រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ ឯកឧត្តម វេង សាខុន បានបញ្ជាក់ថា ការនាំចេញស្រូវទៅកាន់ប្រទេសវៀតណាមតាមច្រកមួយចំនួននៅកម្ពុជាក្នុងរយៈពេល06ខែដើមឆ្នាំ 2020 នេះកម្ពុជាបាននាំចេញស្រូវទៅកាន់ប្រទេសវៀតណាមចំនួន 921,047តោន។
ឯកឧត្តមរដ្ឋមន្ត្រីបញ្ជាក់ថាច្រកដែលកម្ពុជានាំចេញទៅកាន់ប្រទេសវៀតណាមគឺច្រកនៅខេត្តកំពត ខេត្តតាកែវ ខេត្តកណ្តាល ខេត្តព្រៃវែង និងខេត្តស្វាយរៀង។ ឯកឧត្តមបន្ថែមថា ខេត្តដែលបានផលិតស្រូវច្រើនជាងគេនៅកម្ពុជាក្នុងរយៈពេល 10ឆ្នាំចុងក្រោយនេះ គឺខេត្តព្រៃវែង ដោយគិតចាប់តាំងពីថ្ងៃទី 22ខែឧសភា ដល់ថ្ងៃទី 08ខែមិថុនា ឆ្នាំ2020 នេះខេត្តព្រៃវែងបាននាំចេញស្រូវទៅកាន់ប្រទេសវៀតណាមចំណួន 38,526តោន៕
