នៅក្នុងសិក្ខាសាលាស្តីអំពីអាហារូបត្ថម្ភសម្រាប់កុមារលើកទី 5 ឆ្នាំ2017 ក្រុមហ៊ុន DKSH និង Abbott បានធ្វើការបើកសម្ពោធជាផ្លូវការនូវប្រភេទម្សៅទឹកដោះគោ Similac Gain IQ និង Similac Gain Kid មានរូបមន្តផ្សំកាន់តែប្រសើរជាងមុន ដោយមានផ្ទុកសារជាតិវីតាមីន E ធម្មជាតិ (RRR-vitamin E) Lutein និង DHA ជួយជំរុញការយល់ដឹងរបស់កុមារឱ្យកាន់តែប្រសើរឡើង។
សារធាតុផ្សំថ្មី មានសមត្ថភាពក្នុងការធ្វើសកម្មភាពប្រឆាំងអុកស៊ីតកម្មខ្ពស់ ដើរតួនាទីយ៉ាងសំខាន់ក្នុងការអភិវឌ្ឍខួរក្បាល។ ទន្ទឹមនឹងនេះ សារធាតុ NVE Lutein និង DHA ក៏ត្រូវបានរកឃើញនៅក្នុងផ្នែកមួយនៃខួរក្បាលទាក់ទងទៅនឹងការសិក្សាស្វែងយល់ និងការចងចាំជួយជំរុញដល់ការអភិវឌ្ឍកោសិកាប្រសាទបានយ៉ាងល្អផងដែរ ដែលធ្វើឱ្យកុមាររៀនស្វែងយល់ដឹងបានឆាប់រហ័ស។
លោកស្រីវេជ្ជបណ្ឌិត Janice Wong ឯកទេសផ្នែកជំងឺកុមារ សរសៃប្រសាទ ការស្តារ និងអភិវឌ្ឍប្រព័ន្ធប្រសាទនៃមជ្ឈមណ្ឌល Thomson Pediatric Centre ប្រទេសសិង្ហបុរី បានពន្យល់នៅក្នុងបទបង្ហាញមួយស្តីពី “ដំណាក់កាលដំបូងនៃការលូតលាស់ និងអភិវឌ្ឍន៍ខួរក្បាលរបស់កុមារ តាមទស្សនៈវិស័យរបស់គ្រូពេទ្យ” ថា ការអភិវឌ្ឍការយល់ដឹងរបស់កុមារ គឺជាដំណាក់កាលដែលកំពុងលូតលាស់។ ដូច្នេះ អាហារូបត្ថម្ភដែលល្អមានគុណប្រយោជន៍នឹងជួយទ្រទ្រង់ដល់ការរៀនស្វែងយល់ ការអភិវឌ្ឍភាសា និងភាពប៉ិនប្រសប់ផ្សេងៗកាន់តែប្រសើរ ជាពិសេស LUPUFAs។ ទោះជាយ៉ាងណា ការផ្តល់ដំបូន្មានចំពោះឪពុកម្តាយអំពីវិធីបង្កើន និងអភិវឌ្ឍជំនាញជីវិតរបស់កុមារ មានសារៈសំខាន់ខ្លាំងបំផុត។
លោកស្រី Anna Jacob នាយិកាផ្នែកអាហារូបត្ថម្ភអន្តរជាតិ នៃក្រុមហ៊ុន Abbott សិង្ហបុរីបានបញ្ជាក់នៅក្នុងបទបង្ហាញ “កត្តាប្រែប្រួលអាហារូបត្ថម្ភនៃការសំយោគស៊ីណាប់ប្រសាទក្នុងដំណាក់កាលនៃការអភិវឌ្ឍរបស់ខួរក្បាល” ថា ទំហំខួរក្បាលរបស់ទារកលូតលាស់យ៉ាងឆាប់រហ័សតាមរយៈប្រវែង តំណភ្ជាប់ និងការកើនឡើងនៃចំនួនកោសិកាប្រសាទ។ សារជាតិ Lutein និង វីតាមីន E (RRR-vitamin E) ជួយការពារ DHA និងត្រូវបានរកឃើញរួមគ្នាជាមួយនឹង DHA នៅក្នុងភ្នាសខួរក្បាលនៃទារកក្នុងផ្ទៃ។ Similac Gain IQ និង Similac Gain Kid ក៏ជាទឹកដោះគោម្សៅដែលគ្មានជាតិប្រេង Palm Olein ដែលជួយដល់ការស្រូបយកជាតិខ្លាញ់ល្អ កាល់ស្យូម និងធ្វើឲ្យលាមកក្មេងទន់ផងដែរ៕
