សេចក្ដីព្រាងច្បាប់ដែលហាមបុរសគ្រប់អាយុចូលបម្រើកងទ័ពចាកចេញពី អ៊ុយក្រែន ក្នុងពេលអនុវត្តច្បាប់អាជ្ញាសឹក ត្រូវបានបញ្ជូនឡើងទៅកាន់សភាអ៊ុយក្រែន កាលពីថ្ងៃទី ២៤ មិថុនា ដើម្បីពិនិត្យ និងអនុម័ត។
រហូតមកដល់ពេលនេះ លិខិតស្នាមសម្រាប់ចាកចេញពី ប្រទេសអ៊ុយក្រែន នៅក្នុងពេលអនុវត្តច្បាប់អាជ្ញាសឹក ចំពោះបុរសអាយុពី ១៨ ដល់ ៦០ ឆ្នាំ សុទ្ធតែតម្រូវឱ្យមានការយល់ព្រមពីប្រធានាធិបតី។
យោងតាមសេចក្ដីព្រាងច្បាប់ថ្មីនេះ ជនពិការអាចត្រូវបានអនុញ្ញាតឱ្យចូលបម្រើក្នុងជួរកងទ័ព បើសិនពួកគេស្ម័គ្រចិត្ត ប៉ុន្តែពួកគេអាចចាកចេញពីប្រទេសបាន។ ការកំណត់ដូច្នេះគ្នានេះក៏នឹងត្រូវបានអនុវត្តចំពោះឪពុកដែលមិនមានភរិយា ឪពុកដែលមានកូនច្រើន សិស្សកំពុងសិក្សា និងសិស្សដែលបានបញ្ចប់ការសិក្សាផងដែរ។
មុននោះ មានលិខិតស្នើសុំជាផ្លូវការមួយត្រូវបានចុះផ្សាយនៅលើគេហទំព័ររបស់ប្រធានាធិបតី ដែលអំពាវនាវឱ្យដកបទបញ្ជាហាមចាកចេញពីប្រទេសចំពោះបុរសដែលមានអាយុពី ១៨ ដល់ ៦០ ឆ្នាំ។ លិខិតនេះត្រូវបានចុះហត្ថលេខាដោយមនុស្សជាង ២៥,០០០ នាក់។ ប្រធានាធិបតី ហ្សេឡែនស្គី បញ្ជាក់ថា បទបញ្ជានេះនឹងត្រូវបានដកហូតមកវិញបន្ទាប់ពីការអនុវត្តច្បាប់អាជ្ញាសឹកត្រូវបានបញ្ចប់។
ច្បាប់អាជ្ញាសឹកត្រូវបានអនុវត្តនៅ អ៊ុយក្រែន ចាប់ពីថ្ងៃទី ២៤ កុម្ភៈ ២០២២។ វាត្រូវបានសភាអ៊ុយក្រែន ពន្យារសុពលភាព ៩០ ថ្ងៃម្ដងរួចហើយ។ សភាអ៊ុយក្រែន ក៏បានពន្យារសុពលភាពនៃបទបញ្ជាកែនទ័ពរហូតដល់ថ្ងៃទី ២៣ សីហា ២០២២។