សម្រាប់បុរសដែលមានសំណាងបានឈ្នះរង្វាន់100លានរៀល ពីតែបៃតង អ៊ីឈីតាន់ មានឈ្មោះ មាស សុភ័ណ្ឌ អាយុ 29 ឆ្នាំ មានស្រុកកំណើតនៅស្រុកពញាក្រែក ខេត្តត្បូងឃ្មុំ បច្ចុប្បន្នមានមុខរបរជាអ្នករត់ម៉ូតូកង់3 និងស្នាក់នៅបន្ទប់ជួលក្នុងភូមិតាសែក សង្កាត់កំបូល ខណ្ឌពោធិ៍សែនជ័យ រាជធានីភ្នំពេញ ។
ថ្លែងប្រាប់ក្រុមការងារដែលចុះប្រគល់រង្វាន់ដល់លំនៅដ្ឋាន បុរសរូបនេះបានឱ្យដឹងថា កាលពីសប្ដាហ៍កន្លងទៅ បន្ទាប់ពីសម្រាកពីការរត់ម៉ូតូកង់3 លោកបានទិញតែបៃតង អ៊ីឈីតាន់ រសជាតិផ្លែគូលេន មកទទួលទាន លុះពេលមួលគម្របដប ក៏ស្រាប់តែឃើញមានរង្វាន់100លានរៀលនៅក្នុងគម្របដបតែម្ដង។ ភ្លាមនោះ លោកពិតជាមានអារម្មណ៍រំភើបរីករាយជាខ្លាំង ហើយក៏បានយកទៅបង្ហាញដល់អ្នកលក់ដែលកំពុងស្ថិតនៅជិតគ្នាស្រាប់ ព្រមគ្នាជាមួយនឹងការជូនដំណឹងដល់ក្រុមហ៊ុនតាមរយៈលេខទូរស័ព្ទដែលមាននៅនឹងគម្របដបតែម្ដង។ លោកបានបញ្ជាក់ប្រាប់ថា បច្ចុប្បន្នជីវភាពគ្រួសាររបស់លោកគឺមានភាពលំបាកជាខ្លាំង ព្រោះគ្មានមុខរបរអ្វីក្រៅពីរត់ម៉ូតូកង់3 ដែលអាចរកបានចំណូលត្រឹមថ្លៃជួលបន្ទប់ ហើយប្រពន្ធជាកម្មការិនីរោងចក្រតែប៉ុណ្ណោះ។ លោកបានបញ្ជាក់ថា បន្ទាប់ពីទទួលបានប្រាក់រង្វាន់នេះ លោកនឹងយកទៅដោះស្រាយជីវភាពខ្លះ ហើយយកមួយចំណែកទៅទិញរថយន្តដែលមានតម្លៃសមលម្មដើម្បីរត់ឈ្នួលសម្រាប់ទ្រទ្រង់គ្រួសារឱ្យល្អប្រសើរទៅថ្ងៃអនាគត។
គួរបញ្ជាក់ផងដែរថា ជាការថ្លែងអំណរគុណចំពោះអតិថិជនដែលតែងគាំទ្រផលិតផលតែបៃតង អ៊ីឈីតាន់ ក្រុមហ៊ុន បានបង្កើនរង្វាន់ធំនូវទឹកប្រាក់100លានរៀល រហូតដល់50រង្វាន់, រង្វាន់ម៉ូតូ HONDA SCOOPY I ចំនួន50 គ្រឿង , រង្វាន់ i-phone ចំនួន 50គ្រឿង , រួមជាមួយរង្វាន់ តែបៃតង អ៊ីឈីតាន់ ហ្វ្រី (Free) ចំនួន 5,000,000 (5លាន) រង្វាន់ ។ រួសរាន់ឡើង អ្នកក្លាយជាសេដ្ឋីបន្ទាប់ អាចជារូបអ្នក …៕
