ភ្នំពេញ ៖ កុមារាម្នាក់មានឈ្មោះ អៃ ពិចិត្តបញ្ញា អាយុ១៥ឆ្នាំ ជាសិស្សកំពុងសិក្សាថ្នាក់ទី៥ និងជាកូនប្រុសទោលនៅក្នុងគ្រួសារកសិករក្រីក្រមួយ រស់នៅខេត្តព្រៃវែង បាននាំសំណាងដល់គ្រួសារ ឈ្នះរង្វាន់ធំពីភេសជ្ជៈប៉ូវកម្លាំង ខារ៉ាបាវ នូវទឹកប្រាក់ចំនួន ១០០លានរៀល បន្ទាប់ពីឪពុក-ម្តាយ នាំមកលេងសាច់ញាតិ នៅភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល។
នៅចំពោះមុខក្រុមការងារ ដែលចុះប្រគល់រង្វាន់នូវចំនួនទឹកប្រាក់ ១០០លានរៀលដល់ទីតាំងដែលត្រូវរង្វាន់ខាងលើនេះ កុមារា អៃ ពិចិត្តបញ្ញា បានបញ្ជាក់ប្រាប់ថា កាលពីសប្ដាហ៍កន្លងទៅនេះ បន្ទាប់ឪពុកម្ដាយនាំមកលេង បងប្អូនសាច់ញាតិដែលកំពុងរស់នៅ ភូមិជ្រៃធំ ឃុំសំពៅពូន ស្រុកកោះធំ ខេត្តកណ្តាល ម្ដាយបានប្រើឱ្យទៅទិញភេសជ្ជៈខារ៉ាបាវ មួយកំប៉ុង ដើម្បីទទួលទាន លុះពេលទៅទិញ ហើយយកមកឱ្យម្ដាយគាស់ ក៏ស្រាប់តែឃើញមានរង្វាន់ ១០០លានរៀលនៅនឹងក្រវិលកំប៉ុងតែម្ដង។ ភ្លាមនោះទាំងម្ដាយ ទាំងរូបប្អូនពិតជាមានអារម្មណ៍រំភើប រីករាយជាខ្លាំង ហើយក៏ស្រែកប្រាប់មនុស្សដែលស្ថិតជិតគ្នាឱ្យជួយពិនិត្យ និងទូរស័ព្ទជូនដំណឹងដល់ក្រុមហ៊ុនតែម្ដង។ សម្រាប់ថវិការង្វាន់ទាំងអស់ ប្អូននឹងប្រគល់ជូនម្ដាយទាំងអស់ គ្រាន់តែសុំទិញកងថ្មីមួយសម្រាប់ជិះទៅរៀន។
ដោយឡែកអ្នកស្រី ថូ រី អាយុ៤៧ឆ្នាំ ដែលត្រូវជាម្ដាយបង្កើតរបស់កុមារាមានសំណាងខាងលើបានប្រាប់ឱ្យដឹងថា បច្ចុប្បន្ននេះ ជីវភាពគ្រួសារគឺមានភាពលំបាកខ្លាំង ដោយសារតែគ្មានមុខរបរអ្វីក្រៅពីធ្វើស្រែបន្តិចបន្តួច ហើយពឹងអាស្រ័យលើប្ដីដែលធ្វើការជាកម្មករសំណង់ រកចំណូលបានត្រឹមមួយចម្អែតក្រពះស្ទើរមិនគ្រប់ផង ដែលសូម្បីតែលទ្ធភាពទិញកងសម្រាប់កូនជិះទៅរៀនឱ្យបានសមរម្យដូចគេក៏គ្មានលទ្ធភាពដែរ។ អ្នកស្រីបានបន្តទៀតថា មានពេលខ្លះ នៅពេលប្ដីមិនស្រួលខ្លួនមិនអាចទៅធ្វើការងារសំណង់បាន គឺត្រូវខ្ចីលុយអ្នកជិតខាងដើម្បីដោះស្រាយទាល់ម្ដងម្កាល ហើយក៏ធ្លាប់នឹកស្រមៃថា ទាល់តែមានសំណាងបានត្រូវរង្វាន់ពី ភេសជ្ជៈប៉ូវកម្លាំង ខារ៉ាបាវ ទើបអាចកែប្រែជីវភាពគ្រួសារបានទាំងស្រុង។ ប៉ុន្តែពេលនេះ ខារ៉ាបាវ ពិតជាជួយកែប្រែជីវិតគ្រួសាររបស់អ្នកស្រីពិតមែន។ ក្រោយពីទទួលបានទឹកប្រាក់រង្វាន់ ១០០លានរៀលពីភេសជ្ជៈខារ៉ាបាវ អ្នកស្រីនឹងយកមួយចំនួនទៅសងបំណុលគេ និងសង់ផ្ទះឱ្យបានសមរម្យបន្តិច ហើយទុកមួយចំណែកទៀតសម្រាប់ការសិក្សារបស់កូន និង បង្កើតមុខរបរ ទ្រទ្រង់ជីវភាពទៅថ្ងៃអនាគត។
សូមបញ្ជាក់ផងដែរថា ជាការថ្លែងអំណរគុណចំពោះអតិថិជន ក្រុមហ៊ុន ភេសជ្ជៈប៉ូវកម្លាំង ខារ៉ាបាវ បានបង្កើនរង្វាន់យ៉ាងសន្ធឹកសន្ធាប់នូវចំនួនទឹកប្រាក់សុទ្ធ ១០០លានរៀល កើនឡើងដល់ ១០០ រង្វាន់ , បន្ថែមទឹកប្រាក់ចំនួន ១០ លានរៀល ចំនួន១០០ រង្វាន់, ម៉ូតូ HONDA Dream កើនឡើងដល់ ១០០ រង្វាន់ , ទូរស័ព្ទដៃ iPhone កើនឡើងដល់ ១០០ រង្វាន់ រួមជាមួយការផ្តល់ជូនរង្វាន់1កំប៉ុង រាប់លានកំប៉ុង ដោយគ្មានការកំណត់នោះទេ ។ សូមចំណាំ ៖ សម្រាប់រង្វាន់ពិតប្រាកដ គឺមានតែនៅសម្បកកំប៉ុង ដែលមានអក្សរខ្មែរជាសញ្ញាសម្គាល់តែប៉ុណ្ណោះ ៕
