បើបច្ចុប្បន្ននេះតារាចម្រៀង ខាន់ ជេមស៍ មានកេរ្តិ៍បោះសំឡេងក្នុងសិល្បៈក្ដីតែគ្មានអ្នកណាម្នាក់ដឹងថាលោកមានកូនស្រីធំពេញវ័យក្រមុំនោះទេ។ ទើបតែថ្មីៗនេះ ខាន់ ជេមស៍ បានធ្វើឲ្យពុកម៉ែបងប្អូនមានការភ្ញាក់ផ្អើលយ៉ាងខ្លាំងក្រោយពីលោក បណ្ដើរកូនៗទៅញាំអីនៅខាងក្រៅផ្ទះ។ ក្នុងនោះមហាជនបានចាប់អារម្មណ៍កូនស្រីរបស់លោក ព្រោះភ្លេចខ្លួនតែបន្ដិចសោះកូនស្រីតារាចម្រៀងនៅផលិតកម្មសាន់ដេរូបនេះ ធំពេញវ័យក្រមុំបាត់រីឯរូបសម្រស់វិញស្រស់ស្អាតមិនចាញ់តារាប៉ុន្មានឡើយ។
ក្នុងរូបភាពដែល ខាន់ ជេមស៍ បង្ហោះជាមួយកូនស្រីនោះដែរបានបញ្ជាក់ឲ្យឃើញច្បាស់ថា ទោះបីជាពេលកន្លងមកលោក មិនសូវបានបង្ហាញមុខមាត់ប្រពន្ធកូន ឬបណ្ដើរភរិយាទៅចូលរួមកម្មវិធីតូចធំក្ដី តែមើលទៅគ្រួសារលោកពិតជាមានសុភមង្គលខ្លាំងណាស់៕
