តាមរយៈទស្សនាវដ្តីចិន BAZAAR ដែលចេញផ្សាយលេខថ្មី កាលពីពេលថ្មីៗនេះ បានយករូបតួសម្ដែងនៅក្នុងរឿង F4 2018 របស់ប្រទេសចិនមកឡើងក្របមុខទាំងអស់ ដើម្បីជាការពញ្ញាក់ និងទាក់ទាញចំណាប់អារម្មណ៍អ្នកគាំទ្ររឿង Flower Boys មួយនេះ។ បើតាមសារព័ត៌មាន Kenh14 ដែលបានចេញផ្សាយនៅថ្ងៃទី7 ខែវិច្ឆិកា ឆ្នាំ2017 នេះ ក៏បានឱ្យដឹងផងដែរថា ជំនាន់ចុងក្រោយនៃរឿង F4 ដែលធ្លាប់ទទួលបានភាពល្បីល្បាញទូទាំងសកលលោកកាលពីឆ្នាំ 2001នោះ ឥឡូវនេះត្រូវបានដាក់ចំណងជើងថ្មីថា F4 in 2018’s Meteor Garden ។
ដោយឡែកកម្លោះសង្ហាទាំង 4 នាក់នៅក្នុងរឿងនេះរួមមាន លោក He Wong មានវ័យទើបតែ 19 ឆ្នាំ មកពីខេត្ត Chengdu ។ លោក Quan Hong មានអាយុ 22 ឆ្នាំជាតារាសម្ដែងប្រចាំទីក្រុង តៃប៉ិ ។ រីឯតារាបង្ហាញម៉ូដ និងសម្ដែង Liang Jing មានវ័យ 23 ឆ្នាំ មានស្រុកកំណើតនៅខេត្ត Guangzhou និងតារាប្រុសចុងក្រោយ មុខដូចតារាកូនកាត់ចិន-អឺរ៉ុបមួយនេះ មានឈ្មោះថា Wu មានអាយុ 22 ឆ្នាំ មកពីខេត្ត Shenzhen។ អ្នកទាំង4 បានមកជួបគ្នាជាលើកដំបូងនៅក្នុងការថតរូបដាក់ក្របមុខឱ្យទស្សនាវដ្តីខាងលើ ដែលកាន់តែធ្វើឱ្យនារីៗជាច្រើនកំពុងជ្រួលច្របល់ចំពោះសម្រស់ដ៏ស្រស់សង្ហារបស់ពួកគេ។
បើចង់ដឹងថា តើ ក្រុម F4 ជំនាន់ថ្មីនេះមានរូបរាងមុខមាត់ស្រស់សង្ហាប៉ុនណានោះ សូមប្រិយមិត្តទាំងឡាយទស្សនារូបភាពរបស់ពួកគេខាងក្រោមនេះ៖
