មន្ត្រីរបស់ អ៊ុយក្រែន បានឱ្យដឹងថា កងទ័ពរុស្ស៊ី កំពុងបើកការវាយលុកចូល រដ្ឋធានីកៀវ របស់ ប្រទេសនេះ ដោយប្រើប្រាស់កាំជ្រួចកំណត់ទិស ឬកាំជ្រួចផ្លោង។
ការវាយប្រហារទៅលើ រដ្ឋធានីកៀវ ភាគច្រើនត្រូវបានធ្វើឡើងតាមផ្លូវអាកាស ដោយប្រើប្រាស់គ្រាប់ រ៉ុក្កែត ដូច្នេះ ទីក្រុងកៀវ ត្រូវការអាវុធការពារដែនអាកាសបន្ថែមទៀត។
ពី ប្រទេសជប៉ុន ឯកអគ្គរដ្ឋទូតរបស់ អ៊ុយក្រែន បានឱ្យដឹងថា៖ «អ៊ុយក្រែន មានសមត្ថភាពទប់ទល់ប្រឆាំងនឹងការវាយប្រហារដោយរថក្រោះ ប៉ុន្តែ យើងត្រូវការកាំជ្រួចបំពាក់លើស្មា Stinger និងអាវុធការពារដែនអាកាសផ្សេងៗថែមទៀត ដើម្បីប្រឆាំងនឹង កាំជ្រួចកំណត់ទិស ដែលកំពុងស្រោចមកលើទឹកដី»។
