យានអវកាស Orion ក្នុងបេសកកម្ម Artemis 1 របស់ ណាសា ថតរូបផែនដីពីចម្ងាយនៅពេលហោះបាន 1/5 នៃចម្ងាយផ្លូវទៅកាន់ឋានព្រះចន្ទ។
បេសកកម្ម Artemis 1 ដែលចាប់ផ្ដើមហោះហើរដោយគ្មានមនុស្សបើកបរ កាលពីថ្ងៃទី 16 វិច្ឆិកា 2022 ត្រូវបានធ្វើឡើងដើម្បីហោះជុំវិញឋានព្រះចន្ទ។ យាន Orion បានថតរូបសែលហ្វ៊ីជាមួយនឹងផែនដីដែលឃើញតែមួយផ្នែកដែលទទួលបានពន្លឺពីព្រះអាទិត្យ ក្រោយពីការហោះហើរបានជាង 9 ម៉ោង។
នៅក្នុងពេលថតរូប យាន Orion ហោះហើរក្នុងល្បឿនជាតិ 8,800 គីឡូម៉ែត្រ/ម៉ោង និងស្ថិតនៅឆ្ងាយពីផែនដី 92,000 គីឡូម៉ែត្រ ដែលស្មើនឹង 1/5 នៃគម្លាតរវាងផែនដី និងព្រះចន្ទ។
បេសកកម្ម Artemis 1 នឹងត្រូវឆ្លងកាត់រយៈពេល 5 ថ្ងៃបន្តទៀតនៅក្នុងការហោះហើរទៅកាន់ឋានព្រះចន្ទ។ យាន Orion នឹងទៅដល់ព្រះចន្ទនៅថ្ងៃទី 21 វិច្ឆិកា ហើយចំណាយពេលច្រើនថ្ងៃដើម្បីហោះហើរជុំវិញលោកខែ មុននឹងបង្វែរទិសដៅត្រលប់មកកាន់ផែនដី។ បេសកកម្មជាងម្ភៃថ្ងៃនេះនឹងត្រូវបញ្ចប់នៅថ្ងៃទី 11 ធ្នូ 2022៕
