កាលពីព្រឹកថ្ងៃទី 24 ខែសីហា 2019នៅផ្សារទំនើប The Bridge Lifestyle Mall ក្រុមហ៊ុននាឡិកាដៃ G-SHOCK CASIO ដែល ជាផលិតផលរបស់ប្រទេសជប៉ុនបានបើកដំណើរការលក់ជាផ្លូវការហាងដាក់តាំងលក់នាឡិកាដៃថ្មីមួយបន្ថែមទៀតនៅផ្សារទំនើប The Bridge Lifestyle Mall ដោយហាងថ្មីនេះគឺបាននាំចូលផលិតផលនាឡិកាដៃម៉ូដដែលថ្មីៗជាច្រើនប្រភេទទៀតសម្រាប់ទីផ្សារនៅក្នុងប្រទេសកម្ពុជា។ ពិធីបើកសម្ពោធដំណើរការហាងលក់នាឡិកានេះបានប្រារព្ធឡើងនៅផ្សារទំនើប The Bridge Lifestyle Mall ដោយមានអ្នកចូលរួមយ៉ាងច្រើនផងដែរ។ អ្វីដែលពិសេស ក្រុមហ៊ុនក៏បានផ្ដល់ការបញ្ចុះតម្លៃដ៏ពិសេសជូនអតិថិជនដោយរាល់ការជាវនាឡិកាម៉ាក G-Shock , Baby-G , Edifice , PROTREK , SHEEN, និង Casio General។
យោងតាមប្រសាសន៍របស់លោកស្រី គួច ណាវី នាយកប្រតិបត្តិ ក្រុមហ៊ុន LDI Enterprise lTD បានឱ្យដឹងថាចាប់តាំងពី ដំណើរការក្រុមហ៊ុន LDI Enterprise lTD រហូតមកដល់ពេលនេះគឺ មានរយៈពេល 26 ឆ្នាំមកហើយ ព្រមទាំងទទួលបានទំនុកចិត្ត ចំពោះផលិតផលដែលក្រុមហ៊ុនធ្វើចរាចរជូនអតិថិជននៅក្នុងទីផ្សារប្រទេសកម្ពុជា។
បច្ចុប្បន្ន CASIO កំពុងទទួលបានការគាំទ្រជាខ្លាំងក្នុងប្រទេសកម្ពុជា ហើយស្របពេលកំណើនសេដ្ឋកិច្ចជាតិកំពុងមានការរីកចម្រើន និងប្រជាពលរដ្ឋមានជីវភាពសមរម្យ រស់នៅជាមួយភាពទាន់សម័យ។ លោកស្រីបានរំពឹងថា នៅថ្ងៃអនាគត CASIO នឹងមានការប្រើប្រាស់កាន់តែច្រើន ជាមួយការជឿជាក់លើគុណភាព និងតម្លៃរបស់នាឡិកាដ៏ទំនើបរបស់ជប៉ុនមួយនេះ។ លើសពីនេះទៅទៀត លោកស្រី គួច ណាវី បានបន្ថែមថា ក្រុមហ៊ុន LDI Enterprise LTD មានគម្រោងពង្រីកសាខាចំនួន 4 កន្លែងបន្ថែមទៀត ក្នុងឆ្នាំ2019នេះ ដែលស្ថិតនៅទីតាំងដូចជា OLYMPIA MALL, FURI SIHANOUKVILLE, EXCHANGE SQUARE និង CHIPMONG NORO MALL។
លោក Atsushi Yamaoka អ្នកគ្រប់គ្រងទូទៅ ក្រុមហ៊ុន CASIO បានឱ្យដឹងថានៅលើទីផ្សារមានផលិតផលជាច្រើនម៉ាក ច្រើនម៉ូដដែលត្រូវប្រកួតប្រជែងគ្នាដើម្បីឱ្យអតិថិជនយល់ដឹងក៏ដូចជាស្គាល់ផលិតផលរបស់ខ្លួន G-SHOCK CASIO បានពង្រឹងគុណភាពកាន់តែខ្លាំងឡើងថែម ផ្ដល់ជូនអតិថិជនទូទាំងសកលលោក ក្នុងនោះក៏មានកម្ពុជាផងដែរ។ ជាក់ស្ដែងហាងលក់នាឡិកាដៃម៉ាក G-SHOCK CASIO ដ៏ទំនើប The Bridge Lifestyle Mall នៃអាគារ The Bridge នេះគឺជាការបង្ហាញឱ្យអតិថិជនបានស្គាល់កាន់តែច្បាស់នូវម៉ាកផលិតផលរបស់យើង។ លោកក៏បានបន្តថាសព្វថ្ងៃនេះផលិតផល របស់ G-SHOCK CASIO មានវត្តមាននៅបណ្ដាប្រទេសប្រមាណជាង 60 នៅលើពិភពលោកហើយសម្រាប់ទីផ្សារប្រទេសកម្ពុជាវិញក៏មានសកម្មភាពល្អប្រសើរបើមិនដូច្នោះទេក៏យើងមិនអាចបើកហាងជាបន្តបន្ទាប់បានដែរ៕
