូល ឬកន្លែងស្រឡះៗ និងការរក្សារយៈចម្ងាយពីគ្នាចាប់ពី 1ម៉ែត្រឡើងទៅ ក៏អាចការពារការឆ្លងមេរោគវីរុសកំណាចនេះបានដែរ។
ខណៈដែល “ម៉ាស់ក្រណាត់” និង “ម៉ាស់មានតម្រង” មានដាក់លក់ពេញទីផ្សារនៅក្នុងប្រទេសតែវ៉ាន់ ជាពិសេសម៉ាស់ធ្វើពីសាច់ក្រណាត់ តើប្រជាជនគួរជ្រើសរើសយ៉ាងណាល្អ?
“ម៉ាស់ក្រណាត់” អាចការពារការឆ្លងមេរោគតាមរយៈលម្អងទឹកល្អិតៗ និងការប៉ះពាល់បានល្អ
លោកវេជ្ជបណ្ឌិត ស៊ូ អ៊ីហ្វឹង ប្រចាំផ្នែកវេជ្ជសាស្ត្រដើមទ្រូង នៃមន្ទីរពេទ្យប្រចាំទីក្រុងតៃប៉ិ បាននិយាយថា ក្នុងលក្ខខណ្ឌដែលមេរោគវីរុសកូវីដ-19 ចម្លងសាយភាយទៅរកមនុស្សតាមរយៈការប៉ះពាល់ជិតស្និទ្ធខាងរាងកាយ និងលម្អងទឹកល្អិតៗជាចម្បងនោះ ការពាក់ម៉ាស់ក្រណាត់ គឺជាវិធីការពារការឆ្លងមេរោគបានល្អ បើនៅមិនទាន់មានការអះអាងច្បាស់លាស់ថា វីរុសកូវីដដែលចម្លងតាមរយៈលម្អងទឹកល្អិតៗ ឬអនុភាគខ្នាតតូចជាង 5មីក្រុងដែលអណ្ដែតនៅក្នុងអាកាសធាតុនោះ។
លោកវេជ្ជបណ្ឌិត ស៊ូ អ៊ីហ្វឹង បានថ្លែងថា លម្អងទឹកល្អិតៗទូទៅមានទំហំ 100មីក្រុង នៅពេលត្រូវព្រួសចេញមក វានឹងធ្លាក់ចុះទៅក្រោម ក្នុងរូបបែបជារាងខ្សែកោងរង្វង់(Parabora) ដូច្នេះ ការរក្សាចម្ងាយពីគ្នា 1-2ម៉ែត្រ គឺមានសុវត្ថិភាពហើយ។ លម្អងទឹកល្អិតៗ នឹងអណ្ដែតមករកផ្ទៃមុខដោយត្រង់ តែការពិតវិញ ឱកាសដែលមេរោគនឹងមកប្រឡាក់ប្រឡូសនៅលើម៉ាស់ មានទាបបំផុត វាច្រើនតែប្រឡាក់ប្រឡូសនៅលើខោអាវ ដៃ និងវត្ថុផ្សេងៗ ធ្វើឱ្យកើតការឆ្លងមេរោគតាមរយៈការប៉ះពាល់ មានភាពអាចទៅរួចខ្ពស់។ ដូច្នេះ ទើបសុំអំពាវនាវដាស់តឿនថា ក្រៅពីការលាងដៃហើយ គួរឧស្សាហ៍ផ្លាស់ប្ដូសម្លៀកបំពាក់ឱ្យបានញឹកញាប់ផង ក្នុង 1ថ្ងៃ ដែលនេះអាចរាប់ថា ជាការការពារដែលសំខាន់មួយដែរ។
ក្រៅពីនេះលោកវេជ្ជបណ្ឌិត ស៊ូ អ៊ីហ្វឹង បានបន្ថែមទៀតថា នៅពេលលម្អងទឹកល្អិតៗត្រូវព្រួសចេញមក រន្ធ(Aperture) របស់វីរុសនឹងបង្រួញខ្លួនតូចខ្លាំង(តូចប្រមាណជា 1មីក្រុង) ហើយបើសិននៅពេលអនាគត មានការពិសោធអះអាងថា វីរុសកូវីដ អាចចម្លងសាយភាយមេរោគតាមរយៈអាកាសធាតុបាននោះ ប្រសិទ្ធភាពក្នុងការការពារមេរោគរបស់ម៉ាស់ក្រណាត់ក៏នឹងថយចុះដែរ។
ម៉ាសអនាម័យមានតម្រង
ម៉ាស់បែបនេះ យ៉ាងតិចត្រូវមាន 3ជាន់ ជិតណែន និងត្រងមេរោគបាក់តេរីបានភាពខុសគ្នារវាង “ម៉ាស់ក្រណាត់” នឹង “ម៉ាស់មានតម្រង” ស្ថិតនៅត្រង់ណា?
ម៉ាស់ក្រណាត់ ដែលមានដាក់លក់នៅក្នុងទីផ្សារ មានច្រើនរូបបែប ភាគច្រើនអាចបោកគក់ និងយកមកប្រើសាឡើងវិញបាន។ បើសម្លឹងមើលក្នុងន័យការការពារមេរោគវិញ ភាពខុសប្លែកគ្នា គឺស្ថិតនៅលើប្រភេទរបស់ក្រណាត់ និងការច្នៃម៉ូដ ដោយ “ម៉ាស់មានតម្រង” នឹងប្រើក្រណាត់ 2បន្ទះ ដេរភ្ជាប់ផ្នែកខាងលើ និងខាងក្រោមជាប់គ្នា ត្រង់ចន្លោះកណ្ដាល មានដាក់បន្ទះតម្រង(ផ្លាស់ប្ដូរបាន) ដែលនឹងជួយពន្យារអាយុការប្រើការរបស់ម៉ាស់។
ក្រៅពីការពាក់ម៉ាស់អនាម័យការពារមេរោគហើយ អ្នកជំនាញការបានដាស់តឿនពីការមើលថែទាំ និងការពារក្នុងការទប់ស្កាត់វីរុសកូរ៉ូណាប្រភេទថ្មីបានយ៉ាងមានប្រសិទ្ធភាព ដូចខាងក្រោមនេះ៖
1-បោកគក់សម្អាតរាល់ថ្ងៃ…ពេទ្យតៃវ៉ាន់បានណែនាំការបោកគក់សម្លៀកបំពាក់ ដោយការចំហុយស្ងួត ហាលសម្ងួត ឬបើមានការបារម្ភ ចូរញែកបោកគក់ម៉ាស់ការពារដោយឡែក និងប្រើសីតុណ្ហភាពយ៉ាងទាបបំផុត 60អង្សាC។
2-បន្ទះតម្រងម៉ាស់ គួរផ្លាស់ប្ដូរឱ្យបានញឹកញាប់។ បើធាតុអាកាសក្ដៅ ឬអ្នកដែលមានញើសចេញច្រើន គួរផ្លាស់ប្ដូរបន្ទះតម្រងឱ្យបានរឹតតែញឹកញាប់ឡើង។
3-ពេលទៅមន្ទីរពេទ្យ ឬកន្លែងដែលមានភាពប្រថុយប្រថានក្នុងការឆ្លងមេរោគខ្ពស់ គួរពាក់ម៉ាស់អនាម័យការពារឱ្យបានជាប់ជានិច្ច៕
ប្រភព៖ សារព័ត៌មានបរទេស
March 26, 2020
COVID-19! ក្រសួងសុខាភិបាលកម្ពុជា បង្កើតគេហទំព័រសម្រាប់ឱ្យពលរដ្ឋតាមដានតួលេខនៃអ្នកជំងឺកូរ៉ូណា…
ដើម្បីឱ្យប្រជាពលរដ្ឋមានភាពងាយស្រួលក្នុងការតាមដានព័ត៌មានទាក់ទិននឹងទិន្នន័យនៃករណីឆ្លង បាត់បង់ជីវិតជាដើម ដោយសារវីរុស COVID-19 ក្រសួងសុខាភិបាល បានបន្ថែមទំព័រថ្មីមួយនៅលើគេហទំព័រនៃក្រសួងនេះ។
នៅពេលដែលស្ថានភាពនៃវិបត្តិសុខភាពដែលបង្កឡើងដោយវីរុសកូរ៉ូណាថ្មី (COVID-19) តម្រូវការនៃការតាមដានព័ត៌មានទាក់ទិននឹងបញ្ហារោគរាតត្បាតនេះ ក៏កាន់តែកើនឡើង ពិសេសគឺដំណឹងស្ដីអំពីតួលេខនៃអ្នកឆ្លងមេរោគ អ្នកស្លាប់ និងអ្នកបានជាសះស្បើយ។
ដើម្បីឆ្លើយតបនឹងតម្រូវការខាងលើនេះ ក្រសួងសុខាភិបាលក៏បានបន្ថែមទំព័រថ្មីមួយទៅក្នុងគេហទំព័រផ្លូវការរបស់ក្រសួង។ នៅពេលចូលទៅកាន់គេហទំព័រ http://cdcmoh.gov.kh របស់ក្រសួងសុខាភិបាល លោកអ្នកនឹងបានឃើញព័ត៌មានមួយចំនួនដែលទាក់ទិននឹងមេរោគកូរ៉ូណា COVID-19 ក្នុងនោះមានទាំងតួលេខនានាស្ដីអំពីចំនួនអ្នកឆ្លងមេរោគ អ្នកស្លាប់។ល។
ដើម្បីចូលទៅកាន់ទំព័រខាងលើ សូមចុចទីនេះ ឬចុច http://cdcmoh.gov.kh។ នៅលើទំព័រ http://cdcmoh.gov.kh នេះ លោកអ្នកនឹងឃើញប្រអប់អក្សរមួយដែលមានឈ្មោះថា “COVID-19 documents”។ សូមផ្លាស់ទីរូបសញ្ញាព្រួញ (Mouse cursor icon) ដាក់ទៅលើប្រអប់ ”COVID-19 documents” នោះ រួចចុចទៅលើប្រអប់ថ្មី មានឈ្មោះថា “COVID-19 Maps” ដែលលេចឡើងនៅខាងក្រោមប្រអប់នោះផ្ទាល់ ពេលនោះលោកអ្នកនឹងត្រូវបាននាំទៅកាន់ទំព័រមួយទៀតដែលមានតំណភ្ជាប់ https://covid19-map.cdcmoh.gov.kh/។ នេះហើយគឺជាទំព័រថ្មីនៃគេហទំព័ររបស់ក្រសួងសុខាភិបាលកម្ពុជា៕
March 25, 2020
ក្រសួងទេសចរណ៍ណែនាំដល់អភិបាលនៃគណៈអភិបាលរាជធានី ខេត្ត ឱ្យបិទអាជីវកម្មបៀរហ្កាឌិន ជាបណ្តោះអាសន្ន
ក្រសួងទេសចរណ៍ នៅថ្ងៃទី25 ខែមីនា ឆ្នាំ2020នេះ បានជូនដំណឹងទៅអភិបាលរាជធានី-ខេត្តទាំងអស់ បិទអាជីវកម្មបៀរហ្កាឌិនតាមមូលដ្ឋានរបស់ខ្លួនជាបណ្តោះអាសន្នសិន ចាប់ពីថ្ងៃទី25 ខែមីនា ឆ្នាំ2020តទៅ ដើម្បីចូលរួមបង្ការ និងទប់ស្កាត់ការរីករាលដាលនៃជំងឺកូវីដ-19 ក្នុងប្រទេសកម្ពុជា។
ការសម្រេចបិទបៀរហ្កាឌិន ជាបណ្តោះអាសន្ននេះ បានធ្វើឡើងបន្ទាប់ពីមានអនុសាសន៍ដ៏ខ្ពង់ខ្ពស់របស់ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ក្រោយពេលដែលជំងឺកូវីដ-19 បានរីករាលដាលក្នុងប្រទេសកម្ពុជា ដោយមានអ្នកឆ្លងចំនួន 93នាក់។
សូមបញ្ជាក់ថា រហូតមកដល់ពេលនេះ រាជរដ្ឋាភិបាលកម្ពុជា បានដាក់ចេញវិធានការជាបន្តបន្ទាប់ ដើម្បីបង្ការទប់ស្កាត់ ការឆ្លងរីករាលដាលជំងឺកូវីដក្នុងប្រទេសកម្ពុជា ក្នុងនោះរាជរដ្ឋាភិបាលបានអនុវត្តវិស្សមកាលមុនកាលកំណត់ បិទក្លឹបកម្សាន ខារ៉ាអូខេ រង្គសាល រោងភាពយន្ត និងសារៈមន្ទីរជាដើម៕
ខាងក្រោមនេះជាលិខិតរបស់ក្រសួងទេសចរណ៍៖
March 25, 2020
អ្នកវិទ្យាសាស្ត្រថតបានរូបភាពវីរុស COVID-19 ដ៏ស្រស់ស្អាត កំពុងចោមរោម “សម្លាប់” កោសិការបស់មនុស្ស
វិទ្យាស្ថានជាតិអាឡែរហ្សីនិងជំងឺឆ្លងនៃសហរដ្ឋអាមេរិក National Institute of Allergy and Infectious Diseases(NIAID) បានបញ្ចេញរូបថតថ្មីបំផុតជាច្រើនសន្លឹក ស្ដីអំពី COVID-19 ដែលត្រូវបានថតដោយកែវពង្រីកមីក្រូទស្សន៍អេឡិកត្រុងប្រទេសស្កេន (Scanning electron microscope)។
រូបដែលត្រូវបានបន្ថែមពណ៌ទាំងនេះ បង្ហាញឱ្យឃើញថា មានវីរុសរាន់រយក្បាលកំពុងតោងជាប់នៅលើកោសិការបស់មនុស្ស ដែលយកពីអ្នកជំងឺ COVID-19ម្នាក់នៅសហរដ្ឋអាមរិក បន្ទាប់ពីវា (កោសិកាមនុស្ស) បានធ្លាក់ចូលក្នុងស្ថានភាពងាប់ និងជ្រុះ។ មេរោគកូរ៉ូណាទាំងនេះ ត្រូវបានថតនៅក្នុងមន្ទីរពិសោធន៍របស់ NIAID ដែលមានទីតាំងនៅក្នុងតំបន់ Fort Detrick នៃរដ្ឋ Maryland។
រូបភាពខាងលើនេះ បង្ហាញអំពីកោសិកាងាប់ចំនួន1របស់មនុស្ស (ពណ៌ខៀវ) កំពុងត្រូវមេរោគ COVID-19 រាប់រយក្បាលចោមរោមវាយប្រហារ។
វីរុសកូរ៉ូណា COVID-19 មានរូបរាងដូចទៅនឹងកូនបាល់ល្អិនៗ ដែលត្រូវបានបង្កើតឡើងដោយបណ្ដុំនៃ ARN (ARN គឺជាទម្រង់ចម្លងពី DNA 1កំណាត់ (ស្មើនឹងហ្សែនចំនួន1) ហើយនៅលើប្រភេទវីរុសមួយចំនួន ARN គឺជាសារជាតិបន្តពូជ) ដែលស្ថិតក្នុងស្រទាប់ខ្លាញ់ និងប្រូតេអ៊ីន។ វីរុស COVID-19 មានទំហំចាប់ពី 120-160 ណាណូម៉ែត្រ (1ពាន់លានណាណូម៉ែត្រ/nanometer ស្មើនឹង1ម៉ែត្រ) គឺតូចរហូតដល់ថ្នាក់មើលមិនឃើញសូម្បីតែប្រើកែវពង្រីកមីក្រូទស្សន៍អុបទិក។ គេត្រូវប្រើកែវពង្រីកមីក្រូទស្សន៍អេឡិកត្រុងប្រទេសស្កេន ទើបអាចមើលឃើញវា។ នេះបើតាម IFL Science។
រូបភាពខាងលើបង្ហាញអំពីវីរុស COVID-19 (ពណ៌ស្វាយ) តោងជាប់ស្អេកស្កះនៅលើកោសិកា (ពណ៌បៃតង)អ្នកជំងឺ COVID-19 នៅសហរដ្ឋអាមេរិក។
បើទោះបីជាមានរូបរាងមហាតូចក៏ដោយ ប៉ុន្តែ COVID-19 នៅតែបង្ករបួស និងអាចសម្លាប់កោសិកាមនុស្សបានដែរ។ ដើម្បីឆ្លងទៅមនុស្ស COVID-19 នឹងប្រើប្រាស់ប្រូតេអ៊ីនបន្លារបស់វា តភ្ជាប់ជាមួយស្រទាប់កោសិកា ពោលគឺដូចទៅនឹងកូនសោ និងមេសោ។ នៅពេលរុកចូលទៅដល់ខាងក្នុង វីរុស COVID-19នេះ នឹងដណ្ដើម “អំណាច” គ្រប់គ្រងកោសិកាដែលជា “ម្ចាស់ផ្ទះ” ដើម្បីចម្លង និងបង្កើត COVID-19 ចំនួនរាប់ពាន់បន្ថែមទៀត។ ចុងក្រោយ COVID-19 នឹងសម្លាប់កោសិកា “ម្ចាស់ផ្ទះ” រួចហើយពួកវាឆ្លងចូលទៅក្នុងកោសិកាផ្សេងទៀត៕
ប្រភព៖ សារព័ត៌មានបរទេស
March 25, 2020
តួនាទីរបស់ឪពុកម្ដាយ អ្នកមើលថែកុមារ និងសហគមន៍ឆ្លើយតបនឹងការរីករាលដាលនៃវីរុសកូវីដ-19
បើសិនជាមានរោគសញ្ញានៃវីរុសកូវីដ-19 ដូចជា ក្អក គ្រុនក្តៅ ពិបាកដកដង្ហើមជាដើម កើនឡើងលើកូនរបស់លោកអ្នក សូមធ្វើដូចខាងក្រោម៖
ស្វែងរកការណែនាំពីគ្រូពេទ្យតាមរយៈការទូរស័ព្ទទៅកាន់អ្នកផ្តល់សេវាសុខភាព/អ្នកផ្តល់សេវារបស់
លោកអ្នកជាមុនសិន មុននឹងជូនកូនរបស់លោកអ្នកទៅតាមការណៃនាំ។ សូមចងចាំថារោគសញ្ញានៃជំងឺកូវីដ-19 មានដូចជា ក្អក ឬគ្រុនក្តៅអាចស្រដៀងនឹងរោគសញ្ញាផ្តាសាយ ឬជំងឺផ្តាសាយទូទៅ។
ប្រសិនបើកូនរបស់លោកអ្នកឈឺ សូមទុកពួកគេនៅផ្ទះកុំឱ្យមកសាលារៀន ហើយត្រូវជូនដំណឹងដល់សាលារៀនអំពីអវត្តមាន និងរោគសញ្ញាកូនរបស់លោកអ្នក។ សូមដាក់ការអាន និងកិច្ចការផ្សេងៗដើម្បីឱ្យសិស្សអាចបន្តការសិក្សាពេលនៅផ្ទះ។ ពន្យល់កូនរបស់លោកអ្នកអំពីអ្វីដែលកំពុងកើតឡើងជាពាក្យសាមញ្ញ ហើយធានាថាពួកគេមានសុវត្ថិភាព៕
ប្រភព៖ MoEYS Cambodia
March 25, 2020
ក្រសួងទេសចរណ៍ប្រកាសដាក់ឱ្យប្រើប្រាស់ប្រព័ន្ធអនឡាញគ្រប់គ្រងវត្តមានស្នាក់នៅទេសចរណ៍នៅតាមសណ្ឋាគារ និងផ្ទះសំណាក់ដើម្បីចូលរួមវិធានការទប់ស្កាត់ជំងឺឆ្លង Covid-19
ក្រសួងទេសចរណ៍ បានជម្រាបជូន និងអំពាវនាវដល់ ម្ចាស់សេវាកម្មស្នាក់នៅទេសចរណ៍ទាំងអស់ ដោយអនុវត្តតាម នូវសេចក្តីជូនដំណឹងលេខ147 សជណ.អគឧ ចុះថ្ងៃទី25 ខែមីនា ឆ្នាំ2020 ស្តីពីការតម្រូវឱ្យប្រើប្រាស់ជាកាតព្វកិច្ចនូវ “ប្រព័ន្ធចុះបញ្ជីស្នាក់នៅទេសចរណ៍” ដែល មានគេហទំព័រផ្លូវការ “www.accommodationregistrar.net” ។
“ការគ្រប់គ្រងបញ្ជីស្នាក់នៅទេសចរណ៍” តាមអនឡាញនេះផ្តល់ភាពងាយស្រួលដល់ក្រសួងទេសចរណ៍អាចសហការផ្តល់ព័ត៌មានជូនអជ្ញាធរមានសមត្ថកិច្ចក្នុងការត្រួតពិនិត្យ ឬតាមដានវត្តមានឈ្មោះភ្ញៀវទេសចរជាតិ អន្តរជាតិ ដែលមកស្នាក់នៅក្នុងសេវាកម្មស្នាក់នៅទេសចរណ៍ក្នុងករណីដែលចាំបាច់ និងមានតំរូវការ ក្នុងការចូលរួមដល់វិធានការរបស់រាជរដ្ឋាភិបាលកម្ពុជា ក្នុងការទប់ស្កាត់ការរីករាលដាលនៃជំងឺ Covid-19 ដែលមានការកើតឡើងចេញពីភ្ញៀវទេសចរក្នុងករណីជាយថាហេតុណាមួយ។
ប៉ុន្តែយ៉ាងណាក៏ដោយការប្រើប្រាស់ប្រព័ន្ធនេះទាមទារឱ្យមានកិច្ចសហការ និងការចូលរួមពីម្ចាស់អាជីវកម្មសណ្ឋាគារ និងផ្ទះសំណាក់ ក្នុងការបញ្ចូលព័ត៌មានរបស់ភ្ញៀវរបស់ខ្លួនក្នុងពេលស្នាក់នៅក្នុងមូលដ្ឋានអាជីវកម្មទេសចរណ៍របស់ខ្លួន។
ក្នុងដំណាក់កាលនៃវិបត្តិ Covid-19 នេះ ក្រសួងទេសចរណ៍សូមស្នើដល់គ្រប់មូលដ្ឋានអាជីវកម្មសេវាកម្ម ស្នាក់នៅទេសចរណ៍ទាំងអស់ ចូលរួមប្រើប្រាស់ជាកាតព្វកិច្ច “ប្រព័ន្ធចុះបញ្ជីស្នាក់នៅទេសចរណ៍” ឱ្យបានគ្រប់គ្នា និងធ្វើការចុះវត្តមានរបស់ភ្ញៀវទេសចរ ឱ្យបានគ្រប់គ្នាៗ និងទៀតទាត់។
របៀបប្រើប្រាស់ប្រព័ន្ធចុះវត្តមានស្នាក់នៅទេសចរណ៍អនឡាញមានបង្ហាញក្នុងសេចក្តីជូនដំណឹង និងវីដេអូពន្យល់ខាងក្រោម៖
ប្រភព៖ ក្រសួងទេសចរណ៍ Ministry of Tourism, Cambodia
March 25, 2020
5សំណួរ…តើនឹងមានអ្វីកើតឡើង បើយើងឆ្លងវីរុសកូវីដ-19 តែជាវិញហើយ?
ក្នុងអំឡុងពេលនេះ យើងតែងតែឃើញ “ក្រាហ្វ” របស់គ្រូពេទ្យជំនាញជាច្រើននាក់ បាននិយាយអំពីចំនួនអ្នកឆ្លងមេរោគ និងអត្រានៃចំនួនអ្នកស្លាប់ទៀតផង…មួយនៅក្នុងចំណោមក្រាហ្វ ដែលគួរឱ្យចាប់អារម្មណ៍បំផុត គឺជាព័ត៌មាននៃអត្រាការស្ដារឡើងវិញ (Recovery Rate) របស់អ្នកដែលឆ្លងមេរោគកូវីដ-19 ដែលឆ្លង រាល ដាលខ្លាំងមកតាំងពីចុងឆ្នាំ2019 នៅក្នុងប្រទេសមួយចំនួនដែលមានចំនួនអ្នកឆ្លងមេរោគច្រើន។ អ្នកស្រាវជ្រាវអាចប្រមូលស្ថិតិផ្សេងៗដែលកើតឡើង ដើម្បីប្រើប្រាស់ក្នុងការវិភាគហេតុការណ៍នៅពេលអនាគតបាន។ ក្រុមអ្នកវិភាគនៅកន្លែងខ្លះ ប្រើវិធីប្រៀបធៀបជាមួយមេរោគសារស៍ (Sars) ដែលមានលក្ខណៈស្រដៀងគ្នា ដែលនៅពេលសិក្សាហើយ លទ្ធផលនៃការវិភាគផ្សេងៗ ល្មមនឹងអាចសរុបបានជាចំណុចពិតដែលពេលបានអានហើយ ធ្វើឱ្យធូរស្រាលក្នុងចិត្តបានខ្លះដែរ…ឧទាហរណ៍ដូចជាៈ
-ទោះជាចំនួនអ្នកឆ្លងមេរោគកើនឡើងខ្ពស់មែន តែក៏មានអ្នកជំងឺដែលបានធូរស្រាល និងជាសះស្បើយពីការឆ្លងមេរោគកូវីដ-19នេះ ក្នុងចំនួនច្រើនដូចគ្នា។
-មានការសិក្សាស្រាវជ្រាវដែលខុសប្លែកពីគ្នាច្រើន តែមានមួយនៅក្នុងនោះ បានរកឃើញថា នៅតែរកឃើញមានមេរោគកូវីដ-19 នៅក្នុងអ្នកជំងឺដែលមានអាការធូរស្រាលហើយដែរ។
-នៅតែមានសំណួរ នៅក្នុងករណីអ្នកជំងឺដែលឆ្លងមេរោគឡើងវិញជាច្រើនចំណុចទៀត ដែលនៅមិនទាន់អាចអធិប្បាយបាន។
អ្នកជំងឺភាគច្រើនដែលឆ្លងមេរោគកូវីដ-19 នឹងបានធូរស្រាល អាចត្រឡប់មកជាធម្មតាឡើងវិញយ៉ាងពេញលេញបាន តែក៏ត្រូវបង្ខាំងឱ្យនៅដោយឡែក ដើម្បីសង្កេតមើលអាការមួយរយៈ អាស្រ័យលើការវិនិច្ឆ័យរបស់ពេទ្យ ព្រោះនៅមិនទាន់មានព័ត៌មានសរុបបានថា តើនឹងអាចចម្លងមេរោគទៀតបានឬអត់? ដែលចំពោះរឿងនេះ អ្នកជាសះស្បើយហើយ ត្រូវតែប្រយ័ត្នប្រយែងខ្លួនឯង ដើម្បីបង្ហាញពីភាពទទួលខុសត្រូវចំពោះសង្គម។
ខាងក្រោមនេះ គឺជាក្រាហ្វ បង្ហាញពីចំនួនអ្នកជំងឺដែលឆ្លងមេរោគថ្មី និងអ្នកជាសះស្បើយហើយ
នៅក្នុងក្រាហ្វនេះ បានបង្ហាញអំពីចំនួនអ្នកឆ្លងមេរោគកូវីដ-19ថ្មី ប្រៀបធៀបនឹងចំនួនអ្នកឆ្លងមេរោគដែលជាសះស្បើយហើយ របស់ប្រទេសចិន(ព័ត៌មានពី Worldometer)
“ការនិយាយអំពីករណីអ្នកជំងឺដែលបានធូរស្រាល និងជាពីជំងឺកូវីដ-19នេះ នៅក្នុងអឺរ៉ុប និងអាមេរិក ជាតំបន់ដែលមានចំនួនអ្នកឆ្លងមេរោគឡើងដល់ចំណុចខ្ពស់បំផុតហើយនោះ គឺគ្រាន់តែជាការប្រាប់ឱ្យដឹងថា រលកដំបូងនៃការរាតត្បាតកំពុងតែជិតកន្លងផុតទៅហើយតែប៉ុណ្ណោះ” លោក Chris Gough គ្រូពេទ្យជំនាញខាងដាក់ថ្នាំសន្លប់អ្នកជំងឺវះកាត់ មកពី Oxford នៃសហរាជអាណាចក្រ ជាអ្នកផ្សព្វផ្សាយតាមរយៈធ្វីតធើរអំពីបទពិសោធដ៏គួរឱ្យខ្លាចមួយនេះថា “ថ្ងៃទី6 មានអារម្មណ៍ថា ស្រួលឡើងវិញ ឬគិតថាវាអ៊ីចឹង តែបន្ទាប់ពីនោះ ក៏ដេកលក់នៅលើកៅអីសាឡុងតទៀតបានរាប់ម៉ោង រហូតដល់មិនចង់ចេញពីផ្ទះ និងសង្ឃឹមថា ស្អែកនេះ កម្លាំងថាមពលប្រហែលជានឹងត្រឡប់មកវិញច្រើនឡើង”
(ប្រភពពីអ្នកប្រើធ្វីតធើរ@GoughCJ)
រឿងហ្នឹង ក៏បង្ហាញឱ្យឃើញដែរថា អ្នកជាពីជម្ងឺហើយ អាចនឹងបង្ហាញអាការអ្វីម្យ៉ាងដែលនៅសេសសល់ ដែលយើងអាចរៀនយល់ដឹងបានតាមរយៈហេតុការណ៍ដែលកើតឡើងនៅក្នុងប្រទេសចិន ដែលមានចំនួនអ្នកឆ្លងជំងឺកើនឡើង និងអ្នកជំងឺដែលជាសះស្បើយហើយ សរុបបានចេញជាចម្លើយពី 5សំណួរ ដូចខាងក្រោមៈ
1-តើយើងរកឃើញតួលេខនៃអត្រាការធូរស្បើយ និងជាពីជំងឺហើយឬនៅ?
បើអះអាងតាមស្ថានការណ៍ក្នុងថ្ងៃទី20 មីនា ឆ្នាំ2020 ឃើញថា អត្រាការស្លាប់ស្ថិតក្នុងតួលេខ 4ភាគរយ តែដំណឹងល្អគឺ តួលេខពិតប្រាកដ ប្រហែលជាទាបជាងនេះ ដោយសារមានអ្នកជំងឺដែលមានអាការមិនធ្ងន់ធ្ងរ។ លោក Chris Whitty ប្រធានក្នុងគ្រូពេទ្យរបស់សហរាជអាណាចក្រ បានតវ៉ាអំពីតួលេខអ្នកស្លាប់ដែលខាង WHO បានអះអាងក្នុងចំនួន 3.4ភាគរយនោះថា គួរតែស្ថិតក្នុងអត្រា 1ភាគរយច្រើនជាង ដោយពិចារណាពីរយៈពេលដែលកើតការឆ្លងរាលដាលលើកដំបូងនៅក្នុងប្រទេសចិន ដែលមានវិធានការបង្ខាំងអ្នកសង្ស័យយ៉ាងតឹងរ៉ឹង តាមរយៈចំនួនអ្នកជំងឺដែលជាសះស្បើយ ដែលល្អជាងចំនួនអ្នកជំងឺថ្មី ដែលជាមេរៀនដែលប្រទេសលោកខាងលិចបានធ្វើតាម និងរំពឹងថា អត្រាអ្នកជាសះស្បើយពីការឆ្លងមេរោគ នឹងដំណើរការទៅក្នុងលក្ខណៈដូចគ្នានឹងប្រទេសចិន។
2-បើយើងជាសះស្បើយហើយ តើយើងនៅតែមានមេរោគឬទេ?
មានភាពអាចទៅរួចខ្ពស់ណាស់ថា អ្នកដែលជាសះស្បើយហើយ នឹងនៅតែមានមេរោគនៅក្នុងរាងកាយ។ ទាំងអស់នេះ ជារឿងដែលត្រូវនាំគ្នាសិក្សាស្រាវជ្រាវយូរតទៅទៀត តែព័ត៌មានវិភាគត្រឹមតែបន្តិចបន្តួចពីប្រទេសអាល្លឺម៉ង់ បានរកឃើញថា ការឆ្លងមេរោគកូវីដ-19 មានទិសដៅផ្ទុយពីមេរោគសារស៍ដែលកើតឡើងនៅឆ្នាំ2003 ដោយបានរកឃើញថា អំឡុងពេល 10ថ្ងៃដំបូង អ្នកជំងឺដែលបានធូរស្រាល អាការនឹងមិនធ្ងន់ធ្ងរ និងមានភាពប្រថុយប្រថានថា មានមេរោគនៅក្នុងរាងកាយទាបជាងពេលរកឃើញមេរោគក្នុងគ្រាដំបូង។
ខណៈពេលជាមួយគ្នា អ្នកជំនាញការ 4រូប របស់មន្ទីរពេទ្យវូហាន បានថ្លែងថា ស្លាកស្នាមរបស់មេរោគវីរុសនេះ នឹងស្ថិតនៅក្នុងរាងកាយរបស់អ្នកដែលជាហើយ បាន 2សប្ដាហ៍ទៀត ដោយសារតែអ្នកជំងឺលែងមានអាការក្អក ឬកណ្ដាស់ ដែលរាប់ថា ជាលក្ខណៈរបស់ការបញ្ចេញមេរោគ។
តែ ក៏ទើបតែមានការងារស្រាវជ្រាវថ្មីមួយដែលបោះពុម្ពផ្សាយនៅក្នុងព្រឹត្តិបត្រ The Lancet និយាយថា មានអ្នកជំងឺជនជាតិចិនម្នាក់ដែលឆ្លងមេរោគក្នុងរាងកាយបានយូរដល់ទៅ 37ថ្ងៃ ដែលខ្ពស់ជាងមធ្យមភាគរបស់រោគនេះដែលស្ថិតក្នុងអំឡុង 24ថ្ងៃ។
3-បើធ្លាប់ឈឺដោយសារមេរោគកូវីដ-19ហើយ តើអាចឈឺបានទៀតឬទេ?
នៅពេលឆ្លងមេរោគកូវីដ-19រួចហើយ មានន័យថា រាងកាយនឹងសាងប្រព័ន្ធការពារឡើងមកតតាំងបានមួយខណៈពេល ឬសាងឡើងមកតតាំងបានជាបន្តបន្ទាប់ តែការឆ្លងមេរោគដដែលៗនេះ បានរកឃើញលើស្ត្រីជនជាតិជប៉ុនវ័យ 40ឆ្នាំម្នាក់ ដែលបានទទួលការអនុញ្ញាតឱ្យត្រឡប់ទៅផ្ទះវិញពីមន្ទីរពេទ្យអូសាកា និងរកឃើញនៅក្នុងករណីរបស់អ្នកដំណើរក្នុងនាវាកម្សាន្ត Diamond Princess និងម្នាក់ទៀតជាជនជាតិកូរ៉េខាងត្បូង។ តែដែលគួរឱ្យខ្លាចបំផុតនោះគឺ រកឃើញអ្នកជំងឺដែលត្រឡប់មកពិនិត្យឃើញមេរោគកូវីដ-19 លើកទី2 ដល់ទៅ 14% នៅក្នុងមណ្ឌលក្វាងទុង ប្រទេសចិន។
យ៉ាងណាក៏ដោយ អាចនិយាយថា វាដូចជាលឿនជ្រុលពេកក្នុងការសរុបថា បើឆ្លងមេរោគហើយ នឹងឆ្លងម្ដងទៀតនោះ ព្រោះមិនបានពិនិត្យបែបអះអាង ឬអាចមានការភ្លាត់ភ្លាំងក្នុងការពិនិត្យ ឬអាចដោយសារតែមេរោគវីរុសឈប់បញ្ចេញឫទ្ធិមួយខណៈពេល។ មជ្ឈមណ្ឌលគ្រប់គ្រង និងការពាររោគនៃសហរដ្ឋអាមេរិក(CDC) ក៏មិនទាន់អាចសរុបបានយ៉ាងច្បាស់លាស់នៅឡើយ ដែលរឿងនេះត្រូវសិក្សាបន្តទៀត។
ចំណែកផលប៉ះពាល់ផ្នែកសុខភាពផ្សេងៗទៀត មានចំណុចសង្កេតឃើញថា អ្នកជំងឺកូវីដ-19 នឹងមានចំណុះរបស់សួតថយចុះ និងមន្ទីរពេទ្យក្នុងទីក្រុងហុងកុងបានតាំងខសង្កេតឃើញថា អ្នកជំងឺ 2ភាគ3 មានការធ្វើការរបស់សួតថយចុះ 20-30% និងមួយផ្នែកអាចវិលមកព្យាបាលបានដោយវិធីព្យាបាលខាងធ្វើចលនា។
4-តើប្រព័ន្ធប្រឆាំងកូវីដ-19ក្នុងរាងកាយ នៅបានយូរប៉ុនណា?
“បើអ្នកឆ្លងមេរោគទូទៅ រាងកាយរបស់អ្នកនឹងមានប្រព័ន្ធប្រឆាំងវីរុសនោះ” Dr. Keiji Fukuda អគ្គនាយកមហាវិទ្យាល័យវេជ្ជសាស្ត្រហុងកុង បាននិយាយនៅក្នុងសារព័ត៌មាន The LA Times ថា “បើត្រូវឆ្លងមេរោគដដែលទៀត នោះមានន័យថា ខុសប្រក្រតីហើយ លើកលែងតែការធ្វើការរបស់ប្រព័ន្ធប្រឆាំងជំងឺរបស់អ្នកធ្វើការមិនត្រឹមត្រូវ” តែសម្រាប់កូវីដ-19 ចម្លើយ ហាក់នៅស្រពេចស្រពឹលខ្លាំងណាស់។
មានអ្នកព្យាយាមឆ្លើយនឹងសំណួរនេះ ដោយការវិភាគសេរ៉ូមជំងឺសារស៍(SARS-CoV2)ជាមួយជំងឺកូវីដ តែទាំងអស់នោះ ក៏នៅតែមិនអាចបញ្ជាក់អ្វីបានច្រើនឡើយ ព្រោះមិនទាន់មានការសាកល្បងជាមួយមនុស្សនៅឡើយ។
5-តើយើងនឹងត្រឡប់ទៅធ្វើការបានឡើងវិញនៅពេលណា?
រឿងចុងក្រោយដែលមនុស្សទូទាំងពិភពលោកចង់ដឹងគឺ បើយើងកើតជំងឺកូវីដ-19រួចហើយ តើយើងនឹងត្រឡប់ទៅធ្វើការបានវិញនៅពេលណា?
មជ្ឈមណ្ឌល CDC របស់សហរដ្ឋអាមេរិក បានកំណត់ថា អ្នកជំងឺនឹងអាចចេញពីមន្ទីរពេទ្យបាន នៅពេលដែល…៖
-ពិនិត្យលែងឃើញមានអាការគ្រុនក្ដៅ និងលែងចាំបាច់ប្រើថ្នាំបញ្ចុះកម្ដៅ 3ថ្ងៃ។
-លែងមានអាការរបស់ប្រព័ន្ធដង្ហើម ដូចជាក្អក ឬកណ្ដាស់ រយៈពេល 7ថ្ងៃ។
-លទ្ធផលអះអាងការឆ្លងមេរោគដោយវិធី Swab Test* អវិជ្ជមាន 2ដង។
ដែលករណីទាំង3 នេះសុទ្ធប្រើពេលវេលាមិនស្មើគ្នា និងទាំងអស់នេះហើយ ទើបយើងអាចនិយាយបានថា ការជាសះស្បើយ និងត្រៀមត្រឡប់ទៅធ្វើការបាន ត្រូវធ្វើឡើងតាមគ្រូពេទ្យបញ្ជាតែប៉ុណ្ណោះ។ តែក្នុងផ្លូវប្រតិបត្តិវិញ រដ្ឋបាល និងក្រុមហ៊ុនជាច្រើន ក៏នៅតែឱ្យធ្វើការនៅតាមផ្ទះដដែល ទាំងអ្នកដែលជាសះស្បើយពីការឆ្លងមេរោគហើយ និងអ្នកដែលមានសុខភាពល្អ ហើយបើសិនជាខ្លួនអ្នក ជាអ្នកនៅជិតដិតនឹងអ្នកជំងឺ ក៏គួរតែបង្ខាំងខ្លួនឯង 14ថ្ងៃ ដោយរាប់ចាប់ពីថ្ងៃដែលអ្នកជំងឺបង្ហាញអាការនៅថ្ងៃដំបូងតែម្ដង។
កំណត់សម្គាល់៖ *Swab Test គឺការពិនិត្យដោយការប្រើឈើរុំសំឡីកៀរសារធាតុខាងក្នុងរបស់អ្នកជំងឺ តាមការវិនិច្ឆ័យរបស់គ្រូពេទ្យ៕
ប្រភព៖ សាព័ត៌មានបរទេស
March 25, 2020
ធនាគារអភិវឌ្ឍន៍អាស៊ីថា សេដ្ឋកិច្ចកម្ពុជា ងាយរងផលប៉ះពាល់ជាងគេក្នុងតំបន់ កំឡុងពេលកូវីដ-19 កំពុងរាតត្បាត
ដោយសារតែការរីករាលដាលកូវីដ-19 ជុំវិញពិភពលោក និងក្នុងតំបន់ ធនាគារអភិវឌ្ឍន៍អាស៊ី (ADB) បានព្យាករថា កម្ពុជាជាប្រទេសមួយដែលទទួលរងផលប៉ះពាល់ខ្លាំងបំផុតដល់សេដ្ឋកិច្ចរបស់ខ្លួនធៀបនឹងបណ្ដារដ្ឋជាសមាជិកអាស៊ាន 9 ផ្សេងទៀត។
ADB កាលពីដើមខែនេះបានប៉ាន់ប្រមាណថា កម្ពុជានឹងខាតបង់ជាង 390 លានដុល្លារ លើផលប៉ះពាល់ដោយសារតែការរីករាលដាលកូវីដ19 ឬធ្លាក់ចុះ 1,59 ភាគរយ នៃផលិតផលក្នុងស្រុកសរុប (GDP) នៅឆ្នាំនេះ ដែលបណ្ដាលឱ្យប្រទេសនេះជាប្រទេសមានផលប៉ះពាល់ផ្នែកសេដ្ឋកិច្ចខ្លាំងបំផុតដែលបានបង្កឡើងដោយការរីករាលដាលកូវីដ19 ក្នុងចំណោមរដ្ឋជាសមាជិកអាស៊ានផ្សេងទៀត។
រដ្ឋាភិបាលបានទម្លាក់ការព្យាករកំណើនសេដ្ឋកិច្ចរបស់ខ្លួននៅឆ្នាំនេះមកនៅត្រឹម 6,1 ភាគរយ ពីការព្យាករលើកមុនរបស់ខ្លួន 6,5 ភាគរយ ដោយសារការរីករាលដាលកូវីដ-19 ការប្រែប្រួលអាកាសធាតុ និងភូមិសាស្ដ្រនយោបាយ។
ADB បានឱ្យដឹងថា ផលប៉ះពាល់លើពិភពលោកចាប់ពី 77 ពាន់លានដុល្លារ ទៅ 347 ពាន់លានដុល្លារក្នុងនោះសាធារណរដ្ឋប្រជាមានិតចិនមានចំនួន 2 ភាគ 3 នៃចំនួនសរុប។
ADB បានបន្តថា ការរីករាលដាលកូវីដ-19 ជាបន្តប៉ះពាល់ដល់សាធារណរដ្ឋប្រជាមានិតចិន និងបណ្ដាប្រទេសកំពុងអភិវឌ្ឍន៍ផ្សេងទៀតតាមរយៈបណ្ដាញជាច្រើនដែលរួមមានការធ្លាក់ចុះយ៉ាងខ្លាំងផ្នែកតម្រូវការក្នុងស្រុក ទេសចរណ៍ និងការធ្វើដំណើរអាជីវកម្មកាន់តែទាប ទំនាក់ទំនងពាណិជ្ជកម្ម និងការផលិតការរំខានការផ្គង់ផ្គង់ និងផលប៉ះពាល់ផ្នែកសុខភាព។
បណ្ដាប្រទេសកំពុងអភិវឌ្ឍន៍ភាគច្រើនកំពុងឆ្លើយតបនឹងការរីករាលដាលកូវីដ-19 រួចហើយតាមមធ្យោបាយផ្សេងៗ។ រដ្ឋាភិបាលជាច្រើនបានប្រមូលកម្លាំងពិសេសអន្តរភ្នាក់ងារ និងយន្តការសម្របសម្រួលផ្សេងទៀត ដើម្បីធានាការឆ្លើយតបប្រកបដោយការចុះសម្រុងគ្នា។ នេះបើយោងតាម ADB។
លោកនាយករដ្ឋមន្ដ្រី ហ៊ុន សែន កាលពីដើមខែនេះបានឲ្យដឹងថា រដ្ឋាភិបាលបានលៃទុកប្រាក់ចន្លោះពី 800 លានដុល្លារ ទៅ 2ពាន់លានដុល្លារ ដើម្បីដោះស្រាយផលប៉ះពាល់សេដ្ឋកិច្ច ដោយសារតែការរីករាលដាលកូវីដ-19 ដែលរួមទាំង 30លានដុល្លារ ដើម្បីផ្ដល់ហិរញ្ញប្បទានក្នុងការគាំទ្រដល់ក្រសួងសុខាភិបាលដើម្បីប្រយុទ្ធប្រឆាំងនឹងការរីករាលដាលកូវីដ-19៕
March 25, 2020
បុរសខ្មែរ 2នាក់ ត្រូវបានឱ្យទៅផ្ទះវិញក្រោយតេស្ដអវិជ្ជមាន 2លើក នៅមន្ទីពេទ្យខេត្ដសៀមរាប
ប្រធានមន្ទីរសុខាភិបាលខេត្តសៀមរាប លោក ក្រុស សារ៉ាត់ ប្រាប់សារព័ត៌មាននៅរសៀលថ្ងៃទី25 មីនា ថា បុរសជនជាតិខ្មែរដែលមានការសង្ស័យឆ្លងជំងឺកូវីដ-19 ពីប្រទេសម៉ាឡេស៊ី ត្រូវបានអនុញ្ញាតឱ្យត្រឡប់ទៅផ្ទះវិញនៅព្រឹកថ្ងៃទី25នេះ។ លោកពន្យល់ថា បុរសទាំង2 មានសុខភាពធម្មតា ហើយបើរាប់ចាប់ពីថ្ងៃទី3 ពេលត្រឡប់ពីប្រទេសម៉ាឡេស៊ី គឺមានរយៈពេល 21ថ្ងៃហើយ ដូច្នេះអ្នកទាំង2 ពិតជាគ្មានជំងឺកូវីដ-19ឡើយ។
លោកប្រធានមន្ទីរសុខាភិបាលបញ្ជាក់ថា៖« ក្រុមគ្រូពេទ្យបានផ្តល់ប្រឹក្សាយោបល់ និងឱ្យធ្វើអ្វីទៅតាមការណែនាំពីគ្រូពេទ្យ ជាលក្ខណៈពិសេសគឺការធ្វើតេស្ដត្រួតពិនិត្យ 2លើក លទ្ធផលអវិជ្ជមាន ចឹងមានន័យថា ពួកគាត់អត់មានមេរោគទេ។
តាមពិត យើងគួរតែឱ្យគាត់ត្រឡប់ទៅផ្ទះតាំងពីថ្ងៃដំបូង (លទ្ធផលតេស្ដ) តែខ្ញុំចេះតែខ្លាច បារម្ភ ដូច្នេះរយៈពេលមួយសប្ដាហ៍នេះគឺយើងធ្វើការយ៉ាងហ្មត់ចត់បំផុត»៕
March 25, 2020