មន្ត្រីអ៊ុយក្រែន បានអំពាវនាវដល់ប្រជាជននៅក្នុងតំបន់ទាំងឡាយដែលកំពុងត្រូវបានរំលោភកាន់កាប់ដោយ រុស្ស៊ី រួមទាំង ឧបទ្វីបគ្រីមៀ ផងដែរ ឱ្យត្រៀមកន្លែងលាក់ខ្លួន និងត្រៀមស្បៀងអាហារឱ្យបានគ្រប់គ្រាន់។
«ប្រជាជននៅក្នុងបណ្ដាតំបន់ដែលត្រូវបានគេរំលោភកាន់កាប់ រួមទាំង ឧបទ្វីបគ្រីមៀ ត្រូវគោរពតាមការណែនាំរបស់ក្រុមមន្ត្រី នៅក្នុងពេលអនុវត្តវិធានការរំដោះ» Mikhail Podolyak ទីប្រឹក្សារបស់ ប្រធានាធិបតីអ៊ុយក្រែន ប្រកាសនៅលើ Twitter កាលពីថ្ងៃទី ០៥ កញ្ញា។
«ជាងនេះទៀត គ្រប់គ្នាគួរតែត្រៀមកន្លែងលាក់ខ្លួនពីគ្រាប់បែក ត្រៀមទឹកឱ្យបានគ្រប់គ្រាន់ និងបញ្ចូលថាមពលអគ្គិសនីចាប់ពីពេលនេះ» Podolyak បន្ថែមដូច្នេះ។ «គ្រប់យ៉ាងនឹងជាកម្មសិទ្ធិរបស់ អ៊ុយក្រែន»។
ក្នុងរយៈពេលច្រើនសប្ដាហ៍កន្លងមកនេះ អ៊ុយក្រែន បានព្រមានជាបន្តបន្ទាប់ និងណែនាំឱ្យប្រជាជននៅភាគខាងត្បូង ត្រៀមខ្លួនឱ្យបានរួចរាល់ និងភៀសខ្លួនមុនពេលប្រទេសនេះបើកការវាយប្រហារ។ ប៉ុន្តែ ការព្រមានរបស់ Podolyak ពិតជាគួរឱ្យចាប់អារម្មណ៍ ព្រោះតែសំដៅលើប្រជាជននៅ គ្រីមៀ ជាទីដែលត្រូវបាន ទីក្រុងមូស្គូ រឹបអូស និងដាក់បញ្ចូលទៅក្នុង សហព័ន្ធរុស្ស៊ី តាមរយៈការធ្វើប្រជាមតិកាលពីឆ្នាំ ២០១។ ឧបទ្វីបគ្រីមៀ ត្រូវបានគេយល់ថា ស្ថិតនៅក្រៅរង្វង់ប្រតិបត្តិការនៃអាវុធរបស់ អ៊ុយក្រែន៕