ថ្មីៗនេះក្រុមហ៊ុន Samsung បានប្រកាសឱ្យដឹងពីតម្លៃរបស់ Galaxy A42 5G ដែលមានតម្លៃ 349ផោន (ប្រមាណ 455ដុល្លារ) នៅក្នុងទីផ្សារចក្រភពអង់គ្លេស។
Galaxy A42 ប្រើប្រាស់ឈីប Snapdragon 750G ដែល Qualcomm បានប្រកាសចេញកាលពីខែមុន។ វាមានអេក្រង់ទំហំ 6.6អ៊ីញ ជាប្រភេទ OLED មានក្បាលឆករាងដំណក់ទឹក សម្រាប់ដាក់កាមេរ៉ាទំហំ 20MP, មាន RAM ទំហំ 4GB ទៅ 8GB, អង្គផ្ទុកទំហំ 128GB អាចពង្រីកបាន, ថ្មទំហំ 5000mAh និងទ្រនាប់ស្គែនម្រាមដៃបង្កប់ក្រោមអេក្រង់។
កាមេរ៉ាខាងក្រោយ 4គ្រាប់ ដែលកាមេរ៉ាមេ មានទំហំ 48MP, កាមេរ៉ា Ultrawide ទំហំ 8MP, កាមេរ៉ា Macro ទំហំ 5MP និងកាមេរ៉ាវាស់ជម្រៅ ទំហំ 5MP សម្រាប់បង្កើតរូបភាព Portrait។
ស្មាតហ្វូន 5G តម្លៃរាងធូរជាងគេនេះ នឹងចេញលក់នៅក្នុងទីផ្សារចក្រភពអង់គ្លេស នៅថ្ងៃទី6 ខែវិច្ឆិកាខាងមុខនេះ តែបច្ចុប្បន្ននេះ ស្មាតហ្វូន 5G តម្លៃធូរជាងគេរបស់ Samsung គឺ Galaxy A51 5G ដែលលក់នៅក្នុងប្រទេសអង់គ្លេស មានតម្លៃតែខ្ទង់ 80ផោន (ប្រមាណ 104ដុល្លារ)ប៉ុណ្ណោះ៕
