ខ្សែបម្រើប្រយុទ្ធ Raheem Sterling បានរួមភេទជាមួយនឹងនារីរកស៊ីផ្លូវភេទម្នាក់ក្នុងតម្លៃខ្លួន3,០០០ផោន (ស្មើនឹង3,900ដុល្លារអាមេរិក) ក្នុងមួយយប់ ក្នុងពេលស្ថិតក្នុងដំណើរប្រកួតមុនបើករដូវកាលនៅលើទឹកដីសហរដ្ឋអាមេរិកជាមួយនឹងក្លិប Manchester City។
ខ្សែបម្រើស្លាបអន្តរជាតិអង់គ្លេសវ័យ22ឆ្នាំរូបនេះបានដេកជាមួយនឹងនារីម្នាក់ដែលមានមុខមាត់ដូចនាង Kim Kardashian អ៊ីចឹង ក្នុងទីក្រុង Los Angeles កាលពីខែមុន។ ប៉ុន្តែ ក្រោយមក Sterling បានធ្វើការតវ៉ាទៅលើតម្លៃខ្លួនរបស់នាង ប៉ុន្តែបានឲ្យប្រាក់ទៅនាងដោយដាក់ក្នុងស្រោមសំបុត្រមួយ។ Raheem ដែលរកចំណូលបាន18ម៉ឺនផោនក្នុងមួយសប្តាហ៍នោះ បានផ្ញើសារដើម្បីបង្ហាញពីកំហឹងរបស់គេនៅលើបណ្តាញសង្គម WhatsApp ទាក់ទងនឹងតម្លៃខ្លួន នៅមុនពេលកីឡាកររបស់ក្លិប Man City រូបនេះ ចាកចេញដោយទុកប្រាក់ឲ្យ1500ផោនសម្រាប់នារីរកស៊ីផ្លូវភេទរូបនោះ។
ស្ត្រីម្នាក់នោះបាននិយាយថា៖ «Raheem ដូចជាមហាសេដ្ឋីម្នាក់ ប៉ុន្តែរូបគេជាមនុស្សកំណាញ់។ រូបគេហាក់បានគិតថា គេនឹងអាចដេកជាមួយនឹងខ្ញុំ និងមិនបង់ប្រាក់ឲ្យខ្ញុំ។ បើគិតពីប្រាក់ដែលគេទទួលបាន តម្លៃខ្លួនខ្ញុំប៉ុននេះពិតជាថោកណាស់»។ ក្រោយមក Sterling បានធ្វើការទាក់ទងនឹងនារីរូបនោះ ដោយនិយាយថា រូបគេស្ថិតក្នុងស្ថានភាពស្រវឹងខ្លាំងពេក ដែលមិនអាចចងចាំអ្វីបាននៅរាត្រីដែលពួកគេនៅជាមួយគ្នា។ ឥរិយាបថរបស់គេអាចនឹងធ្វើឲ្យមិត្តស្រីរបស់នាងគឺនាង Paige ដែលជាស្រ្តីកូនមួយផ្ទុះកំហឹង ហើយក៏អាចធ្វើឲ្យលោក Pep Guardiola ដែលជាគ្រូបង្វឹករបស់ Man City ខឹងសម្បាផងដែរ៕
ប្រភពពី៖ The Sun
