ថ្ងៃនេះទស្សនាវដ្តី ឡា រ៉ែន ដែលជាជំនួយការពិសេសរបស់អ្នកម្តាយនឹងនាំមកជូននូវចំណេះដឹងរឿង ភាពមហស្ចារ្យនៃទឹកដោះម្តាយមកជូនស្រ្តីជាម្តាយដែលកំពុងបំបៅទឹកដោះកូនទាំងឡាយបានអានទាំងអស់គ្នា។ នាពេលបច្ចុប្បន្នគេរកឃើញថា កូនតូចរឹតតែបៅទឹកដោះម្តាយយូរ និងបៅទឹកដោះម្តាយតែម្យ៉ាងក្នុងរយៈពេល 6 ខែដំបូង នឹងជួយឱ្យអៃឃ្យូ( IQ )កើនឡើងតាមរយៈពេលដែលបានបៅទឹកដោះម្តាយនោះ តែការដែលនឹងធ្វើឱ្យកូនឆ្លាត មិនអាចធ្វើបានងាយៗត្រឹមតែអាស្រ័យលើការបៅទឹកដោះប៉ុណ្ណោះទេ ត្រូវគួបផ្សំនឹងការចិញ្ចឹមមើលថែទាំដែលបង្កើន និងជំរុញវិវឌ្ឍនាការលើគ្រប់ៗផ្នែកទៀតផង។ យើងមិនអាចធានាបានថា ការបៅទឹកដោះម្តាយនឹងធ្វើឱ្យកូនបានទទួលរង្វាន់ ណូបែលនោះទេ តែការស្រាវជ្រាវបច្ចុប្បន្នរកឃើញថា ទឹកដោះម្តាយមានចំណែកអភិវឌ្ឍខួរក្បាលក្មេងតូចដូចតទៅនេះ ៈ
ក្មេងដែលបៅទឹកដោះម្តាយ អៃឃ្យូ ជាមធ្យមខ្ពស់ជាងក្មេងដែលបៅទឹកដោះម្សៅ
ការស្រាវជ្រាវបានរកឃើញថា ក្មេងដែលបៅទឹកដោះម្តាយនឹងមានកម្រិតអៃឃ្យូគិតជាមធ្យមខ្ពស់ជាងក្មេងដែលបៅម្សៅទឹកដោះគោ 7 – 10 ចំណុច ដោយសិក្សាពីកុមារជាច្រើនរយនាក់ មិនមែននិយាយតែពីក្មេងណាម្នាក់នោះទេ ដូច្នេះបើត្រូវការបង្កើនកម្រិតអៃឌៀរបស់មនុស្សទាំងអស់នៅក្នុងប្រទេសណាមួយ ការសាងគុណភាពមនុស្សដោយចាប់ផ្តើមពីការឱ្យទារកបៅទឹកដោះម្តាយគឺជាវិធីដែលងាយ និង និងសន្សំសំចៃបំផុត។
ក្មេងដែលបៅទឹកដោះម្តាយ រៀនពូកែជាងក្មេងដែលបៅទឹកដោះគោម្សៅ
ការស្រាវជ្រាវបានរកឃើញថា ក្មេងដែលបៅទឹកដោះម្តាយនឹងរៀនពូកែជាងក្មេងដែលបៅទឹកដោះគោម្សៅ ទោះជាការគ្រប់គ្រងកត្តាប្រែប្រួលផ្សេងៗដែលមានផលដល់ខួរក្បាលក៏ដោយ និងរឹតតែបៅទឹកដោះម្តាយយូរ នឹងរឹតតែមានផលល្អដល់ខួរក្បាលថែមឡើងតាមរយៈពេលដែលបានបៅទឹកដោះម្តាយដែរ។
ក្មេងដែលបៅទឹកដោះម្តាយ មានឱកាសលេងសប្បាយច្រើនជាងក្មេងដែលបៅម្សៅទឹកដោះគោ
ពីរឆ្នាំដំបូង ជាអំឡុងពេលដែលខួរក្បាលធំឡើងយ៉ាងឆាប់រហ័ស កោសិកានីមួយៗមានការតភ្ជាប់ពាក់ព័ន្ធគ្នាជាសំណាញ់។ ការលេងជាមួយកូនញឹកញាប់ នឹងធ្វើឱ្យការតភ្ជាប់កើនឡើង ព្រោះថាទឹកដោះម្តាយងាយរំលាយ ទើបធ្វើឱ្យកូនភ្ញាក់ញឹកញាប់ ធ្វើឱ្យមានឱកាសបានលេងជាមួយឪពុកម្តាយញឹកញាប់ជាង៕
