រដ្ឋបាលរាជធានីភ្នំពេញ នៅក្នុងកិច្ចប្រជុំសាមញ្ញលើកទី13 របស់ក្រុមប្រឹក្សារាជធានីភ្នំពេញអាណត្តិទី3 បានបញ្ជាក់ថា តំបន់ចាក់សំរាមនៅក្នុងខណ្ឌសង្កោ គ្រោងនឹងផ្លាស់ប្តូរទៅតាមបណ្តោយផ្លូវលេខ51 ស្រុកអង្គស្នួល ខេត្តកណ្តាលវិញ។
ឯកឧត្តម ឃួង ស្រេង អភិបាលរាជធានីភ្នំពេញ បានបញ្ជាក់ថា ក្រោយពេលផ្ទេរទីតាំងចាក់សំរាមទៅផ្លូវលេខ51 ហើយ ទីតាំងចាស់នៅក្នុងខណ្ឌដង្កោ នឹងត្រូវក្លាយជាទីតាំងផ្ទេរសំរាមវិញ ហើយរដ្ឋបាលរាជធានីភ្នំពេញ ក៏បន្ថែមកន្លែងផ្ទេរសំរាមចំនួន2ទីតាំងបន្ថែមទៀតផងដែរ គឺមួយកន្លែងក្នុងខណ្ឌសែនសុខ និងមួយកន្លែងទៀតនៅក្នុងខណ្ឌពោធិ៍សែនជ័យ។
អភិបាលរាជធានីភ្នំពេញបានបញ្ជាក់ផងដែរថា រដ្ឋបាលរាជធានីភ្នំពេញ បានដេញថ្លៃក្រុមហ៊ុនដឹកជញ្ជូនសំរាមចំនួន3រួចហើយមកដល់បច្ចុប្បន្ននេះ។ ក្រោយពីក្រុមហ៊ុនទាំងអស់នោះបានអនុវត្តការងាររបស់ខ្លួនហើយ រដ្ឋបាលរាជធានីភ្នំពេញ នឹងមានវិធានការក្តៅចំពោះអ្នកដែលមិនបានបង់ថ្លៃសំរាម និងមានវិធានការចំពោះអ្នកទុកដាក់សំរាមអាណាធិបតេយ្យផងដែរ៕
