កងទ័ពអ៊ុយក្រែន បានចាប់ផ្ដើមចែកអាវុធឱ្យប្រជាជនស៊ីវិលរបស់ខ្លួន នៅ រដ្ឋធានីកៀវ ទន្ទឹមនឹងការកម្ទេចស្ពានទាំងឡាយដែលនៅជុំវិញរដ្ឋធានី ដើម្បីរារាំងការសម្រុកចូលរបស់ កងទ័ពរុស្ស៊ី។
មុនការចែកអាវុធឱ្យប្រជាជនស៊ីវិល កងទ័ពអ៊ុយក្រែន ក៏បានចែកអាវុធដល់ទាហានបម្រុងប្រមាណ ១៨ ពាន់នាក់ នៅ តំបន់រដ្ឋធានីកៀវ ផងដែរ។
ការចែកអាវុធខាងលើ ត្រូវបានធ្វើឡើងក្នុងគ្រាដែល កងទ័ពរុស្ស៊ី កំពុងព្យាយាមសម្រុកចូលកាន់កាប់ រដ្ឋធានីរបស់ អ៊ុយក្រែន។ ទាហានរុស្ស៊ី ប្រហែល ២០% ក្នុងចំណោមជាង ១៥ ម៉ឺននាក់ ដែលប្រមូលផ្ដុំនៅព្រំដែន ត្រូវបានប្រើប្រាស់ នេះបើតាមក្រុមមន្ត្រីនៅ សេតវិមាន។
ដើម្បីរារាំងការសម្រុកចូលរបស់ កងទ័ពរុស្ស៊ី ភាគីកងទ័ពរបស់ អ៊ុយក្រែន ក៏បានកម្ទេចស្ពានទាំងឡាយដែលនៅជុំវិញរដ្ឋធានី។ យុទ្ធសាស្ត្រនេះរបស់ អ៊ុយក្រែន ទំនងជាបានបង្អាក់ដំណើររបស់ កងទ័ពរុស្ស៊ី ដែលកំពុងព្យាយាមរុលចូលក្នុង ទីក្រុងកៀវ។