អគ្គមេបញ្ជាការកងទ័ពអ៊ុយក្រែន បានឱ្យដឹងថា រុស្ស៊ី កំពុងប្រើប្រាស់ព្រលានយន្តហោះ Gomel នៅ ប្រទេសបេឡារូស ដើម្បីបញ្ជូនទ័ពមកវាយប្រហារលើ រដ្ឋធានីកៀវ។
មូលហេតុដែល រុស្ស៊ី ប្រើប្រាស់ព្រលានយន្តហោះ Gomel នៅ បេឡារូស នេះ គឺដោយសារព្រលានយន្តហោះយោធា Antonov នៅតំបន់ Gostomel ជាយក្រុងកៀវ របស់ អ៊ុយក្រែន បានរងខូចខាតធ្ងន់ធ្ងរ។
«ដើម្បីគំរាមកំហែងប្រជាជនអ៊ុយក្រែន សត្រូវកំពុងតែជ្រើសរើសវិធីបំផ្លាញហេដ្ឋារចនាសម្ព័ន្ធ និងផ្ទះសំបែងរបស់ប្រជាជនស៊ីវិល» អគ្គបញ្ជាការដ្ឋាននៃកងទ័ពជាតិអ៊ុយក្រែន បានប្រកាសដូច្នេះនៅលើ Facebook។
