មេដឹកនាំសាធារណរដ្ឋឆេឆេនី និយាយថា ទាហានស្ម័គ្រចិត្ត ១,០០០ នាក់ទៀត កំពុងធ្វើដំណើរទៅចូលរួមយុទ្ធនាការយោធារបស់ រុស្ស៊ី នៅ អ៊ុយក្រែន។
«Apty Alaudinov (ដែលជាជំនួយការរបស់មេដឹកនាំ សាធារណរដ្ឋឆេឆេនី) កំពុងដឹកនាំអ្នកស្ម័គ្រចិត្ត ១,០០០ នាក់ ពី សាធារណរដ្ឋឆេឆេនី ទៅកាន់ អ៊ុយក្រែន ដើម្បីចូលរួមយុទ្ធនាការយោធាពិសេស ដើម្បីរំដោះ អ៊ុយក្រែន ពីរបបដឹកនាំ បែបណាហ្ស៊ី និងបំបាត់ការធ្វើឧបនីយកម្មយោធារបស់ប្រទេសនេះ» Ramzan Kadyrov មេដឹកនាំរបស់ សាធារណរដ្ឋឆេឆេនី នៃ សហព័ន្ធរុស្ស៊ី ប្រកាសកាលពីថ្ងៃទី ១៧ មីនា។
គិតមកដល់បច្ចុប្បន្ន មិនដឹងច្បាស់ថា Kadyrov បានបញ្ជូនទាហានប៉ុន្មាននាក់ទៅកាន់ អ៊ុយក្រែន ប៉ុន្តែ Financial Times រាយការណ៍ថា តាមការគណនា ទាហានប្រមាណ ១ ម៉ឺននាក់ ត្រូវបានបញ្ជូនទៅកាន់ អ៊ុយក្រែន រួចហើយ ដើម្បីជួយគាំទ្រដល់ រុស្ស៊ី។
