ពិព័រណ៍ឧស្សាហកម្មគ្រឿងយន្តកម្ពុជាអន្តរជាតិ (CIMIF) និងពិព័រណ៍ឧស្សាហកម្មសម្លៀកបំពាក់និង វាយនភ័ណ្ឌកម្ពុជាអន្តរជាតិ (CTG) ឆ្នាំ2019 នៅថ្ងៃ ទី2 (ទី23 សីហា) បានដំណើរការជាបន្តតាមគម្រោង ការរបស់ខ្លួនដែលពិព័រណ៍ទាំង2 នេះបានប្រមូលផ្តុំអ្នកតាំងពិព័រណ៍បង្ហាញនូវផលិតផលច្នៃប្រឌិតថ្មីជា ច្រើនដែលអាចប្រើប្រាស់បានក្នុងការធ្វើពាណិជ្ជកម្ម។
លោក ចន ឆា សមាជិកគណៈកម្មាធិការប្រតិ បត្តិនៃសមាគមរោងចក្រកាត់ដេរកម្ពុជាបានមាន ប្រសាសន៍ថា៖ “GMAC តែងតែលើកទឹកចិត្ត ដល់រោងចក្រជាសមាជិក ឱ្យវិនិយោគលើគ្រឿងម៉ាស៊ីន និងបច្ចេកវិទ្យាចុងក្រោយដែលមាន ដើម្បីកែលម្អ ផលិតភាព និងលើកកម្ពស់ការប្រកួតប្រជែង។ ការ តាំងពិព័រណ៍ឆ្នាំនេះគឺជាពេលវេលាដ៏សំខាន់សម្រាប់ឧស្សាហកម្មដែលយើងកំពុងប្រឈមនឹងបញ្ហា ជាច្រើនដូចជា ថ្លៃដើមពលកម្មកើនឡើង កង្វះផលិត ភាពឌីជីថល និងស្វ័យប្រវត្តិកម្ម ដែលជាលទ្ធផលនៃ ឧស្សាហកម្ម 0.4។ តាមរយៈការប្រើប្រាស់បច្ចេក វិទ្យាទំនើបយើងអាចបង្កើនផលិតភាព និងគុណភាព ក៏ដូចជាការប្រាស្រ័យទាក់ទងយ៉ាងរលូនជាមួយ អ្នកទិញ និងបណ្តាញ ផ្សេងទៀត។ យើងអាចឆ្លើយ តបទៅ នឹងទីផ្សារបានយ៉ាងឆាប់រហ័សនិងមានការប្រកួតប្រជែងកាន់តែខ្លាំង”។
ជាមួយនឹងសិក្ខាសាលា ដែលមានប្រធានបទដែលគួរចាប់អារម្មណ៍ “ការលើកកម្ពស់ការអភិវឌ្ឍ សហគ្រាសធុនតូច និងមធ្យម និងសិប្បកម្ម និងវិស័យឧស្សាហកម្ម” អ្នកចូលរួមបានបំផុសគំនិត ជាមួយអ្នកជំនាញ និងស្វែងរកវិធីល្អបំផុត ដើម្បី អភិវឌ្ឍអាជីវកម្មរបស់ពួកគេនៅប្រទេសកម្ពុជា។ ម្យ៉ាងវិញទៀតវាជួយប្រជាជនឱ្យចាប់យកមធ្យោបាយល្អបំផុតដើម្បីអភិវឌ្ឍសហគ្រាសធុនតូច និង មធ្យមនៅកម្ពុជាផងដែរ។ ទោះបីមានលទ្ធផលសេដ្ឋកិច្ចរឹងមាំក៏ដោយ ក៏កម្ពុជានៅតែមានបញ្ហាប្រឈម មួយចំនួនដើម្បីដោះស្រាយ។ បញ្ហាធំបំផុតគឺកំណើន សេដ្ឋកិច្ចរបស់ប្រទេសកម្ពុជា ត្រូវបានជំរុញជាចម្បងដោយឧស្សាហកម្មដែលពឹងផ្អែកលើកម្លាំងពលកម្ម ដែលធ្វើឱ្យផលិតផលត្រូវបន្ថែមតម្លៃតិចតួច។
នៅថ្ងៃទី2 នៃពិព័រណ៍ CIMIF & CTG នេះ ឯកឧត្តម ស៊ុន សេងហួត អនុរដ្ឋលេខាធិការក្រសួងឧស្សាហកម្ម និងសិប្បកម្មបានថ្លែងបញ្ជាក់ថា៖ “ដោយមានអ្នកតាំងពិព័រណ៍អន្ដរជាតិ ដែលមានគុណភាពជាច្រើន អ្នកទេសចរពាណិជ្ជកម្ម អាចរកទីតាំងអ្នកផ្គត់ផ្គង់ល្អបំផុតនូវផលិតផលដែលពួកគេត្រូវការបានយ៉ាងងាយស្រួល។ជាពិសេសយើងស្វែងរកការបង្កើតឱកាសសម្រាប់អ្នកផលិតដើម្បីកែលម្អគ្រឿងម៉ាស៊ីនរបស់ពួកគេតាមរយៈភាពជាដៃគូអាជីវកម្មថ្មី។ សហគ្រិននឹងរៀនអំពីបច្ចេកវិទ្យា និងគ្រឿងម៉ាស៊ីនទំនើបបំផុត។ ចំណេះដឹងនេះនឹងជួយពួកគេឱ្យរីកចម្រើននិងពង្រីកខ្លួន”៕
