កូវីដ ១៩ - La Reine Media

Covid-19 នៅ ASEAN គិតត្រឹមដំណាច់ថ្ងៃទី 19 មករា

January 20, 2021 by សឿន សំណាង

ក្នុងថ្ងៃទី 19 មករា បណ្ដាប្រទេសនៅក្នុងតំបន់ ASEAN បានរកឃើញអ្នកវិជ្ជមាននឹង Covid-19 ជាង 16,000 នាក់ ខណៈតួលេខអ្នកស្លាប់ថ្មីកើនលើសពី 300 នាក់។ យោងតាមស្ថិតិរបស់ទំព័រ Worldometers គិតត្រឹមម៉ោង 23 និង 59 នាទី ថ្ងៃទី 19 មករា បណ្ដាប្រទេសក្នុងសមាគមប្រជាជាតិអាស៊ីអាគ្នេយ៍ បានរកឃើញអ្នកវិជ្ជមាននឹង Covid-19 សរុបចំនួន 1,806,077 នាក់ ក្នុងនោះមានអ្នកស្លាប់សរុប 40,310 នាក់ និងអ្នកជាសះស្បើយ 1,534,045 នាក់។ ក្នុងរយៈពេល 24 ម៉ោងកន្លងទៅ តំបន់អាស៊ីអាគ្នេយ៍មានប្រទេសចំនួន 4 ដែលមានអ្នកស្លាប់ដោយសារ Covid-19 ក្នុងនោះ ឥណ្ឌូនេស៊ីមានដល់ទៅជាង 300 ករណី។ ជាមួយនឹងករណីឆ្លងថ្មីជាង 10,000 នាក់ ប្រទេសឥណ្ឌូនេស៊ីនៅតែជាសម្បុកវីរុស Covid-19 ធំជាងគេនៅក្នុងតំបន់។ ម៉ាឡេស៊ីជាប់ចំណាត់ថ្នាក់លេខពីរបន្ទាប់ពីឥណ្ឌូនេស៊ី ដោយមានករណីឆ្លងសរុប 165,371 … Read more

វៀតណាមអះអាងថា «វ៉ាក់សាំង Covid-19 របស់ខ្លួន បង្កើតអង់ទីក័រច្រើនជាង 20ដង ធៀបនឹងអ្នកមិនបានចាក់»

January 15, 2021 by សឿន សំណាង

ក្រោយការចាក់វ៉ាក់សាំង Covid-19 កម្រិតនៃការទប់ទល់នឹងការឆ្លងវីរុសរបស់ក្រុមអ្នកស្ម័គ្រចិត្ត ត្រូវបានវាយតម្លៃថាល្អ នៅពេលវាបង្កើតអង្គបដិប្រាណច្រើនជាង 4 ដង ទៅ 20 ដង បើធៀបនឹងអ្នកមិនបានចាក់វ៉ាក់សាំងនេះ។ អនុប្រធាននៃវិទ្យាស្ថានស្រាវជ្រាវវេជ្ជសាស្ត្រយោធាវៀតណាម លោក Ho Anh Son កាលពីថ្ងៃទី 14 មករា ឱ្យដឹងថា យោងតាមការស្រាវជ្រាវថ្មីៗនេះ កម្រិតនៃការឆ្លើយតបរបស់អង្គបដិប្រាណនៃក្រុមអ្នកស្ម័គ្រចិត្តដែលបានចាក់វ៉ាក់សាំង Covid-19 ត្រូវបានវាយតម្លៃថាល្អ នៅពេលបង្កើតបានអង្គបដិប្រាណច្រើនជាង 4 ដង បើធៀបនឹងមនុស្សធម្មតា។ ជាងនេះ ក៏មានអ្នកស្ម័គ្រចិត្តខ្លះកកើតអង់ទីក័រច្រើនជាង 20 ដងក៏មាន។ លោក Son បញ្ជាក់ថា ក្រោយការចាក់វ៉ាក់សាំង Covid-19 លើកទីពីរ បរិមាណនៃអង្គបដិប្រាណរបស់អ្នកស្ម័គ្រចិត្តនឹងកើនឡើងខ្ពស់ និងរក្សាកម្រិតនេះបានយូរអង្វែង។ ដូច្នេះ ក្រុមអ្នកស្ម័គ្រចិត្តដែលបានចាក់លើកទីពីរក្នុងថ្ងៃទី 14 មករា នឹងត្រូវបានតាមដានក្នុងរយៈពេល 6 ខែ ដើម្បីឱ្យដឹងថា សមត្ថភាពនៃការការពាររបស់វ៉ាក់សាំងនេះអាចបន្លាយពេលយូរប៉ុនណា។ ក្រោយរយៈពេលមួយឆ្នាំ ក្រុមអ្នកស្ម័គ្រចិត្តនឹងត្រូវបានវាយតម្លៃលើបរិមាណនៃអង្គបដិប្រាណក្នុងរាងកាយ ដើម្បីឱ្យអ្នកស្រាវជ្រាវកំណត់បរិមាណវ៉ាក់សាំង និងផែនការចម្រាញ់ជ្រើសរើស។ ប៉ុន្តែ មកដល់បច្ចុប្បន្ន … Read more

រុស្ស៊ីរកឃើញវីរុស Covid-19 ក្លាយពូជចំនួន 18 ប្រភេទ នៅក្នុងរាងកាយអ្នកជំងឺម្នាក់

January 13, 2021 by សឿន សំណាង

ក្រុមអ្នកស្រាវជ្រាវរបស់ប្រទេសរុស្ស៊ី បានរកឃើញវីរុស Covid-19 ក្លាយពូជចំនួន 18 ប្រភេទ នៅក្នុងរាងកាយរបស់ស្ត្រីអ្នកជំងឺម្នាក់ដែលបានឆ្លង Covid-19 កាលពីជាង 4 ខែមុន។ សារព័ត៌មាន Sputnik បានឱ្យដឹងថា លទ្ធផលនៃការសិក្សាស្រាវជ្រាវមួយដែលត្រូវបានប្រកាសនៅដើមខែមករានៅលើទំព័រ virological.org បង្ហាញថា ក្រុមអ្នកវិទ្យាសាស្ត្រនៃវិទ្យាស្ថានវិទ្យាសាស្ត្រនិងបច្ចេកវិទ្យា Skolkovo រួមនឹងបណ្ឌិតសភាវិទ្យាសាស្ត្ររុស្ស៊ី សាកលវិទ្យាល័យវេជ្ជសាស្ត្រ Pavlov First State ប្រចាំ St.Petersburg វិទ្យាស្ថានស្រាវជ្រាវវីរុសផ្ដាសាយ Smorodintsev និងមន្ទីរពេទ្យមួយនៅក្នុងទីក្រុង St.Petersburg បានឱ្យដឹងថា៖ «យើងបានកត់ត្រាការវិភាគហ្សែននៃវីរុស SARS-CoV-2 (Covid-19) ពីអ្នកជំងឺ Covid-19 ម្នាក់ដែលមានជំងឺមហារីក។ ប្រព័ន្ធហ្សែនបានបង្ហាញអំពីការកើនឡើងដោយឯកឯងរបស់វីរុសក្លាយពូជថ្មីចំនួន 18 ប្រភេទ នៅក្នុងរយៈពេលជាង 4 ខែនៃការឆ្លងវីរុស Covid-19។ ពួកវារួមមានបណ្ដាប្រភេទវីរុសក្លាយពូជក្នុងក្រុម S ៖ Y453F និង Δ69-70HV ដែលត្រូវបានរកឃើញនៅក្នុងសម្បុកវីរុសដែលមានទាក់ទាក់ទងនឹងសត្វកញ្ជ្រោង»។ វីរុសក្លាយពូជនានាដែលបានរីកចម្រើននៅលើរាងកាយរបស់ស្ត្រីអ្នកជំងឺវ័យ 47 ឆ្នាំខាងលើ ត្រូវបានគេហៅថា … Read more

ថ្នាំព្យាបាលរលាកសន្លាក់ Actemra ជួយបង្កើនអត្រានៃការ «រួចជីវិត» ពី Covid-19 របស់អ្នកជំងឺធ្ងន់ធ្ងន់

January 11, 2021 by សឿន សំណាង

ការសិក្សាស្រាវជ្រាវថ្មីមួយបានបង្ហាញថា ថ្នាំព្យាបាលជំងឺរលាកសន្លាក់ប្រភេទខ្សោយ actemra ឬហៅថា tocilizumab ដែលត្រូវបានសាកលវិទ្យាល័យ Osaka និងក្រុមហ៊ុនផលិតឱសថ Chugai សហការជាមួយអង្គការមួយចំនួនរបស់ជប៉ុនអភិវឌ្ឍនិងផលិតឡើង មានសមត្ថភាពក្នុងការបង្កើនអត្រា «រួចជីវិត» ពី Covid-19 របស់អ្នកជំងឺដែលមានអាការធ្ងន់ធ្ងរ។ លទ្ធផលនៃការពិសោធក្នុងការព្យាបាលអ្នកជំងឺ Covid-19 ដែលធ្វើឡើងដោយក្រុមអ្នកវិទ្យាសាស្ត្រនៃសាកលវិទ្យាល័យ Imperial College London (អង់គ្លេស) សហការជាមួយអង្គការមួយចំនួនបានបង្ហាញថា អត្រានៃការស្លាប់របស់អ្នកជំងឺ Covid-19 ចំនួន 350 នាក់ដែលប្រើប្រាស់ថ្នាំ actemra គឺស្មើនឹង 28% ទាបជាង 7.5% បើធៀបនឹងអ្នកជំងឺ Covid-19 ចំនួន 400 នាក់ដែលមិនបានប្រើប្រាស់ថ្នាំនេះ។ ទន្ទឹមនឹងនេះ ថ្នាំព្យាបាលរលាកសន្លាក់ប្រភេទកម្រិតស្រាលមួយផ្សេងទៀតក៏បានផ្ដល់លទ្ធផលប្រហាក់ប្រហែលគ្នានេះដែរ។ ថ្នាំ actemra មានប្រសិទ្ធភាពក្នុងការគ្រប់គ្រងប្រតិកម្មហួសកម្រិតរបស់ប្រព័ន្ធការពាររាងកាយ។ បច្ចុប្បន្ន ថ្នាំនេះកំពុងត្រូវបានប្រទេសជប៉ុន អង់គ្លេស និងប្រទេសជាច្រើនផ្សេងទៀតប្រើប្រាស់ដើម្បីព្យាបាលអ្នកជំងឺ Covid-19 ដែលមានអាការធ្ងន់ធ្ងរ។ ក្រៅពីថ្នាំ actemra កន្លងមក remdesivir ដែលជាថ្នាំព្យាបាលជំងឺបង្កឡើងដោយវីរុស ក៏បានធ្វើឱ្យមានការចាប់អារម្មណ៍ខ្លាំងនៅក្នុងពិភពវេជ្ជសាស្ត្រ … Read more

អ៊ីស្រាអែលគ្រោងនឹងចាក់វ៉ាក់សាំង Covid-19 ដល់ពលរដ្ឋទាំងថ្ងៃទាំងយប់

January 11, 2021 by សឿន សំណាង

ប្រភពព័ត៌មានពីប្រទេសអ៊ីស្រាអែល បានឱ្យដឹងថា កាលពីថ្ងៃទី 10 ខែមករា ទំនិញជាវ៉ាក់សាំង Covid-19 ចំនួន 700,000 ដូសរបស់ក្រុមហ៊ុន Pfizer ត្រូវបានបញ្ជូនដល់អ៊ីស្រាអែលតាមជើងយន្តហោះ។ នាយករដ្ឋមន្ត្រីអ៊ីស្រាអែល Benjamin Netanyahu និងរដ្ឋមន្ត្រីក្រសួងសុខាភិបាល Yuli Edelstein ជាអ្នកទៅទទួលយកវ៉ាក់សាំងនេះដោយផ្ទាល់។ ក្នុងថ្ងៃដដែល ក្រសួងសុខាភិបាលប្រទេសនេះបានប្រកាសថា រហូតមកដល់បច្ចុប្បន្ន ពលរដ្ឋដែលមានអាយុលើសពី 60 ឆ្នាំ ចំនួន 70% បានចាក់វ៉ាក់សាំង Covid-19 រួចហើយ។ នៅក្នុងកិច្ចប្រជុំមួយជាមួយនឹងបុគ្គលិកក្នុងវិស័យនេះ រដ្ឋមន្ត្រីសុខាភិបាល Edelstein បានស្នើឱ្យរៀបចំផែនការចាក់វ៉ាក់សាំងជូនពលរដ្ឋទាំងថ្ងៃ ទាំងយប់ ដើម្បីទប់ស្កាត់ការឆ្លងវីរុសឱ្យបានជាអតិបរមា។ នាយករដ្ឋមន្ត្រី Netanyahu ឱ្យដឹងថា នឹងបង្កើនចំនួនអ្នកដែលត្រូវបានចាក់វ៉ាក់សាំងឱ្យបាន 170,000 នាក់ក្នុងមួយថ្ងៃ។ ប្រធានអង្គភាពប្រឆាំង Covid-19 លោក Nachman Ash ថ្លែងថា អ៊ីស្រាអែលមានលទ្ធភាពអាចចាក់វ៉ាក់សាំងជូនពលរដ្ឋបាន 200,000 នាក់ក្នុងមួយថ្ងៃ ដែលរួមមានទាំងការចាក់លើកទីមួយ និងលើកទីពីរ។ ក្រសួងសុខាភិបាលអ៊ីស្រាអែលបានចាប់ផ្ដើមរៀបចំគម្រោងសម្រាប់ការចាក់វ៉ាក់សាំងជូនបុគ្គលិកក្នុងវិស័យអប់រំ ក្នុងនោះ … Read more

ចិនរារាំងមិនឱ្យអ្នកជំនាញរបស់ WHO ស្រាវជ្រាវប្រភព Covid-19 នៅលើទឹកដីរបស់ខ្លួន

January 6, 2021 by សឿន សំណាង

អាជ្ញាធរចិនបានប្រកាសថា មិនផ្ដល់ទិដ្ឋាការដល់ក្រុមអ្នកជំនាញរបស់អង្គការសុខភាពពិភពលោក សម្រាប់ការចូលមកកាន់ទីក្រុង Wuhan ដើម្បីស្រាវជ្រាវរកប្រភពរបស់វីរុស Covid-19 បើទោះសមាជិកមួយចំនួនបានចេញដំណើររួចហើយក្ដី។ ប្រតិភូនៃអ្នកជំនាញរបស់អង្គការសុខភាពពិភពលោក (WHO) មានគម្រោងទៅកាន់ទីក្រុង Wuhan នៃខេត្ត Hubei របស់ប្រទេសចិន ជាកន្លែងដែលត្រូវគេជឿថា ជាប្រភពនៃវីរុស Covid-19 ដើម្បីធ្វើការស្រាវជ្រាវលើករណីដំបូងៗនៃការឆ្លងវីរុសនេះ។ ក្រុមអ្នកជំនាញនេះ មិនមានបំណងស្រាវជ្រាវលើទ្រីស្ដីដែលថា Covid-19 មានប្រភពចេញពីបន្ទប់ពិសោធន៍នៅ Wuhan ដែលធ្លាប់ត្រូវបានក្រុមអ្នកវិទ្យាសាស្ត្របដិសេធនាពេលកន្លង។ វេជ្ជបណ្ឌិត Mike Ryan នាយកប្រតិបត្តិនៃកម្មវិធីសុខាភិបាលបន្ទាន់របស់ WHO បានឱ្យដឹងថា ប្រតិភូនេះរួមមាន ក្រុមអ្នកជំនាញមកពីប្រទេសនានាដែលបានធ្វើការយ៉ាងជិតស្និទ្ធជាមួយនឹងចិនទាក់ទងនឹងគម្រោងទៅកាន់ប្រទេសចិន។ លោក Ryan បាននិយាយកាលពីថ្ងៃទី 5 ខែមករាថា៖ «ក្រុមនេះនឹងចាប់ផ្ដើមធ្វើកិច្ចការនៅថ្ងៃស្អែក»។ ក៏ប៉ុន្តែ នៅពេលសមាជិកពីរនាក់ដែលនៅឆ្ងាយបានចេញដំណើរ ក្រុមអ្នកស្រាវជ្រាវនេះក៏បានទទួលព័ត៌មានថា ទិដ្ឋាការរបស់ពួកគេមិនត្រូវបានមន្ត្រីចិនអនុញ្ញាតនោះឡើយ។ សមាជិកម្នាក់បានត្រលប់ក្រោយវិញ ខណៈម្នាក់ទៀតកំពុងឆ្លងកាត់ប្រទេសទីបី។ លោក Tedros Adhanom Ghebreyesus ប្រធានអង្គការសុខភាពពិភពលោក បានសម្ដែងការខកចិត្តចំពោះព័ត៌មានខាងលើនេះ និងឱ្យដឹងថា បានអំពាវនាវឱ្យប្រទេសចិន អនុញ្ញាតឱ្យក្រុមអ្នកជំនាញបានចូលស្រុក។ លោក Tedros … Read more

នាយករដ្ឋមន្ត្រីថៃស្នើឱ្យពលរដ្ឋនៅក្នុងផ្ទះ ក្នុងគ្រាករណីវិជ្ជមាននឹង Covid-19 កំពុងកើនឡើងយ៉ាងខ្ពស់

January 4, 2021 by សឿន សំណាង

នាយករដ្ឋមន្ត្រីនៃប្រទេសថៃ បានអំពាវនាវឱ្យពលរដ្ឋរបស់ខ្លួននៅក្នុងផ្ទះដើម្បីទប់ស្កាត់ «រលកធំបំផុត» នៃការឆ្លងរាលដាលរបស់វីរុស Covid-19 បន្ទាប់ពីក្រុមមន្ត្រីបញ្ជាក់អំពីការកើនឡើងខ្ពស់នៃករណីឆ្លងថ្មីដល់ទៅ 745 នាក់ក្នុងថ្ងៃនេះ។ រដ្ឋាភិបាលថៃ ថ្ងៃនេះបានប្រកាសថា ខេត្តក្រុងចំនួន 28 រួមមានទាំងរាជធានីបាងកកផងដែរ គឺជាតំបន់ដែលកំពុងមានហានិភ័យខ្ពស់ក្នុងការឆ្លង Covid-19 ហើយបានអំពាវនាវឱ្យប្រជាជនធ្វើការក្នុងផ្ទះ ចៀសវាងការជួបជុំគ្នា ឬចាកចេញពីខេត្តរបស់ខ្លួនក្នុងគ្រាដែលមានការផ្ទុះឆ្លងរាលដាលខ្លាំង ក្រោយការរកឃើញករណីឆ្លងនៅក្នុងផ្សារត្រីក្បែរទីក្រុងបាងកកកាលពីពេលថ្មីៗនេះ។ នាយករដ្ឋមន្ត្រីថៃ លោក Prayuth Chan-ocha បានប្រាប់ក្រុមអ្នកយកព័ត៌មានថា៖ «យើងមិនចង់បិទទ្វារប្រទេសទាំងមូលនោះទេ ព្រោះយើងដឹងច្បាស់អំពីបញ្ហា ដូច្នេះតើគ្រប់គ្នាអាចបិទទ្វារដោយខ្លួនឯងបានទេ?។ ប្រការនេះអាស្រ័យលើអ្នកគ្រប់គ្នា ហើយបើសិនជាមិនចង់ឆ្លងវីរុស គ្រប់គ្នាគ្រាន់តែនៅផ្ទះក្នុងរយៈពេលពី 14-15 ថ្ងៃ។ បើសិនអ្នកគិតដូច្នេះ នោះគ្រប់យ៉ាងនឹងមានសុវត្ថិភាព ហើយងាយស្រួលក្នុងការគ្រប់គ្រង»។ សម្រាប់ថ្ងៃនេះ ប្រទេសថៃមានអ្នកស្លាប់ថ្មីចំនួន 1 ករណី និងបានរកឃើញករណីវិជ្ជមានថ្មីចំនួន 745 នាក់ ដែលនេះគឺជាកម្រិតខ្ពស់បំផុតរាប់ចាប់ពីថ្ងៃដែលប្រទេសនេះរកឃើញករណីដំបូង។ គិតត្រឹមថ្ងៃនេះ ប្រទេសថៃបានរកឃើញអ្នកវិជ្ជមាននឹង Covid-19 សរុបចំនួន 8,439 នាក់ និងអ្នកស្លាប់សរុបចំនួន 65 នាក់។ យ៉ាងនេះក្ដី ប្រទេសថៃនៅតែស្ថិតក្នុងចំណោមបណ្ដាប្រទេសដែលមានករណីឆ្លងទាបជាងគេនៅអាស៊ី។ ករណីឆ្លងថ្មីភាគច្រើនគឺជាប់ទាក់ទងនឹងក្រុមពលរដ្ឋបរទេសដែលចាប់ផ្ដើមឆ្លងរាលដាលនៅខេត្ត … Read more

«Covid-19 ក្លាយពូជ» កំពុងឆ្លងរាលដាលយ៉ាងឆាប់រហ័ស ខណៈអាហ្វ្រិកខាងត្បូងវិជ្ជមានជាងមួយលានករណី

December 28, 2020 by សឿន សំណាង

ប្រទេសអាហ្វ្រិកខាងត្បូងបានរកឃើញអ្នកឆ្លងវីរុស Covid-19 ជាងមួយលាននាក់ នៅក្នុងស្ថានភាពដែលវីរុសក្លាយពូជឈ្មោះ 501.V2 កំពុងឆ្លងរាលដាលយ៉ាងលឿននៅក្នុងប្រទេសនេះ។ យោងតាមទិន្នន័យនៅលើទំព័រ World Ometers បច្ចុប្បន្ន ប្រទេសអាហ្វ្រិកខាងត្បូង មានអ្នកឆ្លងវីរុស Covid-19 សរុបចំនួន 1,004,413 នាក់ ក្នុងនោះមាន 26,735 នាក់ បានបាត់បង់ជីវិត ខណៈអ្នកជំងឺ 1,038,766 នាក់បានជាសះស្បើយ។ បើតាមក្រុមអ្នកជំនាញ វីរុស Covid-19 ប្រភេទក្លាយពូជ (501.V2) នៅក្នុងប្រទេសអាហ្វ្រិកខាងត្បូង ងាយនឹងឆ្លងរាលដាលជាង Covid-19 ធម្មតា និងបានបង្ហាញខ្លួននៅក្នុងតំបន់សម្បុកវីរុសមួយចំនួនដែលកំពុងផ្ទុះឆ្លងជាថ្មី។ នៅពេលមន្ទីរពេទ្យនៅអាហ្វ្រិកខាងត្បូងឈានដល់ដំណាក់កាលលើសចំណុះ និងមិនមានសញ្ញានៃការរាលដាល់ដល់ចំណុចកំពូល តាមគម្រោង ប្រធានាធិបតី Ramaphoasa នឹងប្រកាសបទបញ្ជារឹតបន្តឹងលើការកាត់បន្ថយការធ្វើដំណើរដើម្បីរារាំង Covid-19។ វេជ្ជបណ្ឌិត Richard Lessells ជាអ្នកជំនាញខាងជំងឺឆ្លងនៅអាហ្វ្រិកខាងត្បូង ឱ្យដឹងថា៖ «យើងមិនមែនគ្មានសមត្ថភាពនៅពេលត្រូវប្រឈមនឹងវីរុសក្លាយពូជនេះទេ។ យើងអាចប្ដូរសកម្មភាពដើម្បីគ្រប់គ្រងវីរុសនេះមិនឱ្យឆ្លងរាលដាលជាងមុន»។ លោកបន្តថា ប្រការសំខាន់បំផុត នោះគឺការចៀសវាងការជួបជុំគ្នាក្នុងផ្ទុះ ឬទីកន្លែងដែលបិទជិត។ វេជ្ជបណ្ឌិត Richard Lessells បញ្ជាក់ថា … Read more

វ៉ាក់សាំង COVID 19 «made in Vietnam» នឹងមានតម្លៃ 120,000ដុងក្នុងមួយដូស

December 11, 2020 by សឿន សំណាង

ក្រុមហ៊ុនអភិវឌ្ឍ និងផលិតឱសថរបស់វៀតណាមដែលមានឈ្មោះថា Nanogen បានប្រកាសព័ត៌មានជាផ្លូវការអំពីគម្រោងតម្លៃរបស់វ៉ាក់សាំង Covid-19 «made in Vietnam» ដែលក្រុមហ៊ុននេះកំពុងអភិវឌ្ឍ។ សារព័ត៌មានវៀតណាម បានដកស្រង់ប្រភពព័ត៌មានពីក្រុមមន្ត្រីរបស់ក្រុមហ៊ុនផលិតឱសថ Nanogen ឱ្យដឹងថា បច្ចុប្បន្ន ក្រុមហ៊ុននេះអាចផលិតវ៉ាក់សាំង Covid-19 បានប្រមាណពី 10-20 លានដូសនៅក្នុងមួយឆ្នាំ។ ក្នុងដំណាក់កាលនៃការប្រើប្រាស់សាកល្បងនៅលើមនុស្ស ក្រុមហ៊ុននេះនឹងបង្កើនបរិមាណនៃការផលិតឱ្យបានចាប់ពី 50-70 លានដូសក្នុងមួយឆ្នាំ ដើម្បីផ្គត់ផ្គង់តាមតម្រូវការទីផ្សារក្នុងស្រុក និងអាចនាំចេញទៅក្រៅប្រទេស។ តំណាងរបស់ Nanogen និយាយថា វ៉ាក់សាំងរបស់វៀតណាមនេះ នឹងមានតម្លៃមិនលើសពី 500,000 ដុង (21.5 ដុល្លារអាមេរិក) នៅក្នុងមួយដូស នៅពេលត្រូវបានបញ្ចេញលក់ក្នុងទីផ្សារ។ ក៏ប៉ុន្តែ ក្រោយមក ស្ថានីយទូរទស្សន៍ជាតិវៀតណាម VTV Go បានចេញផ្សាយថា ក្រុមហ៊ុន Nanogen បានប្រកាសជាផ្លូវការថា វ៉ាក់សាំងប្រឆាំង Covid-19 «made in Vietnam» របស់ក្រុមហ៊ុននេះ នឹងត្រូវបានលក់ក្នុងតម្លៃប្រហែល 120,000 ដុង/ដូស (5.22 … Read more

ករណីឆ្លង Covid-19 ក្នុងលោក កើនលើស 70លាននាក់! ទ្វីបអាហ្វ្រិកអំពាវនាវឱ្យចែករំលែកវ៉ាក់សាំង

December 11, 2020 by សឿន សំណាង

មនុស្សជិត 1.6 លាននាក់បានស្លាប់ ក្នុងចំណោមមនុស្សជាង 70លាននាក់នៅទូទាំងពិភពលោកដែលបានឆ្លងវីរុស Covid-19 នាំឱ្យប្រទេសអ្នកមានជាច្រើន បាននិងកំពុងបញ្ជាទិញជាមុននូវវ៉ាក់សាំងក្នុងបរិមាណលើសពីតម្រូវការជាក់ស្ដែង ជាហេតុធ្វើឱ្យទ្វីបអាហ្វ្រិកអំពាវនាវឱ្យមានការចែករំលែកវ៉ាក់សាំងទៅឱ្យបណ្ដាប្រទេសក្រីក្ររបស់ទ្វីបនេះ។ គិតមកដល់បច្ចុប្បន្ន ពិភពលោកទាំងមូលបានរកឃើញអ្នកឆ្លងវីរុស Covid-19 សរុបចំនួន 70,711,368នាក់ ក្នុងនោះមានអ្នកស្លាប់ 1,588,247នាក់ និងអ្នកកំពុងព្យាបាល 19,983,563នាក់។ នេះបើតាម Worldometers ដែលជាគេហទំព័រធ្វើបច្ចុប្បន្នភាពអំពីតួលេខ Covid-19 បានលឿងជាងគេបង្អស់។ ទាក់ទិននឹងបញ្ហាវ៉ាក់សាំង Covid-19 នៅក្នុងសន្និសីទសារព័ត៌មានមួយកាលពីថ្ងៃទី 10ធ្នូ ប្រធានមជ្ឈមណ្ឌលគ្រប់គ្រងនិងទប់ស្កាត់ជំងឺឆ្លង (CDC) របស់ទ្វីបអាហ្វ្រិក លោក John Nkengasong ថ្លែង ថា៖ «ប្រទេសជាច្រើនបានបញ្ជាទិញវ៉ាក់សាំងលើសពីតម្រូវការជាក់ស្ដែងរបស់ពួកគេ ពី 4 ទៅ 5 ដងឯណោះ»។ ក៏ប៉ុន្តែ លោក មិនបានបង្ហាញឈ្មោះនៃប្រទេសទាំងនោះទេ។ លោក John Nkengasong បញ្ជាក់ថា ទ្វីបអាហ្វ្រិកពិតជាពិបាកក្នុងការធានាឱ្យបានគ្រប់គ្រាន់នូវបរិមាណវ៉ាក់សាំងដែលទ្វីបនេះត្រូវការ នៅក្នុងគ្រាដែលប្រទេសជាច្រើនបានចាប់ផ្ដើមទទួលរងរលកនៃការឆ្លងរាលដាលជាលើកទីពីរ។ លោកបន្តថា ភាគច្រើននៃប្រទេសនៅក្នុងទ្វីបនេះ កំពុងតែរង់ចាំគម្រោងបែងចែកវ៉ាក់សាំងជាសកលដែលមានឈ្មោះថា COVAX ដែលជំរុញដោយអង្គការសុខភាពពិភពលោក … Read more

ទីផ្សារវ៉ាក់សាំងប្រឆាំង Covid-19! តើប្រទេសណាខ្លះដែលបានបញ្ជាទិញមុន ច្រើនជាងគេ?

December 3, 2020 by សឿន សំណាង

ប្រទេសអ្នកមានជាងគេចំនួន 32 ក្នុងពិភពលោក បានបញ្ជាទិញជាមុន (pre-order) ជាងពាក់កណ្ដាលនៃបរិមាណសរុបរបស់វ៉ាក់សាំង Covid-19 នៅទូទាំងពិភពលោក ប៉ុន្តែ ប្រទេសទាំងនេះ មានប្រជាជនត្រឹមតែ 13% ប៉ុណ្ណោះនៃប្រជាជនសរុបក្នុងពិភពលោក។ យោងតាមលទ្ធនៃការប្រើប្រាស់សាកល្បងវ៉ាក់សាំង Covid-19 ដំណាក់កាលទីបី និងសេចក្ដីប្រកាសអំពីផលិតភាពដែលបានគ្រោងទុកពីបណ្ដាក្រុមហ៊ុនផលិតវ៉ាក់សាំង យើងអាចនឹងមានវ៉ាក់ស៊ាំង Covid-19 គ្រប់គ្រាន់សម្រាប់ចាក់ឱ្យប្រជាជនចំនួន 1/3 ក្នុងពិភពលោកនៅចុងឆ្នាំ 2021។ ប៉ុន្តែ ពលរដ្ឋជាច្រើននៅក្នុងបណ្ដាប្រទេសក្រីក្រ អាចនឹងត្រូវរង់ចាំរហូតដល់ឆ្នាំ 2023 ឬ 2024 ទើបអាចមានវ៉ាក់សាំងដើម្បីចាក់នឹងគេ។ នេះគឺជាទិដ្ឋភាពដែលត្រូវបានព្យាករដោយមជ្ឈមណ្ឌលកែប្រែសុខាភិបាលសកល Duke ដែលមានទីស្នាក់ការនៅតំបន់ Durham ក្នុងរដ្ឋ Carolina ខាងជើងនៃសហរដ្ឋអាមេរិក។ មើលទៅលើក្រុមហ៊ុនចំនួន 3 ដែលកំពុងកាន់កាប់បេក្ខភាពវ៉ាក់សាំង Covid-19 ដែលមានសក្ដានុពលបំផុត គឺក្រុមហ៊ុន AstraZeneca, Pfizer និង Moderna។ តាមការគណនា បរិមាណសរុបនៃផលិតផលរបស់ពួកគេ អាចធានាការផ្គត់ផ្គង់វ៉ាក់សាំង Covid-19 ចំនួន 5.3 ពាន់លានអំពូលនៅក្នុងឆ្នាំ 2021។ … Read more

តំណាងរាស្ត្ររួមនឹងមន្ត្រីជាន់ខ្ពស់ជាច្រើនរូបរបស់រុស្ស៊ី បានឆ្លងCOVID-19 ខណៈអ្នកជំងឺសរុបក្នុងប្រទេសនេះកើនលើស290,000នាក់

May 19, 2020 by សឿន សំណាង

តំណាងរាស្ត្រនិងមន្ត្រីជាន់ខ្ពស់ជាច្រើនរូបរបស់រុស្ស៊ី បានឆ្លងវីរុសCOVID-19 ខណៈអ្នកជំងឺសរុបក្នុងប្រទេសនេះកើនលើស290,000នាក់

តំណាងរាស្ត្រជាច្រើនរូបរបស់សហព័ន្ធរុស្ស៊ី ត្រូវបានធ្វើតេស្តរកឃើញថា មានផ្ទុកមេរោគCOVID-19 នៅពេលប្រទេសនេះបានក្លាយជាសម្បុកមេរោគធំជាងគេលំដាប់ទី2ក្នុងពិភពលោក បន្ទាប់ពីសហរដ្ឋអាមេរិក។ ជំនួយការផ្ទាល់របស់ប្រធានសភាជាន់ទាប(State Duma) របស់រុស្ស៊ី កាលពីថ្ងៃទី18ឧសភាបានបញ្ជាក់ថា ក្នុងចំណោមតំណាងរាស្ត្រទាំង450រូបរបស់សភាជាន់ទាប មាន6រូបត្រូវបានរកឃើញថាមានផ្ទុកវីរុសកូរ៉ូណា។ Anastasia Kashevarova ដែលជាជំនួយការរបស់ប្រធានសភាជាន់ទាបរុស្ស៊ី ថ្លែងថា “គិតមកដល់បច្ចុប្បន្ន តំណាងរាស្ត្រ6រូបរបស់សភាជាន់ទាប ទទួលបានលទ្ធផលវិជ្ជមានជាមួយនឹងវីរុសCOVID-19។ តំណាង2រូបត្រូវបានអនុញ្ញាតឱ្យចេញពីមន្ទីរពេទ្យ ចំណែក2រូបកំពុងទទួលការព្យាបាលក្នុងមន្ទីរពេទ្យ និង2រូបផ្សេងទៀតកំពុងបង្ខាំងខ្លួននិងទទួលការព្យាបាលនៅឯផ្ទះរៀងៗខ្លួន”។ មន្ត្រីជាន់ខ្ពស់ជាច្រើនរូបរបស់រដ្ឋាភិបាលរុស្ស៊ី ក៏បានឆ្លងវីរុសកូរ៉ូណាក្នុងអំឡុងពេលចុងក្រោយនេះ ក្នុងនោះក៏មាននាយករដ្ឋមន្ត្រី (Mikhail Mishustin) អ្នកនាំពាក្យរបស់វិមានក្រឹមឡាំង (លោក Dmitry Peskov) រដ្ឋមន្ត្រីក្រសួងវប្បធម៌ (លោកស្រី Olga Lyubimova) រដ្ឋមន្ត្រីក្រសួងវិទ្យាសាស្ត្រនិងអប់រំជាន់ខ្ពស់ (លោក Valery Falkov) រដ្ឋមន្ត្រីក្រសួងសំណង់និងលំនៅដ្ឋាន (លោក Vladimir Yakushev) និងអនុរដ្ឋមន្ត្រីក្រសួងសំណង់និងលំនៅដ្ឋាន (លោក Dmitry Volkov)។ ក្នុងសប្ដាហ៍កន្លង រុស្ស៊ីបានលោតរំលងអេស្ប៉ាញ និងអ៊ីតាលី ក្លាយជាសម្បុកមេរោគធំជាងគេទី2នៅក្នុងពិភពលោក ដោយមានអ្នកជំងឺCOVID-19 សរុប 290,678នាក់ ក្នុងនោះមានអ្នកស្លាប់សរុប2,722នាក់។ កាលពីម្សិលមិញ … Read more