(ប្រទេសចិន) – ប្រធានក្រុមបាល់ទាត់ជម្រើសជាតិអាហ្សង់ទីន ចាត់ទុក World Cup 2022 ថាជាព្រឹត្តិការណ៍ប្រកួតបាល់ទាត់ពិភពលោកចុងក្រោយនៅក្នុងអាជីពរបស់ខ្លួន។
«ខ្ញុំគិតថា មិនទេ។ កាតា 2022 គឺជា World Cup ចុងក្រោយរបស់ខ្ញុំ។ …ខ្ញុំនឹងមិនចូលរួមរដូវកាលបន្ទាប់ទៀតនោះទេ» Lionel Messi បានឆ្លើយតបទៅកាន់ទីភ្នាក់ងារសារព័ត៌មានកីឡាចិន Titan Sports កាលពីព្រលប់ថ្ងៃទី 13 មិថុនា ពេលត្រូវបានសួរអំពីលទ្ធភាពអូសបន្លាយអាជីពនៅអន្តរជាតិរហូត World Cup 2026។
កាលពីខែកុម្ភៈ Messi ធ្លាប់បាននិយាយដល់លទ្ធភាពនៃការមិនចូលរួមប្រកួតនៅ World Cup 2026 ម្ដងរួចមកហើយ។ គាត់បារម្ភចំពោះកាតាអាយុ និងកម្លាំងដែលអាចផ្ដល់ផលអាក្រក់ដល់ក្រុមជម្រើសជាតិអាហ្សង់ទីន។
កាលពីខែវិច្ឆិកា 2022 នៅប្រទេសកាតា Messi រួមចំណែករកបាន 7 គ្រាប់ និងបង្កឱកាសបាន 3 គ្រាប់ ដែលជួយឱ្យអាហ្សង់ទីនដណ្ដើមបានពានរង្វាន់ជើងឯក World Cup និងទទួលបានងារជាកីឡាករឆ្លើមបំផុតនៅរដូវកាលនោះ។
បច្ចុប្បន្ន Messi មានពានរង្វាន់បាល់មាសចំនួន 7 ដែលនេះគឺជាកំណត់ពិភពលោក។ បើសិនជាចូលរួមប្រកួតនៅពេល Word Cup 2026 ដែលនឹងធ្វើឡើងនៅសហរដ្ឋអាម៉េរិក ម៉ិកស៊ិក និងកាណាដា Messi នឹងមានឱកាសបំបែកកំណត់ត្រារបស់ខ្លួន។ ក៏ប៉ុន្តែ ពេល World Cup 2026 ត្រូវបានរៀបចំ ក៏ជាពេលដែល Messi មានអាយុ 39 ឆ្នាំ៕
