កាលពីពេលថ្មីៗនេះ ក្រុមហ៊ុន Huawei ទើបតែប្រកាសចេញទូរស័ព្ទឆ្លាតវៃ អេក្រង់បត់ជំនាន់ថ្មីរបស់ខ្លួនជាផ្លូវការ ដែលមានឈ្មោះស៊រីថា Huawei Mate X2 ហើយអ្វីដែលគេចាប់អារម្មណ៍នោះ គឺស្មាតហ្វូនម៉ូដែលថ្មីនេះ ជាស្មាតហ្វូនដំបូងរបស់ Huawei ដែលដំឡើងទាំងស្រុងក្នុងស្តុក គឺ Harmony OS ផ្ទាល់ខ្លួន។
បើតាមការបង្ហាញរបស់ Huawei គេនឹងអាចឃើញ Harmony OS ផ្លូវការ នឹងចេញកំណែអាប់ឌែត នៅក្នុងមេសា ឆ្នាំ2021 ដាក់លើស្មាតហ្វូនអេក្រង់បត់ Huawei Mate X2 មុនគេ តែយ៉ាងណាមិញ 3ខែខាងមុខនេះ វាត្រូវដំណើរការដោយ Android 10 ជាបណ្ដោះអាសន្នសិន។
សូមរំឭកផងដែរថា ប្រព័ន្ធប្រតិបត្តិការផ្ទាល់ខ្លួនរបស់ Huawei នេះ ត្រូវបានប្រកាសចេញកាលពី 2ឆ្នាំមុន។ មុននឹងយក OS មកបំពាក់លើស្មាតហ្វូន Huawei ក៏បានប្រើប្រាស់វា ដាក់នៅលើផលិតផលសំខាន់ៗជាច្រើនទៀត ក្នុងគោលបំណងសាកល្បងក្នុងទីផ្សារប្រទេសចិន ជាក់ស្ដែងដូចជា ទូរទស្សន៍ឆ្លាតវៃ និងរថយន្តរបស់ក្រុមហ៊ុន BYD ជាដើម៕
