នាថ្ងៃទី 28មេសា ឆ្នាំ2021នេះ ក្រសួងសុខាភិបាលកម្ពុជាបានឱ្យដឹងថា បានរកឃើញអ្នកវិជ្ជមាននឹងវីរុសCovid-19 ថ្មី ចំនួន 698នាក់ និងអ្នកជាសះស្បើយចំនួន 994នាក់ទៀត ក្នុងអំឡុង 24ម៉ោងនៃថ្ងៃទី 27 ខែមេសា ឆ្នាំ2021។
ក្នុងចំណោមអ្នកវិជ្ជមានថ្មីចំនួន 698នាក់ខាងលើនេះ មាន 1នាក់ជាពលករខ្មែរត្រលប់ពីប្រទេសថៃ ក្រៅពីនេះគឺសុទ្ធតែជាករណីពាក់ព័ន្ធនឹងព្រឹត្តិការណ៍20កុម្ភៈ។ ក្នុងថ្ងៃទី 27 ខែមេសាដដែល កម្ពុជាក៏មានអ្នកជំងឺCovid-19 ចំនួន 6នាក់បានស្លាប់។
គិតមកដល់បច្ចុប្បន្ន (28 ខែមេសា) ទូទាំងប្រទេសកម្ពុជា អ្នកឆ្លងCovid-19 សរុបបានកើនដល់ 11,761នាក់ ក្នុងនោះមានអ្នកជាសះស្បើយសរុប 4,698នាក់, អ្នកស្លាប់ 88នាក់ និងអ្នកជំងឺកំពុងព្យាបាលនៅមន្ទីរពេទ្យ ចំនួន 6,968នាក់។
នៅទូទាំងពិភពលោក គិតមកដល់ម៉ោង9 និង30នាទី ថ្ងៃទី28 ខែមេសា ឆ្នាំ2021 អ្នកវិជ្ជមាននឹង Covid-19 បានកើនឡើងដល់ 149,637,489នាក់ ក្នុងនោះមានអ្នកស្លាប់សរុប 3,153,202នាក់, អ្នកជាស្បើយ 127,221,624នាក់ និងកំពុងព្យាបាល 18,764,333នាក់៕
ប្រភព៖ ក្រសួងសុខាភិបាល, Worldometers
ដកស្រង់ និងប្រែសម្រួល៖ បុត្រា
