បន្ទាប់ពីបាននាំចូល Monsne Cafe មកកាន់កម្ពុជាកាលពីថ្ងៃទី23 ខែមិនា ឆ្នាំ2017 និងទទួលបានការគាំទ្រច្រើនពីអតិថជនក្រុមហ៊ុន Monsne Cafe បានធ្វើការផ្ដល់សិទ្ធធុរកិច្ចដល់អ្នកចែកចាយក្នុងប្រទេសកម្ពុជា នឹងក្នុងប្រទេសថៃផងដែរ។
កាលពីថ្ងៃទី10ខែឧសភា ឆ្នាំ2017កន្លងទៅនេះ ក្រុមហ៊ុន Monsne Cafe បានរៀបចំពិធីចុះហេត្ថលេខា នៃការផ្ដល់សិទ្ធធុរកិច្ចរបស់ Monsne Cafe ទៅអ្នកចែកចាយក្នុងស្រុកបន្ថែមទៀត។ ពិធីនេះបានប្រព្រឹត្ដទៅនៅសណ្ឋាគារអ៊ីនធឺកង់ទីណង់តាល់
ដែលមានការចូលរួមពីភ្ញៀបកិត្ដិយស និងអ្នកតំណាងសាខាជាច្រើនរូប។
លោកឧកញ៉ា ចិត្រ សេរីសុភ័ក្រ្ដ អគ្គនាយក Monsne Cafe បានលើកឡើងថាក្រុមហ៊ុននេះមានម្ចាស់ភាគហ៊ុនចំនួន2នាក់គឺខ្ញុំបាទ នឹងគូដណ្តឹងរបស់ខ្ញុំបាទឈ្មោះ Sasitan Laorojpinyo ហើយមូលហេតុដែលលោកនឹងគូដណ្តឹងរបស់លោកនាំយកប្រេននេះមកកាន់ទីផ្សារកម្ពុជា ព្រោះលោកគិតថាវាប្រ៊េននេះវាបានបង្កប់នូវប្រភេទទឹកដោះគោស្រស់ម្យ៉ាងជារសជាតិថ្មីឈ្មោះថា HOKKIADO MILK ដែលបាននាំមកពីប្រទេសជប៉ុន។ ជាមួយគ្នានេះលោករំពឹងថា វាក៏អាចទទួលបានការគាំទ្រពីអតិថិជនក្នុងស្រុកផងដែរ។
អគ្គនាយក Monsne Cafe បន្ថែមថា៖“ជាក់ស្ដែងកាលពីពេលដែលយើងបើកសម្ពោធប្រេន Monsne Cafe ត្រឹមតែបីថ្ងៃដំបូងយើងអាចលក់បាន 2000កែវ។ ដូច្នេះហើយទើបយើងសន្និដ្ឋានថាទឹកដោះគោរសជាតិថ្មីមកពីជប៉ុននេះហើយនឹងអាចទាក់ទាញអ្នកគាំទ្រឱ្យកាន់តែច្រើនបន្ថែមទៀត។ ក្នុងនោះពួកគាត់បានលើកសរសើរថា ទឹកដោះគោរសជាតិថ្មីរបស់បង ពិតជាមានរសជាតិឆ្ងាញ់ណាស់ ញ៉ាំម្ដងហើយចង់ញ៉ាំម្ដងទៀត”។
Monsne Cafe បច្ចុប្បន្នមានសាខាចំនួន14 ដូចជា ផ្សារដេប៉ូ ទួលគោក IFL ស្ទឹងមានជ័យ អូឡាំពិក មាត់ទន្លេ ទួលទំពូង វត្ដភ្នំ តាខ្មៅ បាក់ទូក សន្ធរមុខ និងខេត្ដសៀមរាបដែលជាដៃគូចែកចាយបន្ដ។ ក្រៅពីនេះប្រ៊េនទឹកដោះគោរសជាតិថ្មីក៏បានបង្កើតសាខាមួយចំនួននៅក្នុងប្រទេសថៃផងដែរ៕
