លោក Hugh Hefner ដែលជាស្ថាបនិកទស្សនាវដ្តីអាសអាភាសដ៏ល្បីល្បាញ Play Boy បានធ្វើមរណកាលហើយនៅអាយុ 91 ឆ្នាំ នេះបើតាមរយៈក្រុមហ៊ុន Playboy Enterprises Inc ដែលបានអះអាងប្រាប់សារព័ត៌មានបរទេសនៅថ្ងៃ28 ខែកញ្ញា ឆ្នាំ2017 នេះថា ស្ថាបនិក និងនាយកក្រុមហ៊ុនទស្សនាវដ្ដីស្រីស្រាតដ៏ល្បីល្បាញរូបនេះបានចូលមរណកាលនៅក្នុងគេហដ្ឋាន ដោយសាររោគាពាធ។
គួររំឭកផងដែរថា លោក Hugh Hefner បានបង្កើតទស្សនាវដ្តីនេះនៅក្នុងផ្ទះរបស់ខ្លួនជាលើកដំបូងនៅឆ្នាំ1953 រហូតដល់ទស្សនាវដ្តីនេះមានភាពល្បីល្បាញ និងបានក្លាយជាក្រុមហ៊ុនធំមួយ ដែលបានថតរូបភាពស្រីស្រាតសិចស៊ី និងអាសអាភាសចំនួនរាប់លានក្បាល និងលក់ដាច់អស់ 7 លានក្បាលក្នុងមួយខែ។
គួរបញ្ជាក់ផងដែរថា ដំណឹងដ៏គួរឱ្យសោកសៅនេះ បានប្រកាសភ្លាមៗតាមរយៈស្ថានីយព័ត៌មាន BBC Breaking News មុននេះបន្ដិចផងដែរ៕
