ប្រវត្តិវិទូ Yuriy Korchemniy មិនធ្លាប់បានកាន់កាំភ្លើងម្ដងណាឡើយក្នុងជីវិត ប៉ុន្តែ នៅតែកាន់កាំភ្លើង AK-៤៧ ក្នុងដៃ ស្ម័គ្រចិត្តចូលរួមការពាររដ្ឋធានី ជាមួយប្រជាជនដទៃទៀត។
Korchemniy ចាប់យកកាំភ្លើង AK-៤៧ ពីធុងអាវុធដែលទើបត្រូវបានដាក់ចុះពីរថយន្តដឹកទំនិញ។ នេះគឺជាអាវុធដែលកងទ័ពរបស់ អ៊ុយក្រែន ចែកឱ្យអង្គភាពស្ម័គ្រចិត្តការពារថ្មី ដែលទើបតែបង្កើតឡើងកាលពីថ្ងៃទី ២៥ កុម្ភៈ បន្ទាប់ពី រុស្ស៊ី បើកការឈ្លានពានបាន ២ ថ្ងៃ។
កន្លែងដែល Korchemniy កំពុងឈរជើង គឺជាទីតាំងដែលមានផ្លូវនាំទៅកាន់តំបន់រដ្ឋបាល ដែលប្រធានាធិបតី ហ្សេឡេនស្គី ធ្វើការ។ ចំណែកទិសផ្ទុយនៅលើផ្លូវនេះ នាំទៅរកតំបន់ដែលប៉ុន្មានម៉ោងមុននេះ មានការប្រយុទ្ធគ្នារវាង ទាហានអ៊ុយក្រែន និង ទាហានរុស្ស៊ី។
អង្គភាពស្ម័គ្រចិត្តខាងលើ មិនទាន់បានឃើញស្រមោលរបស់ កងទ័ពរុស្ស៊ី នៅឡើយ បើទោះបានឮស្នូរគ្រាប់កាំភ្លើងនៅឯនាយ។ មេបញ្ជាការអង្គភាពនេះ បាននិយាយថា «មិនដឹងច្បាស់ថា ទាហានរុស្ស៊ី ទាំងនោះ បានទៅទីណា ក្រោយពីបានវាយប្រហារទីតាំងក្បែរនោះ។
