– ខាងឆ្វេងដៃនៃចានបាយ(ដាក់រៀងគ្នាពីក្នុងទៅក្រៅ) ៈ សម
– ខាងស្ដាំដៃនៃចានបាយ(ដាក់រៀងគ្នាពីក្នុងទៅក្រៅ) ៈ កូនកាំបិត និងស្លាបព្រាបដួសស៊ុប
– ខាងលើឆៀងខាងឆ្វេងនៃចានបាយ ៈ ចានដាក់នំប៉័ង និងកូនកាំបិតលាបប៊័រ
– ខាងលើឆៀងខាងស្ដាំនៃចានបាយ(ដាក់រៀបពីក្នុងទៅក្រៅ ផ្អៀងបញ្ឆិតចុះមកផ្នែកខាងក្រោមប្រមាណជា 3/4អ៊ិញ) ៈ កែវទឹក និងកែវស្រាក្រហម/កែវកាហ្វេ
វិធីរៀបចំតុអាហារបែបពាក់កណ្ដាលផ្លូវការ
វិធីរៀបចំតុអាហារបែបពាក់កណ្ដាលផ្លូវការ ស័ក្តិសមសម្រាប់ពិធីជប់លៀងញ៉ាំអាហារពេលថ្ងៃ ឬជប់លៀងផារ៍ធីពេលព្រលប់។ គោលការណ៍រៀបចំតុអាហារបែបនេះនឹងចាប់ផ្ដើមមានការផ្លាស់ប្ដូរចាន និងប្រើឧបករណ៍លើតុអាហារថែមឡើងច្រើនដែលនឹងចាប់ផ្ដើមចាត់ត្រៀមដោយការដាក់ចានបាយនៅចំកណ្ដាលបន្ទះទ្រចាន បន្ទាប់ពីនោះដាក់កន្សែងជូតមាត់នៅផ្នែកខាងលើ និងចុងក្រោយ ដាក់ចានញ៉ាំស៊ុបពីលើកន្សែងជូតមាត់ចំកណ្ដាល។ សម្រាប់ឧបករណ៍ផ្សេងៗទៀត ចូររៀបចំដាក់រៀងគ្នាដូចតទៅនេះ ៈ
– ខាងឆ្វេងដៃនៃចានបាយ(ដាក់រៀងគ្នាពីក្នុងទៅក្រៅ) ៈ សមញ៉ាំអាហារ និងសមញ៉ាំញាំបន្លែ(សាលាដ)
– ខាងស្ដាំដៃនៃចានបាយ(ដាក់រៀងគ្នាពីក្នុងទៅក្រៅ) ៈ កូនកាំបិត ស្លាបព្រា និងស្លាបព្រាដួសស៊ុប
– ខាងលើបញ្ឆិតទៅខាងឆ្វេងនៃចានបាយ ៈ ចាននំប៉័ង និងកូនកាំបិតលាបប៊័រ
– ខាងលើបញ្ឆិតទៅខាងស្ដាំនៃចានបាយ ចន្លោះចាន និងកូនកាំបិត(ដាក់រៀងគ្នាពីក្នុងទៅក្រៅ ផ្អៀងបញ្ឆិតចុះមកខាងក្រោមប្រមាណ 3/4អ៊ិញ) ៈ កែវ និងកែវស្រាក្រហម។
– ខាងលើចានបាយ ៈ ស្លាបព្រាបង្អែម ដោយដាក់ឱ្យដងដៃចាប់បែរចង្អុលទៅខាងស្ដាំរបស់ចាន
វិធីរៀបចំតុអាហារបែបផ្លូវការ
វិធីរៀបចំតុអាហារបែបផ្លូវការ ស័ក្តិសមសម្រាប់ពិធីជប់លៀង ពិធីផារ៍ធី និងពេលញ៉ាំអាហារក្នុងថ្ងៃឈប់សម្រាក ដោយគោលការណ៍ចាត់ត្រៀមតុអាហារបែបផ្លូវការនេះច្រើនតែអាស្រ័យលើមុខម្ហូបដែលបម្រើ ដែលប្រើការរៀងបន្តគ្នាពីក្រៅចូលមកក្នុង ដោយចាប់ផ្ដើមពីរៀបចំចានបាយឱ្យស្ថិតនៅចន្លោះកណ្ដាលរបស់កៅអីនីមួយៗ ឆ្ងាយពីគែមតុប្រមាណជា 1 – 2អ៊ិញ ព្រមទាំងដាក់កន្សែងជូតមាត់នៅលើចាន ឬខាងឆ្វេងដៃមុនដាក់សម ឬមិនទេ ក៏ខាងឆ្វេងក្រោមសមក៏បាន។ ចំណែកឧបករណ៍ផ្សេងៗទៀត ចូររៀបចំដាក់រៀងគ្នាដូចតទៅនេះ ៈ
– ខាងស្ដាំដៃនៃចានបាយ(ដាក់រៀងគ្នាពីក្នុងទៅក្រៅ) ៈ កូនកាំបិតកាត់សាច់ កូនកាំបិតសម្រាប់ត្រី កូនកាំបិតសម្រាប់ញាំបន្លែ(សាលាដ) ស្លាបព្រាស៊ុប ឬស្លាបព្រាផ្លែឈើ និងសមគ្រំអយស្ទ័រ។
– ខាងលើបញ្ឆិតទៅខាងឆ្វេងនៃចានបាយ ៈ ចាននំប៉័ង និងកូនកាំបិតលាបប៊័រ
– ខាងលើបញ្ឆិតទៅខាងស្ដាំនៃចានបាយ(ដាក់រៀងគ្នាពីក្នុងទៅក្រៅ) ៈ កែវទឹក កែវស្រាក្រហម កែវស្រាស និងកែស្រាសំប៉ាញ។
ក្រៅពីការរៀបចំតុអាហារឱ្យត្រឹមត្រូវតាមគោលការណ៍ហើយ ការតុបតែងតុអាហារឱ្យស្រស់ស្អាតដោយទៀន ឬផ្កាស្រស់ក៏ជួយបង្កើនឱ្យតុអាហារ និងបន្ទប់ទទួលទានអាហាររបស់អ្នកមើលទៅស្រស់ស្អាត គួរឱ្យចង់ប្រើប្រាស់ និងត្រៀមស្រេចក្នុងការទទួលភ្ញៀវកាន់តែខ្លាំងឡើងបានដែរ និងអ្វីដែលសំខាន់ត្រូវតាំងចិត្តធ្វើម្ហូបឱ្យឆ្ងាញ់ និងកុំភ្លេចយកចិត្តទុកដាក់មើលភ្ញៀវដែលមកចូលរួមទទួលទានអាហារផង៕
