ការ «ប្ដូរគ្រាប់គ្នា» រវាងកងទ័ពរបស់ រុស្ស៊ី និង អ៊ុយក្រែន បានកើតឡើងតាំងពីព្រឹកព្រលឹមថ្ងៃនេះ ក្នុងនោះមានករណីផ្ទុះជាច្រើនបានកើតមាននៅក្នុងតំបន់ជាច្រើនរបស់រដ្ឋធានីកៀវ។
រថយន្ត ១ គ្រឿង បានផ្ទុះឆេះនៅលើដងផ្លូវក្នុងតំបន់ Shuliavka ក្បែរសួនសត្វរបស់ រដ្ឋធានីកៀវ នៅក្នុងការប្រយុទ្ធគ្នាខាងលើ។ សំឡេងផ្ទុះអាវុធក៏ត្រូវបានបន្លឺឡើងនៅពាសពេញទីក្រុងកៀវ នៅព្រឹកនេះ។
ភាគីអ៊ុយក្រែន បាននិយាយថា ពួកគេបានវាយរុញច្រាន កងទ័ពរុស្ស៊ី នៅឯមូលដ្ឋានទ័ពរបស់ រដ្ឋធានីកៀវ។ អ៊ុយក្រែន ក៏បានអះអាងថា បានវាយរាំងខ្ទប់អង្គភាពយោធាជាច្រើនផ្សេងទៀតរបស់ រុស្ស៊ី នៅមហាវិថី Peremohy ផងដែរ។
