(អាល្លឺម៉ង់)-មនុស្សជាង ១០០,០០០ នាក់ បានប្រមូលផ្ដុំគ្នាធ្វើបាតុកម្មកាលពីថ្ងៃទី ២៧ កុម្ភៈ នៅក្នុង រដ្ឋធានីបែរឡាំង ដើម្បីអំពាវនាវឱ្យឈប់ធ្វើសង្គ្រាមនៅ អ៊ុយក្រែន។
ក្រុមបាតុករបានគាំទ្រឱ្យមានសន្តិភាពសម្រាប់ អ៊ុយក្រែន ប្រឆាំងនឹងសង្គ្រាម ក៏ដូចជាអំពាវនាវឱ្យ រុស្ស៊ី ដកទ័ពចេញពីប្រទេសនេះ។
យោងតាមអាជ្ញាធរ ក្រុងបែរឡាំង ព្រឹត្តិការណ៍ខាងលើនេះ មានអ្នកចូលរួមប្រមាណជាង ១០០,០០០ នាក់។ មុននោះ គណៈកម្មការរៀបចំ ដែលរួមមាន ក្រុមការពារបរិស្ថាន សហជីព និងវិហារសាសនា បានប៉ាន់ប្រមាណឃើញថា បាតុកម្មនេះនឹងមានអ្នកចូលរួមប្រហែល ២០,០០០ នាក់ប៉ុណ្ណោះ។
