អនុរដ្ឋមន្ត្រីក្រសួងមហាផ្ទៃអ៊ុយក្រែន បានឱ្យដឹងថា យន្តហោះចម្បាំង Su-២៧ របស់ប្រទេសនេះ ត្រូវបានបាញ់ទម្លាក់ពីអាកាសរបស់ រដ្ឋធានីកៀវ កាលពីប៉ុន្មានម៉ោងមុននេះ។
ក៏ប៉ុន្តែ លោក Evgeny Yenin អនុរដ្ឋមន្ត្រីក្រសួងមហាផ្ទៃអ៊ុយក្រែន មិនបានបញ្ជាក់ច្បាស់ថា យន្តហោះនេះត្រូវគ្រាប់ពីភាគីខាងណានៅឡើយ។
រូបភាពដែលប្រកាសដោយអង្គភាពយកការណ៍សម្ងាត់របស់ អ៊ុយក្រែន បានបង្ហាញថា ផ្ទះ ១ ខ្នងដែលមានកម្ពស់ ២ ជាន់ កំពុងឆាប់ឆេះ បន្ទាប់ពីបំណែកយន្តហោះធ្លាក់ចំ។ ប៉ុន្តែ មិនដឹងច្បាស់ថា នោះគឺពិតជាបំណែកយន្តហោះ Su-២៧ របស់ អ៊ុយក្រែន មែន ឬមិនមែន។
