វិធី - La Reine Media

ណាសារកឃើញបញ្ហានៅលើយានអវកាសដែលនៅឆ្ងាយពីផែនដី 24 ពាន់លានគីឡូម៉ែត្រ

យាន Voyager 1 បញ្ជូនទិន្នន័យគ្មានតម្លៃចាប់ពីចុងខែវិច្ឆិកា 2023 ដោយសារតែបន្ទះឈីបនៅលើយាន ទំនងជាបានប៉ះទង្គិចជាមួយនឹងភាគល្អិតថាមពលខ្ពស់។

ក្នុង 5 ខែកន្លង យានអវកាស Voyager 1 បានបញ្ជូនទិន្នន័យដែលមិនអាចអានបាន មកកាន់ផែនដី។ មុននោះ យាននេះតែងតែបញ្ជូនរលកសញ្ញាវិទ្យុជាទៀតទាត់ នៅពេលវាហោះកាន់តែឆ្ងាយពីប្រព័ន្ធព្រះអាទិត្យ។ ក៏ប៉ុន្តែ នៅខែវិច្ឆិកា 2023 រលកសញ្ញាបែរជាខុសប្រក្រតី ព្រោះទិន្នន័យដែលវាបញ្ជូនមក មិនអាចឱ្យក្រុមអ្នកវិទ្យាសាស្ត្រអានបាន ហើយពួកគេក៏មិនដឹងមូលហេតុនៃបញ្ហា។

ក្នុងខែមីនា 2024 ក្រុមវិស្វករណាសា បានបញ្ជូនរលកសញ្ញារំលឹកអំពីការបញ្ជាយាន ដើម្បីទាញយកព័ត៌មានពីប្រព័ន្ធរងផ្នែកទិន្នន័យនៃការហោះហើរ (FDS) របស់ Voyager 1។ ក្រោយពីបានបកស្រាយរលកសញ្ញាវិទ្យុឆ្លើយតបរបស់យាន ក្រុមវិស្វករក៏បានរកឃើញថា ដើមហេតុនៃបញ្ហាគឺស្ថិតនៅត្រង់អង្គចងចាំរបស់ FDS ត្រូវខូច។ នេះបើតាមទំព័រ Live Science ចុះផ្សាយកាលពីថ្ងៃទី 5 មេសា។

ទោះជាយ៉ាងណាក៏ដោយ ណាសានៅតែអាចរកវិធីដំណើរការ FDS ដោយមិនចាំបាច់មានឈីបដែលបានឆេះ និងស្ដារសមត្ថភាពបញ្ជូនទិន្នន័យរបស់យាន។ ប៉ុន្តែ ដំណោះស្រាយនេះត្រូវការពេលច្រើនខែទៀត។

ចាប់តាំងពីត្រូវបានបាញ់បង្ហោះកាលពីឆ្នាំ 1977 យាន Voyager 1 បានហោះឆ្ងាយពីព្រះអាទិត្យក្នុងល្បឿនប្រហែល 17 គីឡូម៉ែត្រក្នុងមួយ។ យាននេះបានហោះចូលដល់តំបន់អន្តរតារាកាលពីឆ្នាំ 2012 ហើយក៏ក្លាយជាយានដំបូងគេដែលធ្វើបានដូច្នេះ។ បច្ចុប្បន្ន វាគឺជាវត្ថុផលិតដោយមនុស្ស ដែលស្ថិតនៅឆ្ងាយពីផែនដីជាងគេបង្អស់។

April 6, 2024

Ford Ranger ជាប់ជាជម្រើសរថយន្ត Pick-Up ដែលទទួលបានចំណាត់ថ្នាក់លេខ១ ប្រចាំឆ្នាំ២០២៣!

រថយន្ត Next-Generation Ford Ranger បានទទួលការផ្លាស់ប្តូររូបរាងថ្មីទាំងស្រុង និងរួមបញ្ចូលនូវបច្ចេកវិទ្យាចុងក្រោយដ៏ទំនើប និងឈានមុខគេរបស់ Ford ។មិនតែប៉ុណ្ណោះ រថយន្ត Next-Generation Ford Ranger ក៏មានជម្រើសជាច្រើនដូចជា Ford Ranger XL, Ford Ranger XLT, Ford Ranger Wildtrak, និងកំពូលរថយន្តFord Ranger Raptor សម្រាប់អតិថិជនជ្រើសរើស ដែលសមស្របទៅនឹងតម្រូវការរបស់អតិថិជនទាំងអស់ ដែលមានគោលបំណងចង់បានរថយន្ត Pick-UP ដែលរឹងមាំ មានផាសុកភាព និងសន្សំសំចៃខ្ពស់។ ដោយសារតែកត្តាទាំងនេះ ទើបនាំអោយរថយន្ត Next-Generation Ford Ranger ក្លាយជារថយន្ត Pick-Up លក់ដាច់បំផុត ប្រចាំឆ្នាំ២០២៣ នៅក្នុងទីផ្សារប្រទេសអូស្រ្តាលី ដោយយោងទៅតាមអត្រាការលក់ប្រចាំឆ្នាំរបស់ទីផ្សាររថយន្ត Pick-Up ទាំងមូល កាលពីថ្ងៃទី០៤ ខែមករា ឆ្នាំ២០២៤។

ចំណែកឯនៅប្រទេសកម្ពុជាវិញ រថយន្ត Next Generation Ford Ranger គឺជារថយន្តដែលជាប់ចំណាត់ថ្នាក់លេខ១ រយៈពេល ៥ ឆ្នាំជាប់គ្នាចាប់តាំងពីឆ្នាំ ២០១៩ មក រហូតមកដល់បច្ចុប្បន្ន គឺនៅតែជារថយន្តដែលកំពុងពេញនិយមបំផុត ដោយសារមានការផ្តល់នូវទំនុកចិត្តដល់អតិថិជន និងបច្ចេកវិទ្យាទំនើបលើសគេនៅក្នុងទីផ្សារព្រះរាជាណាចក្រកម្ពុជា។ លើសពីនេះទៅទៀត រថយន្ត Next Generation Ford Ranger ក៏បានគ្របដណ្តប់ទីផ្សាររថយន្ត Pick-Up ជាច្រើនប្រទេសនៅជុំវិញពិភពលោក ជាពិសេសទីផ្សារព្រះរាជាណាចក្រកម្ពុជា។ នេះក៏ដោយសារតែការគាំទ្រពីអតិថិជន និងទំនុកចិត្តទៅលើសមត្ថភាព និងប្រព័ន្ធសុវត្ថិភាពដ៏ទំនើបរបស់រថយន្ត ដោយហេតុនេះហើយទើបធ្វើអោយរថយន្ត Next Generation Ford Ranger ទទួលបាននូវការផ្តល់ចំណាត់ថ្នាក់ផ្កាយ៥ ពីកម្មវិធីវាយតំលៃរថយន្តថ្មីរបស់អូស្រ្តាលី និងនូវែលសេឡង់ (Australasian New Car Assessment Programme) ដែលក្រោមការរចនានៃគំនិតឆ្នៃប្រឌិត «Built Ford Tough» របស់សហរដ្ឋអាមេរិច ដើម្បីផ្តល់នូវទំនុកចិត្តដល់អតិថិជនប្រទេសអូស្រ្តាលី ក៏ដូចជាអតិថិជនជុំវិញពិភពលោកផងដែរ។

សម្រាប់ការទំនាក់ទំនងផ្នែកលក់ និង បើកបរសាកល្បងរថយន្ត Next Generation Ford Ranger សូមទំនាក់ទំនងទៅកាន់លេខទូរស័ព្ទ 078 333 748 និង 016 333 785។

ចង់ជ្រាបច្បាស់ ពីមូលហេតុដែលធ្វើអោយរថយន្ត Ford Ranger ទទួលបានការគាំទ្រ និងពេញនិយមនៅទីផ្សារប្រទេសកម្ពុជា សូមទស្សនាវីឌីអូនេះទាំងអស់គ្នា៖

April 2, 2024

ទំពាំងឫស្សីមានប្រូតេអ៊ីនស្មើនឹងទឹកដោះគោ

ក្រុមអ្នកវិទ្យាសាស្ត្រចិន យល់ថា ទំពាំងឫស្សីអាចដើរតួនាទីសំខាន់នៅក្នុងការផ្គត់ផ្គង់អាហារយូរអង្វែង និងមានជីវជាតិសម្រាប់ប្រជាជនទូទាំងសកលលោក។

ទំពាំងឫស្សីពិតជាមានអត្ថប្រយោជន៍ពិសេសសម្រាប់សុខភាព ព្រោះវាមានផ្ទុកប្រូតេអ៊ីនច្រើន ដូចទៅនឹងទឹកដោះគោ។ នេះបើតាមអត្ថបទសារព័ត៌មានមួយដែលបានចុះផ្សាយលើទស្សនាវដ្ដី និន្នាការវិទ្យាសាស្ត្រ និងបច្ចេកវិទ្យាអាហារ (Trends in Food Science & Technology) កាលពីពេលថ្មីៗកន្លងទៅនេះ។

លោក Wu Liangru ដែលជាអ្នកស្រាវជ្រាវនៅមជ្ឈមណ្ឌលជាតិស្រាវជ្រាវទំពាំងឫស្សីចិន បាននិយាយថា ទំពាំងឫស្សីអាចជាអាហារសំខាន់មួយប្រភេទនាពេលអនាគត។ អត្ថបទលើទំព័រ Trends in Food Science & Technology សរសេរថា «ទំពាំងនាំមកនូវប្រភពអាហារស្ថិរភាព ផ្ដល់ឱកាសដល់ពាណិជ្ជកម្ម និងការនាំចេញ អាចរួមចំណែកទៅក្នុងកំណើនសេដ្ឋកិច្ចក្នុងស្រុក»។

ទំពាំងផ្ដល់អាស៊ីតអាមីនេចាំបាច់ចំនួន 7 ក្នុងចំណោម 9 ដែលមនុស្សត្រូវការ។ ជាក់ស្ដែង អាស៊ីតអាមីនេក្នុងទំពាំងមានបរិមាណខ្ពស់ជាងបណ្ដាមើមមួយចំនួន មានដូចជា ការ៉ុត ស្ពៃក្ដោប និងភ្លៅកង្កែបជាដើម។ ក្រៅពីនេះ ទំពាំងក៏មានផ្ទុកជាតិដែកច្រើនជាងល្ពៅ និងស្ពៃពួយឡេង (spinach) ផងដែរ។

ទំពាំងឫស្សីខ្ចីក៏ជាប្រភពផ្គត់ផ្គង់ជាតិសរសៃដ៏ច្រើន មានជាតិខ្លាញ់តិច ព្រមទាំងមានផ្ទុកវីតាមីនច្រើនប្រភេទទៀតផង។ ទន្ទឹមនឹងនេះ ការស្រាវជ្រាវក៏បានរកឃើញថា ទំពាំងមានសមត្ថភាពទប់ស្កាត់បញ្ហាលើសខ្លាញ់ ឡើងទម្ងន់ លើសជាតិស្ករ និងជំងឺមហារីក ហើយអាចទប់ទល់នឹងអុកស៊ីតកម្ម និងកម្ចាត់មេរោគផងដែរ។

ទំពាំងឫស្សីអាចត្រូវបានកែច្នៃទៅតាមវិធីផ្សេងៗ ក្នុងនោះមានជាអាទិ៍ ទំពាំងជ្រក់ ទំពាំងក្រៀម ទឹកទំពាំងកៀប និងម្សៅទំពាំង ឬចម្អិនជាអាហារដូចទៅនឹងបន្លែដទៃ។ល។

ការសិក្សាស្រាវជ្រាវបានឱ្យដឹងថា ក្នុងចំណោមឫស្សី 800 ប្រភេទដែលត្រូវបានរកឃើញនៅប្រទេសចិន គឺមានតែ 153 ប្រភេទប៉ុណ្ណោះដែលអាចបរិភាគបាន។

March 29, 2024

Shell បិទទ្វារស្ថានីយប្រេងសាំង 1,000 កន្លែង ដើម្បីងាកទៅរកស្ថានីយសាកថ្មរថយន្តអគ្គិសនី

ក្រុមហ៊ុនប្រេងឥន្ធនៈ Shell កំពុងរកវិធីបិទទ្វារស្ថានីយលក់រាយប្រេងសាំងរហូតដល់ 1,000 កន្លែង ក្នុងពេលឆាប់ៗខាងមុខ ដើម្បីងាកទៅរកស្ថានីយបញ្ចូលថាមពលសម្រាប់រថយន្តអគ្គិសនី ដែលពិភពលោកកំពុងនាំគ្នាជំរុញយ៉ាងខ្លាំងក្លា។

នៅក្នុងរបាយការណ៍ថ្មីបំផុតរបស់ខ្លួន ក្រុមហ៊ុន Shell ដែលមានទីស្នាក់ការនៅចក្រភពអង់គ្លេស បានឱ្យដឹងថា ខ្លួនមានគម្រោងបិទទ្វារទីតាំងលក់រាយប្រេងសាំងចំនួន 500 កន្លែង/ឆ្នាំ សម្រាប់ឆ្នាំ 2024 និង 2025។ ជំនួសមកវិញ ក្រុមហ៊ុននេះគ្រោងនឹងផ្ដោតទៅលើការពង្រីកបណ្ដាញស្ថានីយបញ្ចូលថាមពលសម្រាប់រថយន្តអគ្គិសនី ហើយសង្ឃឹមថា ចំនួនស្ថានីយសាកថ្មរថយន្តអគ្គិសនីរបស់ខ្លួននឹងកើនដល់ 200,000 កន្លែងនៅក្នុងឆ្នាំ 2030 ច្រើនជាងឆ្ងាយបើធៀបនឹង 54,000 កន្លែង នាបច្ចុប្បន្ន។

Shell ក៏កំពុងតែមានផែនការវិនិយោគពី 10 ទៅ 15 ពាន់លានដុល្លារអាម៉េរិក ទៅក្នុងបណ្ដាគម្រោងដែលបំភាយឧស្ម័នកាបូនកម្រិតទាបផងដែរ។

នៅសហរដ្ឋអាម៉េរិក ក្រុមហ៊ុនដែលកំពុងនាំមុខគេក្នុងវិស័យបញ្ចូលថាមពលល្បឿនលឿនសម្រាប់រថយន្តអគ្គិសនី ដែលហៅថា Supercharger គឺ Tesla ដោយរួមចំណែករហូតដល់ 61.7% នៃបណ្ដាញសាកថ្ម EV នៅលើទឹកដីនេះ ខណៈដែល Shell Recharge របស់ក្រុមហ៊ុនអង់គ្លេសនៅសហរដ្ឋអាម៉េរិកវិញ មានចំណែកប្រមាណ 1.7% ប៉ុណ្ណោះ នៅក្នុងវិស័យនេះ។

March 21, 2024

ឱសថមានប្រសិទ្ធភាពដូចការហាត់ប្រាណ ជិតមានក្នុងទីផ្សារ!

ក្រុមអ្នកស្រាវជ្រាវឱ្យដឹងថា ពួកគេកំពុងតែឆ្ពោះទៅជិតដល់គោលដៅនៃការអភិវឌ្ឍជោគជ័យនូវប្រភេទថ្នាំដែលមានប្រសិទ្ធភាពដូចទៅនឹងការហាត់ប្រាណ។

យោងតាមទំព័រ Newsweek ចុះផ្សាយកាលពីថ្ងៃទី 18 ខែមីនា ឆ្នាំ 2024 នៅក្នុងកិច្ចប្រជុំរបស់សមាគមគីមីសាស្ត្រអាម៉េរិក (ACS) ក្រុមអ្នកវិទ្យាសាស្ត្របានបង្ហាញប្រភេទថ្នាំដែលពួកគេកំពុងអភិវឌ្ឍ។ ថ្នាំនេះមានផ្ទុកសមាសធាតុដែលមានប្រសិទ្ធភាពប្រហាក់ប្រហែលនឹងការហាត់ប្រាណ។

នៅពេលហាក់ប្រាណ រាងកាយនឹងធ្វើឱ្យមានប្រតិកម្មគីមី ដែលហៅថា មេតាបូលីស។ នៅពេលលេបថ្នាំដែលមានឈ្មោះថា SLU-PP-332 នេះ រាងកាយអ្នកលេបនឹងមានប្រតិកម្មគីមីដូចទៅនឹងការហាត់ប្រាណ។

លទ្ធផលនៃការពិសោធលើសត្វកណ្ដុរបង្ហាញថា ថ្នាំនេះជួយពង្រឹងសរសៃសាច់ដុំ កាត់បន្ថយអាការអស់កម្លាំង និងកែលម្អសុខភាពរបស់សត្វកណ្ដុរ។ ការស្រាវជ្រាវក្រោយមក បានផ្ដោតទៅលើការបង្កើនប្រសិទ្ធភាពនៃស្ថិរភាព និងកាត់បន្ថយហានិភ័យកើតមានជាតិពុលរបស់ថ្នាំ។

ទោះជាយ៉ាងណាក៏ដោយ ក្រុមអ្នកស្រាវជ្រាវឱសថនេះក៏មិនលើកទឹកចិត្តឱ្យប្រើប្រាស់ថ្នាំ SLU-PP-332 ជំនួសឱ្យការហាត់ប្រាណ។ ឱសថនេះផ្ដោតទៅលើតែក្រុមមនុស្សដែលបាត់បង់លទ្ធភាពបញ្ចេញកម្លាំងដោយសារតែបញ្ហាសុខភាព ក៏ដូចជាការបង្កើនប្រសិទ្ធភាពនៃការធ្វើលំហាត់ប្រាណរបស់មនុស្សចាស់ អ្នកស្វិតសាច់ដុំ ឬមានជំងឺប្រចាំកាយណាមួយ។

លោក Bahaa Elgendy សាស្ត្រាចារ្យប្រចាំសាលាវេជ្ជសាស្ត្រនៃសាកលវិទ្យាល័យ Washington ដែលជាប្រធានក្រុមស្រាវជ្រាវនេះ ឱ្យដឹងថា បើសិនជាជោគជ័យក្នុងការអភិវឌ្ឍថ្នាំនេះ ក្រុមអ្នកវិទ្យាសាស្ត្រអាចរកវិធីព្យាបាលជំងឺមួយចំនួន មានជាអាទិ៍ ជំងឺខ្សោយសរសៃប្រសាទ និងខ្សោយបេះដូងជាដើម។

SLU-PP-332 និងសមាសធាតុផ្សេងទៀត ក៏ត្រូវបានគេជឿថា មានប្រសិទ្ធភាពក្នុងការទប់ស្កាត់ជំងឺខ្សោយតម្រងនោម ខ្សោយបេះដូង លើសទម្ងន់ និងជំងឺភ្លេចភ្លាំង (Alzheimer) ទៀតផង។

March 21, 2024

រថយន្ត Ford Ranger 2024 បានបង្ហាញខ្លួនក្នុងទីផ្សារប្រទេសកម្ពុជាហើយ!

កាលពីថ្ងៃទី ១៥ ខែមីនា ឆ្នាំ២០២៤ ផ្នែកលក់រថយន្ត ហ្វដ នៃក្រុមហ៊ុន អ អិម អេ (ខេមបូឌា) – RMA (Cambodia) PLC បានធ្វើពិធីដាក់បង្ហាញជាផ្លូវការរថយន្ត Ford Ranger ស៊េរីឆ្នាំ2024 ក្រោមអធិបតីភាពរបស់ លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) និងលោក David Jeffrey នាយកគ្រប់គ្រងប្រចាំតំបន់ទីផ្សារអាស៊ីប៉ាស៊ីហ្វិក និងកូរ៉េខាងត្បូង នៃក្រុមហ៊ុន Ford Motor Company រួមទាំងគណៈគ្រប់គ្រង បុគ្គលិកនៃក្រុមហ៊ុន អ អិម អេ (ខេមបូឌា) ភ្ញៀវកិត្តិយស អតិថិជនហ្វដ និងមិត្តអ្នកសារព័ត៌មានចូលរួមប្រមាណជាង 2,000 នាក់ នៅមជ្ឈមណ្ឌល ដឹ ព្រេមៀ សេនធ័រ សែនសុខ – The Premier Center Sen Sok ។

នៅវេលាម៉ោង ៩ព្រឹក ដល់ ៤ល្ងាច គឺមានការបើកបរសាកល្បងសម្រាប់រថយន្ត Ford Ranger ស៊េរីឆ្នាំ2024 ដែលមានការបង្ហាញអំពីបច្ចេកវិទ្យាទំនើបៗដែលមានបំពាក់ក្នុងរថយន្ត រួមទាំងធ្វើការបង្ហាញនូវសមត្ថភាពជើងក្រោម និង កម្លាំងនៃម៉ាស៊ីនម៉ាស៊ូត 2.0L Bi-Turbo ដែលផ្តល់នូវផាសុកភាពក្នុងការបើកបរ និងបច្ចេក វិទ្យាទំនើបផ្សេងៗទៀតរបស់រថយន្ត Ford Ranger ស៊េរីឆ្នាំ2024។ ជាពិសេស អតិថិជនដែលបានចូលរួមក៏មានការលេងល្បែងកម្សាន្ត និងទទួលបានកាដូវត្ថុអនុសាវរីន៏ជាច្រើនទៀតពីក្រុមហ៊ុន ហ្វដ។ មិនតែប៉ុណ្ណោះ រថយន្ត Ford Ranger Wildtrak ស៊េរីឆ្នាំ2024 និងរថយន្ត Ford Ranger XLT ស៊េរីឆ្នាំ2024 ក៏មានបំពាក់នូវឈ្នាន់ជាន់ជើងផ្នែកចំហៀងខាងក្រោយ ដែលបង្កភាពងាយស្រួលក្នុងការឡើងចុះរថយន្ត ដោយពុំចាំបាច់ឡើងតាមកង់រថយន្តនោះទេ។

ជាកិច្ចចាប់ផ្តើមកម្មវិធី លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) បានមានប្រសាសន៍ ថា៖ “ក្រុមហ៊ុន អ អិម អេ (ខេមបូឌា) គឺជាក្រុមហ៊ុនមួយដែលឈានមុខគេក្នុងទីផ្សាររថយន្តថ្មី ហើយភាពពេញនិយម និងភាពល្បីល្បាញនេះ ដោយសារតែទទួលបានការគាំទ្រ ពីសំណាក់បងប្អូនប្រជាពលរដ្ឋកម្ពុជាមកលើរថយន្ត Ford Ranger និងភាពជឿជាក់ទៅលើគុណភាព និងសេវាកម្មផ្តល់ជូនអតិថិជន។”

លោក David Jeffrey នាយកគ្រប់គ្រងប្រចាំតំបន់ទីផ្សារអាស៊ីប៉ាស៊ីហ្វិក និងកូរ៉េខាងត្បូង នៃក្រុមហ៊ុន Ford Motor Company បានមានប្រសាសន៍ថា៖ “រថយន្ត Ford Ranger គឺជាដៃគូដ៏មានទំនុក ចិត្តសម្រាប់អតិថិជនដែលប្រើប្រាស់ជាលក្ខណៈគ្រួសារ ការងារ ប្រកបអាជីវកម្ម និងជាពិសេស សម្រាប់អ្នកចូលចិត្តធ្វើដំណើរកម្សាន្តបែបផ្សងព្រេងជាដើម។ ការលក់របស់រថយន្ត Ford Ranger ត្រូវបានគ្របដណ្តប់លើទីផ្សារជាង ១៨០ ប្រទេសជុំវិញពិភពលោក ហើយសម្រាប់រថយន្ត Ford Ranger ស៊េរីថ្មីនេះ គឺនៅតែបន្តផ្តល់នូវភាពរឹងមាំ បច្ចេកវិទ្យាទំនើប និងប្រព័ន្ធសុវត្ថិភាពខ្ពស់លើសគេ ដែលបង្កភាពងាយស្រួលដល់អតិថិជនទាំងអស់ ក្នុងការបំពេញកិច្ចការងារផ្សេងៗរបស់ខ្លួន។ ខ្ញុំសូមថ្លែងអំណរគុណចំពោះអតិថិជន ហ្វដ ទាំងអស់ដែលបន្តគាំទ្រ និងជឿជាក់ទៅលើគុណភាព ប្រព័ន្ធសុវត្ថិភាព និងបច្ចេកវិទ្យារបស់រថយន្ត ហ្វដ។”

Ford Ranger ស៊េរីឆ្នាំ 2024 ត្រូវបានរចនាឡើងដោយកំណត់យកបទដ្ឋាន «Built Ford Tough» ដែលផ្តោតសំខាន់លើ ភាពធន់ រឹងមាំ ហាប់ណែន ទំនើបទាន់សម័យ និងប្រកបដោយផាសុកភាព ដែលជាគំនិតមួយដែលទទួលបានការគាំទ្រយ៉ាងច្រើនពីសំណាក់អតិថិជន។ លើសពីនេះទៅទៀត រថយន្ត Ford Ranger ស៊េរីឆ្នាំ 2024 ក៏នៅតែបន្តបំពាក់ដោយបច្ចេកវិទ្យាឆ្លាតវៃជាច្រើន ដើម្បីបង្កនូវភាពងាយស្រួលដល់អតិថិជនដូចជា កុងទ័រឌីជីថល 8អ៊ីញដែលផ្តល់ទិន្នន័យផ្សេងៗ រួមទាំងជម្រើស Mode ទៅតាមស្ថានភាពផ្លូវចំនួន ៦ រួមមាន Normal, Eco, Tow/Hual, Slippery, Mud/Ruts, និង Sand, អេក្រង់ Multi-Touchscreen 12អ៊ីញ ដែលភ្ជាប់ជាមួយបច្ចេកវិទ្យា SYNC4A ដែលអាចភ្ជាប់ជាមួយនឹង Apple Carplay និង Android Auto តាមរយៈ Wireless និងកាមេរ៉ា 360^o រួមជាមួយប្រព័ន្ធសាកថ្មទូរស័ព្ទឥតខ្សែ និងប្រព័ន្ធចាប់ហ្វ្រាំងដោយស្វ័យប្រវត្តនៅពេលឈប់ស្តុប (Auto Hold) ។ល។

ពិសេសជាងនេះទៅទៀត រថយន្ត Ford Ranger ស៊េរីឆ្នាំ 2024 ក៏នៅតែផ្តល់នូវប្រព័ន្ធសុវត្ថិភាពទំនើបៗចុងក្រោយ ដើម្បីសម្រួលដល់ការបើកបររបស់អតិថិជន ដូចជាប្រព័ន្ធចង្កៀងឆ្លាតវៃដែលអាចរេតាមចង្កូត និងបែងចែកពន្លឺដោយស្វ័យប្រវត្ត ប្រព័ន្ធផ្តល់សញ្ញាគ្រោះថ្នាក់ពេលមានឧបសគ្គ ឬអ្នកថ្មើរជើងឆ្លងកាត់ និងប្រព័ន្ធចាប់ហ្រ្វាំងជាបន្ទាន់ដោយស្វ័យប្រវត្ត ប្រព័ន្ធជំនួយលើដៃចង្កូតបញ្ចៀសចេញពីគ្រោះថា្នក់ ប្រព័ន្ធចាប់ហ្រ្វាំងបន្ទាន់ក្រោយពេលមានការប៉ះទង្គិច ប្រព័ន្ធផ្តល់សញ្ញាគ្រោះថ្នាក់ និងប្រព័ន្ធចាប់ហ្រ្វាំងជាបន្ទាន់ដោយស្វ័យប្រវត្ត នៅពេលថយក្រោយ និងប្រព័ន្ធឆ្លាតវៃជាច្រើនទៀត ដើម្បីផ្តល់នូវទំនុកចិត្តដល់អតិថិជន។

រថយន្ត Ford Ranger Wildtrak ស៊េរីឆ្នាំ 2024 មានជម្រើសពណ៌ចំនួន ៦ពណ៌ ដើម្បីជាជម្រើសដល់អតិថិជន រួមមានពណ៌លឿងទុំ ពណ៌ទឹកក្រូច ពណ៌ខ្មៅ ពណ៌ប្រផេះ ពណ៌ទឹកប្រាក់ និងពណ៌ស និងរថយន្ត Ford Ranger XLT ស៊េរីឆ្នាំ2024 មានជម្រើសពណ៌ចំនួន ៦ពណ៌ ដូចគ្នា សម្រាប់ជាជម្រើសដល់អតិថិជន រួមមានពណ៌ខៀវ ពណ៌ទឹកក្រូច ពណ៌ខ្មៅ ពណ៌ប្រផេះ ពណ៌ទឹកប្រាក់ និងពណ៌ស ។ សម្រាប់តម្លៃនៃរថយន្ត Ford Ranger Wildtrak ស៊េរីឆ្នាំ 2024 គឺ $55,900 និងរថយន្ត Ford Ranger XLT ស៊េរីឆ្នាំ 2024 គឺ $46,900។ សូមទំនាក់ទំនងផ្នែកលក់តាមសាខានីមួយៗ: សាខាព្រះមុនីវង្ស 078 999 773, សាខាទឹកថ្លា 095 939 939, សាខាទូលសង្កែ 078 935 935, សាខាជ្រោយចង្វារ 017 999 027, សាខាខេត្តសៀមរាប 077 666 357 ឬ 088 9 666 357, សាខាខេត្តកំពង់ចាម 078 999 883 ឬ 088 3 999 883, សាខាភ្នំពេញថ្មី 011 255 229 / 077 722 999 និងសាខាបឹងបៃតង 099 999 747។

March 18, 2024

កំណប់ 1.1 លានឆ្នាំ ធ្វើឱ្យប្រវត្តិសាស្ត្រមនុស្សជាតិត្រូវចារឡើងវិញ

មនុស្សសម័យបុរាណ បានមកដល់ដែនដីមួយដែលបច្ចុប្បន្នជាប្រទេសចិន ឆាប់ជាងច្រើន បើធៀបនឹងការរកឃើញកន្លងមក និងមានបច្ចេកវិទ្យាជឿលឿនខ្លាំង។

ការសិក្សាស្រាវជ្រាវមួយដែលដឹកនាំដោយសាស្ត្រាចារ្យ PEI Shuwen មកពីសភាវិទ្យាសាស្ត្រចិន និងសាស្ត្រាចារ្យ Ignacio de la Torre មកពីវិទ្យាស្ថានប្រវត្តិសាស្ត្រ នៃក្រុមប្រឹក្សាស្រាវជ្រាវអេស្ប៉ាញ បានធ្វើឱ្យមានការប្រែប្រួលនូវពេលវេលានៃការវិវឌ្ឍរបស់មនុស្សជាតិ ដែលបានចារនាពេលកន្លង។

យោងតាមអត្ថបទនៅលើទស្សនាវដ្ដីវិទ្យាសាស្ត្រ PNAS ពួកគេបានវិភាគទៅលើឃ្លាំងវត្ថុបុរាណមួយដ៏មានតម្លៃ ដែលត្រូវបានរកឃើញនៅតំបន់ Nihewan ស្ថិតក្នុងខេត្ត Hunan ប្រទេសចិន និងរកឃើញថា ពួកវាមានអាយុកាល 1.1 លានឆ្នាំទៅហើយ។

អ្វីដែលគួរឱ្យភ្ញាក់ផ្អើលជាងនេះ គឺថា បច្ចេកវិទ្យាដែលបានប្រើប្រាស់សម្រាប់ច្នៃឧបករណ៍នានាក្នុងយុគថ្ម (Stone Age) គឺ Mode 2 ជាវិធីសាស្ត្រច្នៃឧបករណ៍ដែលទំនើបជាងយុគដំបូងដែលហៅថា Mode 1។

Mode 2 មានចំណុចពិសេស ព្រោះបច្ចេកទេសឆ្លាក់នៅលើដុំថ្មប្រកបដោយការយកចិត្តទុកដាក់ ហើយដំណាក់កាលនៃការផលិតត្រូវបានធ្វើឱ្យមានស្តង់ដា។ ក្រៅពីនេះ ឧបករណ៍មួយចំនួនថែមទាំងមានរន្ធខួងផងដែរ។

យោងតាម SciTech Daily បុរាណវិទូក៏បានរកឃើញបំណែកថ្មដែលបែកចេញពីឧបករណ៍ ជាមួយនឹងភាពស៊ីគ្នា ដែលបញ្ជាក់អំពីស្តង់ដានេះ។

Mode 2 គឺជាជំហានដ៏លេចធ្លោនៅក្នុងបច្ចេកវិទ្យារបស់មនុស្សសម័យដំបូង ដោយមានភាពស្មុគស្មាញ និងមានប្រសិទ្ធភាពក្នុងការប្រើប្រាស់ជាងឆ្ងាយ បើធៀបនឹង Mode 1។

កន្លងមក គេជឿថា ក្នុងមួយរយៈពេលវែង បច្ចេកវិទ្យានៅតំបន់អាស៊ីខាងកើត នៅតែប្រើប្រាស់វិធីសាស្ត្រច្នៃឧបករណ៍បែប Mode 1។

ការរកឃើញខាងលើ នាំមកនូវទិន្នន័យថ្មីសំខាន់ចំនួនពីរ៖

*ទីមួយ មនុស្សបុរាណច្រើនអំបូរបានបង្ហាញវត្តមាននៅអាស៊ីខាងកើត ដែលបច្ចុប្បន្នគឺជាប្រទេសចិន ឆាប់ជាងឆ្ងាយ បើធៀបនឹងការយល់ដឹងកន្លងមក។

*ទីពីរ ពួកមានបច្ចេកវិទ្យាជឿលឿនខ្លាំង ដែលអាចអភិវឌ្ឍសមត្ថភាពច្នៃឧបករណ៍ Mode 2 ឆាប់ជាងយ៉ាងតិចបំផុត 300,000 ឆ្នាំ បើធៀបនឹងទិន្នន័យនៃការសិក្សាស្រាវជ្រាវចាស់។

ដូច្នេះ អាស៊ីខាងកើតអាចមិនមែនជាតំបន់ដំបូងគេលើផែនដី ដែល Mode 2 បង្ហាញវត្តមាន ប៉ុន្តែគឺជាមួយក្នុងចំណោមតំបន់ដែលមនុស្សបាននាំបច្ចេកវិទ្យានេះមករស់នៅឆាប់ជាងគេ។ មូលហេតុនេះហើយ ប្រវត្តិសាស្ត្ររបស់មនុស្សជាតិ អាចត្រូវសរសេរឡើងវិញម្ដងទៀត៕

March 18, 2024

ក្រុមហ៊ុន RMA Cambodia បានប្រារព្ធពិធីសម្ពោធជាផ្លូវការទីតាំងប្រគល់រថយន្ត ហ្វដ លំដាប់អន្តរជាតិ

ក្រុមហ៊ុន អ អិម អេ (ខេមបូឌា) – RMA Cambodia ដែលជាក្រុមហ៊ុននាំចូល និងចែកចាយផ្តាច់មុខនូវរថយន្ត ហ្វដ មកកាន់ទីផ្សារព្រះរាជាណាចក្រកម្ពុជា បានប្រារព្ធពិធី “សម្ពោធជាផ្លូវការទីតាំងប្រគល់រថយន្ត ហ្វដ សាខាបឹងបៃតង” ក្រោមអធិបតីភាពរបស់ លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) និងលោក David Jeffrey នាយកគ្រប់គ្រងប្រចាំតំបន់ទីផ្សារអាស៊ីប៉ាស៊ីហ្វិក និងកូរ៉េខាងត្បូង នៃក្រុមហ៊ុន Ford Motor Company រួមទាំងគណៈគ្រប់គ្រង បុគ្គលិកនៃក្រុមហ៊ុន អ អិម អេ (ខេមបូឌា) ភ្ញៀវកិត្តិយស អតិថិជនហ្វដ និងមិត្តអ្នកសារព័ត៌មានប្រមាណជាង ២០០ នាក់។

លោក ងន សាំង អគ្គនាយកនៃក្រុមហ៊ុន អ អិម អេ (ខេមបូឌា) បានមានប្រសាសន៍ថា៖ “ក្រុមហ៊ុន អ អិម អេ ជាក្រុមហ៊ុនដែលមានចំណែកទីផ្សាររថយន្តថ្មីធំជាងគេនៅក្នុងប្រទេសកម្ពុជា ដែលទទួលបានចំណាត់ថ្នាក់លេខ១ អស់រយៈពេល៥ឆ្នាំជាប់ៗគ្នា គិតចាប់ពីឆ្នាំ ២០១៩ មកដល់ពេលបច្ចុប្បន្ន។ កត្តាដែលធ្វើអោយយើងទទួលបានចំណែកទីផ្សារលេខ១នេះ មិនមែនដោយសារតែការលក់រថយន្តថ្មី តែមួយមុខប៉ុណ្ណោះទេ ប៉ុន្តែគឺដោយសារគុណភាពនៃសេវាកម្មដែលផ្តល់ជូនទៅកាន់អតិថិជន ដូចជាមជ្ឈមណ្ឌលផ្តល់សេវាកម្មថែទាំ និងជួសជុលរថយន្តគ្រប់ខេត្តក្រុង សេវាជំនួយជួសជុលចល័តដល់កន្លែង ២៤ម៉ោង ទទួលបានអត្ថប្រយោជន៍ និងព័ត៌មានផ្សេងៗពីកម្មវិធី Ford Cambodia Mobile App ចំណេញពេលវេលា និងថវិការក្នុងការប្តូរប្រេងម៉ាស៊ីន (រៀងរាល់ 10,000km ម្តង) មាន‍ឱកាសចូលរួមដំណើរកម្សាន្តគ្រួសារ ហ្វដ ជារៀងរាល់ឆ្នាំ និងសេវាកម្មទទួលយករថយន្តចាស់ផ្លាស់ប្តូរយករថយន្តថ្មីជាដើម។ លើសពីនេះទៅទៀត យើងក៏មានបង្កើតនូវការិយាល័យទំនាក់ទំនងអតិថិជន (Call Center) ដែលមានតួនាទីផ្តល់ប្រឹក្សាយោបល់អំពីចម្ងល់ផ្សេងៗទៅកាន់អតិថិជន មិនអោយលើសពី ១៥នាទី។”

លោក ងន សាំង ក៏បានមានប្រសាសន៍បន្ថែមទៀតថា៖ “ទីតាំងប្រគល់រថយន្ត ហ្វដ នេះ គឺជាមជ្ឈមណ្ឌលប្រគល់រថយន្តធំជាងគេ និងដំបូងគេបង្អស់ក្នុងទីផ្សារប្រទេសកម្ពុជាយើង នៅពេលដែលអតិថិជនចូលមកក្នុងទីតាំងប្រគល់រថយន្តនេះ នោះអតិថិជននឹងមានអារម្មណ៍ហាក់ដូចជា កន្លែងតាំងបង្ហាញរថយន្ត ឬការិយាល័យ ឬក៏ជាហាងកាហ្វេដ៏ធំមួយ ដែលមានកន្លែងអង្គុយបំពាក់នូវគ្រឿងបរិក្ខារទំនើបៗ ផ្តល់នូវផាសុកភាព និងភាពងាយស្រួលដល់អតិថិជនដែលមកទទួលយករថយន្តនៅទីនេះ ដើម្បីទទួលបាននូវបទពិសោធន៍ថ្មី និងសេវាកម្មប្រកបដោយទំនុកចិត្ត ពីក្រុមហ៊ុន អ អិម អេ និងក្រុមហ៊ុន ហ្វដ។”

លោក David Jeffrey នាយកគ្រប់គ្រងប្រចាំតំបន់ទីផ្សារអាស៊ីប៉ាស៊ីហ្វិក និងកូរ៉េខាងត្បូង នៃក្រុមហ៊ុន Ford Motor Company បានមានប្រសាសន៍ថា៖ “ការសម្ពោធជាផ្លូវការនូវទីតាំងប្រគល់រថយន្ត ហ្វដ នេះ គឺជាព្រឹត្តិការណ៍ដ៏សំខាន់មួយរបស់ក្រុមហ៊ុន អ អិម អេ ខេមបូឌា តាមរយៈការបង្តើតនូវស្តង់ដារគុណនៃការប្រគល់រថយន្តលំដាប់អន្តរជាតិដំបូងគេបំផុតសម្រាប់ទីផ្សារប្រទេសកម្ពុជា។ យើងចង់ឱ្យអតិថិជនរបស់យើងមានអារម្មណ៍ថាកក់ក្តៅ និងមានទំនុកចិត្តលើរថយន្តរបស់ពួកគាត់ ជាពិសេសទទួលបានការណែនាំ និងការពន្យល់អំពីរបៀបប្រើប្រាស់មុខងាររថយន្ត បច្ចេកវិទ្យា ក៏ដូចជាប្រព័ន្ធសុវត្ថិភាពផ្សេងៗនៅក្នុងរថយន្តថ្មីរបស់ពួកគាត់ មុនពេលពួកគាត់បើកបររថយន្តនៅលើដងផ្លូវ។”

គួរបញ្ជាក់ផងដែរថា ទីតាំងប្រគល់រថយន្តថ្មីនេះ លាតសន្ធឹងលើផ្ទៃដីទំហំ ៦,៥៧៥ ម៉ែត្រការ៉េ ដែលមានទីតាំងប្រគល់រថយន្តធំ ស្តង់ដារអន្តរជាតិ ចំនួន ១២កន្លែង ដែលមានសមត្ថភាពអាចប្រគល់រថយន្តបានចំនួនច្រើនគ្រឿងក្នុងពេលតែមួយ។ ទីតាំងប្រគល់រថយន្ត ហ្វដ សាខាបឹងបៃតងនេះ គឺមានអាស័យដ្ឋានស្ថិតនៅតាមបណ្តោយវិថីឧកញ៉ាម៉ុងរិទ្ធី (ក្បែរផ្សារបឹងបៃតង) ភូមិត្រពាំងស្វាយ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។ សម្រាប់ព័ត៌មានផ្នែកលក់ សូមទំនាក់ទំនងតាមលេខទួរស័ព្ទ 099 999 747 និងសម្រាប់ផ្នែកសេវាកម្ម សូមទំនាក់ទំនង 078 992 992។

March 16, 2024

TikTok ជិតបង្ហាញវត្តមាន TikTok Photos ដែលជាអែបចែករំលែករូបថតដាច់ដោយឡែក

ថ្មីៗនេះ អ្នកស្រាវជ្រាវផ្នែកបច្ចេកវិទ្យាម្នាក់ដែលមានគណនី X ឈ្មោះ @AssembleDebug បានរកឃើញកូដអាថ៌កំបាំង ដែលណែនាំអំពីកម្មវិធីថ្មីមួយមានឈ្មោះថា «TikTok Photos» គ្រាដែលកំពុងបកស្រាយកូដកំណែបន្ទាន់សម័យ TikTok ថ្មីបំផុត។ ប្រការនេះបង្ហាញថា TikTok ទំនងជាកំពុងត្រៀមបង្ហាញវត្តមាន អែបចែករំលែករូបថតដាច់ដោយឡែក។

ព័ត៌មានលម្អិតអំពីការបង្ហាញវត្តមាន និងប្រសិទ្ធភាពរបស់ អែប អាថ៌កំបាំងនេះ ត្រូវបាន TikTok រក្សាការសម្ងាត់។ ក៏ប៉ុន្តែ ការវិភាគទៅលើហ្វាល APK បង្ហាញថា បណ្ដាកូដដែលមានដូចជា «បើក TikTok Photos» ឬ «ចែករំលែកទៅកាន់ TikTok Photos» ជាដើម បានបញ្ជាក់ថា អ្នកប្រើប្រាស់អាចធ្វើសមកាលកម្មបណ្ដាអត្ថបទ រូបថតដែលបានបង្ហោះបច្ចុប្បន្នពី TikTok ជាមួយនឹង TikTok Photos ក្នុងក្របខណ្ឌមានជម្រើស។

បច្ចុប្បន្ន TikTok គឺជាបណ្ដាញសង្គមចែករំលែកវីដេអូដ៏ធំមួយ ហើយវាក៏អនុញ្ញាតឱ្យអ្នកប្រើប្រាស់ចែករំលែករូបថតបែបវីដេអូ ឬរូបដែលបញ្ចូលចម្រៀងផងដែរ។

ការបង្ហាញវត្តមានរបស់ TikTok Photos បង្ហាញថា បុត្រសម្ព័ន្ធរបស់ក្រុមហ៊ុនចិន Bytedance កំពុងឆ្ពោះទៅ រកការប្រកួតប្រជែងជាមួយនឹង Instagram របស់ក្រុមហ៊ុនអាម៉េរិក Meta។

March 13, 2024

រដូវរងា «កំពុងវិលមកវិញ»៖ ជិតដល់ចុងខែមីនា នឹងមានរដូវត្រជាក់ថ្មី ចំពេលវេលាពិសេស!

បើទោះជាក្នុងខែនេះ អាកាសធាតុនៅតំបន់ភាគច្រើន បាន និងកំពុងឡើងកម្ដៅ ប៉ុន្តែ ក្រុមអ្នកវិទ្យាសាស្ត្រផ្នែកឧតុនិយមបានណែនាំថា គ្រប់គ្នាពុំគួរប្រញាប់បត់ទុកសម្លៀកបំពាក់ក្រាស់ៗនោះទេ។

Mark Margavage អ្នកជំនាញផ្នែកឧតុនិយមអាម៉េរិក ថ្មីៗនេះអះអាងថា «រដូវត្រជាក់ទីពីរ (របស់ឆ្នាំ 2023 – 2024) កំពុងវិលមកវិញ»។

អ្នកជំនាញខាងលើនិយាយថា បណ្ដារូបមន្ត ឬកម្មវិធីម៉ូដែលព្យាកររបស់កុំព្យូទ័រល្បីៗ ដែលមានដូចជា GFS និង EPS ជាដើម សុទ្ធតែយល់ថា នឹងមានរដូវ «ផ្ទុះប៉ូលខាងជើង» មួយ កើតឡើងក្នុងពេលឆាប់ៗនេះ។

រដូវ «ផ្ទុះប៉ូលខាងជើង» គឺជាខ្យល់អាកាសត្រជាក់ខ្លាំង ដែលតែងតែមានប្រភពពីតំបន់ Siberia របស់ទ្វីបអាស៊ី ធ្វើដំណើរចុះមកទិសខាងត្បូង ហើយអាចប៉ះពាល់ដល់ប្រទេសជាច្រើននៅអឌ្ឍគោលខាងជើង។

លោក Margavage ឱ្យដឹងថា ប្រព័ន្ធព្យាករបែបបញ្ញាសិប្បនិម្មិត (AIFS) ក៏បានព្យាករដូច GFS និង EPS ផងដែរ។ ប្រព័ន្ធនេះបានបញ្ជាក់ថា មួយក្នុងចំណោមបណ្ដារដូវ «ផ្ទុះប៉ូលខាងជើង» ដែលខ្លាំងក្លាបំផុតរបស់រដូវរងាឆ្នាំ 2023 – 2024 ជិតកើតឡើង។

ឆាប់ៗនេះ រដូវត្រជាក់ទីពីររបស់ឆ្នាំ 2023-2024 នឹងកើតឡើងនៅអឌ្ឍគោលខាងជើង ក្នុងនោះមាន កម្ពុជា ផងដែរ

មិនត្រឹមតែប៉ុណ្ណោះ បណ្ដាប្រព័ន្ធព្យាករឧតុនិយមខាងលើ ក៏បញ្ជាក់ថា រដូវ «ផ្ទុះប៉ូលខាងជើង» ដែលជិតកើតមាន នឹងកើតឡើងចំដំណាក់កាលចាប់ផ្ដើមនៃរដូវផ្ការីក។ ហេតុនេះហើយ ទើបក្រុមអ្នកឧតុនិយមរបស់លោកខាងលិច យល់ថា «រដូវរងាទីពីរ» នឹងចូលមកជំនួសកន្លែងរបស់រដូវផ្ការីកនាឆ្នាំនេះ។

យោងតាមទំព័រ Time and Date ដំណាក់កាលចាប់ផ្ដើមរដូវផ្ការីករបស់ប្រទេសខ្លះនៅទ្វីបអាស៊ី នឹងចាប់ផ្ដើមនៅវេលាម៉ោងប្រហែល 10 ថ្ងៃទី 20 មីនា។ តាមការព្យាករឧតុនិយមបច្ចុប្បន្ន នៅក្នុងថ្ងៃនោះ អាកាសធាតុក្នុងប្រទេសខ្លះ ក្នុងនោះក៏មានកម្ពុជាផងដែរ នឹងត្រូវប្រែប្រួល៖ សីតុណ្ហភាពថយចុះ និងមានភ្លៀងតិចតួច ខុសបន្តិចធៀបនឹងដំណាក់កាលមុននោះ។ ក៏ប៉ុន្តែ សីតុណ្ហភាពពេលនោះនឹងធ្លាក់ចុះខ្លាំងនៅតំបន់ភាគខាងជើងនៃអឌ្ឍគោលខាងជើង៕

March 9, 2024

Tag: វិធី